एफिसी 3:12 - थुलुङ राई

¹² ख्रीष्‍टडा दु़म्‍साका मा गुमीडा थो़र बेसाका ङा गुइ माम्‍चु़नीकाडा रोमु मेङिपा मा इकी सो हन्‍पा दु़म्‍सी।

एफिसी 3:12 Iomraidhean Croise

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

२ कोरिन्‍थी 3:4

ख्रीष्‍टलाम न-थो़म ल्‍वात्तोकोमका गुकु माम्‍चु़नीडला आरेप्‍माम थो़र बेसाका र्‍वाकु।

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

हिब्रू 10:35

मेम्‍मिमका इनी रुखु फिन्‍मु मेडिट्‍नी, ओरामका हापा पुरस्‍कार ल्‍वाबेनी।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

१ यूहन्‍ना 3:21

द्‌वादीबुङ ङोप्‍सो़नी, इकीमा नका गुइलाई मुमा मेबेसा माला माम्‍चु़नीकु ङादोडा गुइ मेङिसी।