एफिसी 3:2 - थुलुङ राई

² इनीमा लागि ङा गो माम्‍चु़नीकाम न-थो़मकु खारी बेपा खुन्‍चु़म ल्‍वाउतोम बु र्‍वाक्‍पा गानी थो़न्‍निमङा बु।

एफिसी 3:2 Iomraidhean Croise

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

रोमी 11:13

गानी वाङसामामिमलाई गो ओराम ल्‍वा र्‍वाक्‍तोङा बेउ। गो वाङसामामिमकु थु़र्मा दु़म्‍ङोडोमका जो़पा-सेला दो़पा खारी बोमुङा छो़म डोक्‍पु मिम्‍पु।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

१ कोरिन्थी 4:1

गुकु ख्रीष्‍टकु डु़ल्‍चो़ नुङ माम्‍चु़नीकु दुथाम थक्‍मा आच्‍छाङाकाम ल्‍वा सो़मु खुन्‍चु़म ल्वापा मु़चु़ र्‍वाक्‍साका मु़चु़मिमका गुकुलाई मिम्‍मु बासी।

गलाती 1:13

गो यहूदीमिमकु डु़म्‍लागोडा बाङडोलोम आमा दुथाममिम ल्‍वा ने गानी थो़न्‍निमङा बु, मेम बिलि गो माम्‍चु़नीकु मण्‍डलीगोडाम मु़चु़मिमकु हाङको छो़म थो़मतेर्साक्‍तोमी मा पुयु़लुबेन्‍मु माल्‍तोमी।

एफिसी 1:10

माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

एफिसी 3:7

माम्‍चु़नीकु डोक्‍पु दिदाम नुङ यु़मलामका माम्‍चु़नीका गोलाई राप्‍लावा ग्‍वाक्‍साका जो़पा-सेला थो़बेट्‌पा उनीमा डु़ल्‍चो़ दु़म्‍बेट्‌ङिडिमी।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

एफिसी 3:9

मेम्‍मा खोत्‍लेम थोक प्रङपा माम्‍चु़नीका सु़म्‍दिमोलो आथामङा थक्‍मिडिम ल्‍वा हाम र्‍वाक्‍साका खोत्‍लेनुङ सो़मु लागि गोलाई छेट्‌ङिडिमी।

एफिसी 4:21

आच्‍छाङा गानी उनीमा सीसि थो़न्‍निमा उनीमा सीसिपा दु़म्‍निमका येशूकाम आच्‍छाङाकाम ल्‍वा सीन्‍सिट्‌नी।

एफिसी 4:7

लावो ख्रीष्‍टका गुइ त्‍वाप त्‍वापलाई हापा खालकाम खारी बेपा यु़म उनीमा मुलु़ होम्‍साका ग्‍वाक्‍साड्‌डामिम बु।

कलस्‍सी 1:4

हेङालोने ख्रीष्‍ट येशूडलाम इनीमा थो़र नुङ माम्‍चु़नीकु खोत्‍ले मु़चु़मिमडलाम इनीमा रिखामकु दुथाम गुकु थो़त्तोकोम बु।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

२ तिमोथी 1:11

ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।