एफिसी 3:16 - थुलुङ राई

¹⁶ उनीमा हेल्‍लो वो मेहुक्‍पा जि-वाका सासाका उनीमा पेललामका गानीलाई यु़म ग्‍वाक्‍साका इनीमा न-गो सोनुङमा दु़म्‍बेन्‍मिनु़ र्‍वाक्‍साका यु़मनुङमा माम्‍चु़नीनुङ सो़म्‍दी बेउ।

एफिसी 3:16 Iomraidhean Croise

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

रोमी 2:29

नगोलामका यहूदी दु़म्‍पा कोङङा यहूदी सो़, मा आच्‍छाङाकाम खिरिरि क्रिप्‍सी ने नगोडा दु़म्‍पा ल्‍वा सो़, ओराम ने माम्‍चु़नी-पेललाम दु़म्‍पा ल्‍वा सो़, डु़म्‍लाडा र्‍यासिट्‍पा ल्‍वा मेएँ। आरेप्‍माम मु़चु़लाई मु़चु़का मेएँ, माम्‍चु़नीका जो़पा मिम्‍मी।

रोमी 7:22

आमा न-गो ने माम्‍चु़नीलाममिम डु़म्‍लाडा गेर्सी द्‍वा।

रोमी 9:23

मेम्‍मा गुइडला छो़म डोक्‍पु यु़म नुङ गुमीनुङ बाट्‍पा यु़म-झ्‍वाक्‍सी रेम्‍बोमु न बेम्‍डी। गुइ उनीमा न-थो़म रेम्‍बेपा सोजाम दु़स्‍ती।

१ कोरिन्थी 16:13

चङचङया बानी, छो़म थो़रनुङमा दु़म्‍नी, डोक्‍पु थो़म्‍बोकनुङमा दु़म्‍नी मा छो़म सोनुङमा दु़म्‍नी।

२ कोरिन्‍थी 12:9

लावो गुमीका गोलाई र्‍वाम्‍डी, “इमा लागि आमा दिदाम हापा बु। इमा मेचाप्‍सीडा आमा यु़मका खारी बु़।” मेम्‍मिमका ख्रीष्‍टकु यु़म गोडला दु़म्‍नु़ र्‍वाक्‍साका आमा मेचाप्‍सीडा गो छो़म गेर्सी द्‍वाक्‍तो आमा धक्‍ची डोक्‍पु बेउ।

२ कोरिन्‍थी 4:16

मेम्‍मिमका हेल्‍लो वो आकीमा पाउ मेसो। आकीमा मिरो़म यु़प्‍तो ल लोवो आकीमा त्वारो़मकु पेल ने हेल्‍लो लोवो लाले दु़म्तो ल।

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

एफिसी 3:15

गुमी सु़म्‍दिसेर नुङ पाह्रीला बाट्‍पा खोत्‍ले थो़रलु़पामिमकु पापङा सो़।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

एफिसी 6:10

हुम-दडा, गानी ङाचो़कु डोक्‍पु यु़मका यु़मनुङमा दु़म्‍नी।

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

फिलिप्‍पी 4:19

आमा माम्‍चु़नीका र्‍वामु मेझापा उनीमा खाप्‍चीलामका गानी चाहे बोनिमिम खोत्‍ले ख्रीष्‍ट येशूडा ग्‍वानिमी।

कलस्‍सी 1:11

माम्चु़नीका गानी आनो मेनो मेदु़म्साका इम्सिक्‍साका बाट्‌पा दु़म्मु लागि उनीमा डोक्‍पु यु़मका गानीलाई सोनुङमा दु़म्‍बेनिमिनु़।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

कलस्‍सी 2:2

इनीमा सो हन्‍नु़ मा रिखाम बेबोमुडा कोले दु़म्‍नी र्‍वाक्‍साका ओराम बेउतोम बु। इनीमा थो़रडा ने जो़पा दु़म्नी मा गानी मेमुर्पा दु़म्नी, हेङालोने गानी आच्‍छाङाकाम सिजेम जो़होमका थेसिथेट्‌निम बु। मेम्मा माम्‍चु़नीकु थक्‍मा ल्‍वा ख्रीष्‍टकु दुथाम आच्‍छाङाका थेसिथेनिनु़ र्‍वाक्‍पा आमा न बु।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

हिब्रू 11:34

मुकु भुल्‍मुमिम सेट्‌मिडी, कातु़रु़कु फल्‍खोपडाम स्‍वाम्‍डी, मेचापालाम सोनुङमा दु़म्‍मिडी, क्‍वाल्‍बाडा यु़मचो़ दु़म्‍मिडी मा वाङमिम नेब्‍दीलाममिम सिपाहीमिमलाई खान्‍सोम्‍डी।

१ पत्रुस 3:4

इनीमा जो़प्‍सी ने न-गोलाममिम दु़म्‍मु बासी। मेराम हेल्‍लो वो मेदाम्‍पा याक्‍के दु़म्‍सी नुङ लिबा बासी सो़। माम्‍चु़नीकु ङादोडा मेराम हापा थिकाम दु़म।