एफिसी 3:10 - थुलुङ राई

¹⁰ ओम्‍लोम थारीका मण्‍डलीलामका दामुला बाट्‍पा साखामचो़मिम नुङ हपमिमका माम्‍चु़नीकाम हापा खालकु नेप्‍ची बु रेछा र्‍वाक्‍पा चमिनु़ र्‍वाक्‍साका मेराम थक्‍मा ल्‍वा रेम्‍बेम्‍डी।

एफिसी 3:10 Iomraidhean Croise

रोमी 11:33

अहो! हेल्‍लो वो मेल्‍वाम्‍मा यु़मखारीनुङमा माम्‍चु़नी गुइनुङ बुमी, गुमी नेप्‍चीनुङमा बुमी, मा खोलेम थोक थेट्‍पा चक्‍पा वो गुमी ङा बुमी। अहो! उनीमा निया हाङको डोक्‍पु मा गुमी लाम्‍दीमिम लाम्‍दी सु़का छेमु चाप्‍सु़?

रोमी 8:38

हेङालोने उहेम ल्‍वाका वो ख्रीष्‍टकु रिखामलामका गुइलाई वाङ बोमु मेचाप्‍सा र्‍वाक्‍पा गुइ चडिम बु। ना सिमुलामका ना त्‍वारो़मका ना पाह्रीचो़मिमका ना मुनाङपेलमिमका ना ओम्‍लोम नुङ दिफु दु़म्‍पा ल्‍वामिमका, ना कोङनिम यु़मका,

१ कोरिन्थी 1:24

लावो यहूदीमिम दु़म्‍नु़का वाङसामामिम, माम्‍चु़नीका येट्‌मिडिमिमकाम लागि ने ख्रीष्‍टङा माम्‍चु़नीकु यु़म नुङ नेप्‍ची सो़।

१ कोरिन्थी 2:7

माम्‍चु़नीकु मेल्‍वाखोपडाम नेप्‍ची, थक्‍मा नेप्‍ची ङा गुकु सो़कु, उहेम ने ङादो गुमीका इकीमा यु़म-झ्‍वाक्‍सीकाम लागि सु़म्‍दिसेर प्रङमु ङादोङा मुलु़ बेम्‍डिम बाइडा।

एफिसी 1:21

माम्‍चु़नीका डोक्‍पुमिम, साखामनुङमामिम, यु़मनुङमामिम, किब्‍दी थो़पामिम, ओम्‍लोम थारीका कोङङा मेएँ लावो रोक्‍पा थारीकाम लागि वो वाङमिम नङकु खोत्‍लेडाम डला ने ख्रीष्‍टलाई जु़ल्‍मिडी।

एफिसी 1:23

मा मण्‍डली ने ख्रीष्‍टकु रो़म, गुमीडा बाट्‍पा खोत्‍ले ल्‍वा थो़र लु़पामिमनुङ बु, मा गुमीका खोत्‍लेम थोक खोत्‍लेथो़ उनी त्‍वाकाङा थो़मी।

एफिसी 1:3

इकीमा ङाचो़ येशू ख्रीष्‍टकु पाप माम्‍चु़नीलाई आला दु़म्नु़। गुमीका पाह्रीलाम खोममिमडा त्‍वारो़मकु खोत्‍ले जि-वामिम ख्रीष्‍टडा दु़स्तिम गुइलाई ग्‍वाक्‍साड्‍डामिम बु।

एफिसी 1:8

मेराम दिदाम माम्‍चु़नीका गुइलाई उनी दाप होर्साका ग्‍वाक्‍साड्‍डामी।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।

कलस्‍सी 1:16

हेङालोने पाह्रीला मा सुबुडा बाट्‌पामिम, मिक्‍सीका ल्‍वासिमिम, मेल्‍वासिमिम, साखाम थो़पा गन्‍खोपमिम दु़म्‍नु़का यु़ममिम, साखामचो़मिम दु़म्‍नु़का डोक्‍पुमिम, खोत्‍लेलाई माम्‍चु़नीका ख्रीष्‍टलामका प्रङ्‌मिडी। माम्‍चु़नीका खोत्‍ले ख्रीष्‍टलामका मा ख्रीष्‍टकाम लागि प्रङ्‌मिडी।

कलस्‍सी 2:10

गुमीका गानीलाई ख्रीष्‍टडा नु़मु ग्‍वाक्‍निम बु, मा खोत्लेका लिट्‍पा बेम्‍डिमका आथा ने हाम वो मेबासी। खोत्‍ले साखाम नुङ यु़मडला साखाम थो़पा ख्रीष्‍टङा बुमी।

कलस्‍सी 2:15

मेम्‍मा येशू ख्रीष्‍ट क्रूसडला सिम्‍डिमलामका माम्‍चु़नीका साखाम नुङ यु़म बाट्‌पा खोत्‍ले पेलमिमडला घ्‍ल्‍वाम्‍डिमी। मेकोतिमा खोत्‍लेकु ल्‍वाहोमडा मेर्मिमकु क्रो़म फुल्‍साम्‍डी।

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।