एफिसी 2:8 - थुलुङ राई

⁸ माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

एफिसी 2:8 Iomraidhean Croise

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

मत्ती 20:9

“ङो (५) जेस्‍तालो आथाम खारी बोमु चो़म्‍पामिम रोम्‍डिमा खोत्‍लेका नेम्‍तोमकाम खउलुङ ल्‍वाम्‍डी।

मर्कूस 16:16

उहेम-उहेम ओराम जो़पा-सेलाडा थो़र लु़मी, मा कु-रु़दु़म रमी मेर्मिम सेल्‍सिमी, मा ओराम ल्‍वाडा थो़र मेलु़पा नुङ कु-रु़दु़म मेरपामिम ने देन्‍दे ल्‍वामी।

लूका 7:50

येशूका मेराम मेसेमलाई र्‍वाम्‍डी, “गाना गोडला थो़र लु़न्‍नामका गाना सेल्‍सिट्‌नाम बु। इ न भ्रसिक्‍तो लक्‍सा।”

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।

यूहन्‍ना 6:37

पापका ग्‍वाङ्‌डिमिम खोत्‍ले मु़चु़ आमाडा रोमी, मा आमाडा रोक्‍पामिमलाई गो हेल्‍लो वो मेकोलुमी।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 6:44

गोलाई थु़र्पा पापका आमाथो़ मेक्रिथु़मसम्‍म सु़ वो आमाडा रोमु मेचाप्‍सु़, मा गो मेरामलाई हुक्‍पा थारीनेम नु़बेट्‌पु।

यूहन्‍ना 6:65

मेकोतिमा येशूका र्‍वाम्‍डी, “मेम्मिमका गो गानीलाई आरे र्‍वाङडोम बाइडा, ‘पापका कोङनिमलाई आमाडा मेरेथु़मसम्‍म सु़वो आमाडा रोमु मेचाप्‍सु़’।”

थु़र्मा 13:39

मोशाकु डु़म्‍लाका खोत्‍ले इनीमा छु़ल सेल्‍मु मेचाप्‍सु़वा, लावो येशूडा थो़रलु़पा खोत्‍ले सेल्‍सिट्‌निम बु।

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

थु़र्मा 15:11

लावो मेर्मिम नुङ गुइ ङाचो़ येशूकु दिदामका सेल्‍सिड्‌डिम बु र्‍वाक्‍साका गुइ थो़र लु़इडिम बु।”

थु़र्मा 16:14

मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।

थु़र्मा 16:31

मेर्चिपका र्‍वाक्‍ची, “येशू ख्रीष्‍टडा थो़र लु़नी, मा गानी नुङ इनीमा नेमडाममिम खोत्‍लेङा सेल्‍सिनी।”

रोमी 10:14

लावो गुमीडा थो़रमेलु़साका हेसाका येन्‍मी मा? उनीमा नङकु दुथाम थो़म्डिमङा मिबु माला हेसाका गुमीडला थो़रलु़मी? कोङनिमका मेथो़बेसाका हेसाका उनीमा दुथाम थो़मी मा?

रोमी 10:17

थो़रलु़सी ने हाम थो़स्‍तिम बु मेरामलाम रो मा हाम थो़सी मेराम ख्रीष्‍टकु सिजेमलाम रो।

रोमी 4:16

माम्‍चु़नीका याचेजेम्‍डिम ल्‍वा ने थो़रलाम ल्‍वासिक्‍पामिमका ओराम माम्‍चु़नीकु दिदामलाम रो। ओरामका डु़म्‍ला होम्‍साका दोपा अब्राहामकु खोत्‍ले चो़-चु़सु़मिमकाम लागि कोङङा मेएँ, लावो अब्राहाम होम्‍साका थो़रलु़पा मु़चु़मिमका वो आच्‍छाङा ल्‍वामी। हेङालोने थो़रलु़पामिमकु ङाउ-खुउ ने अब्राहाम सो़।

रोमी 4:5

कोङनिम मु़चु़का बु़डु़म डु़म्‍ला रु़दु़मका मेएँ, लावो मुमाचो़लाई मुमा मान्‍थिम बनेबेपा माम्‍चु़नीडा थो़र बु़ माला गुलाई माम्‍चु़नीका उनीमा त्‍वाकु ङादोडा मुमा मान्‍थिम दु़म्‍बेन्‍मी। आरेसाका माम्‍चु़नीका मु़चु़मिमलाई थो़रलामका मुमा मान्‍थिम नुङ जो़पा न-गोकाम दु़म्‍बेन्‍मी।

रोमी 9:16

मेम्‍मिमका माम्‍चु़नीका गुलाई मु़चु़कु न होम्‍साका येट्‌मिमडिम मेएँ, लावो उनीमा त्‍वाकु दिदामका येट्‌मिडिम सो़।

गलाती 3:14

अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

एफिसी 1:19

मा गुइ थो़र लु़पामिमकाम लागि उनीमा छो़म डोक्‍पु यु़म हाङको डोक्‍पु बु र्‍वाक्‍पा चनी र्‍वाङुमा वो सो़म्‍दी बेउ। ओराम डोक्‍पु यु़मलामका ङा,

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

एफिसी 2:5

गुइ छु़ल बिइडिमका सिप्‍ल्‍याक्‍पा बाइडी लोवो माम्‍चु़नीका ख्रीष्‍टलाई सिमुलाम फम्‍डिलो गुमीनुङङा गुइलाई वो नु़बेसाड्‌डामी। आरेसाका गुमीका न-थो़म रेम्‍बेम्‍डिमा गानी सेल्‍सिट्‌निम बु।

फिलिप्‍पी 1:29

गानी ख्रीष्‍टकाम लागि गुमीडला थो़र लु़मु कोङङा मेएँ, लावो उनीमा लागि दु़खा वो ल्‍वानी र्‍वाक्‍साका गुमीका ग्‍वाक्‍निम बु।

कलस्‍सी 2:12

गानी कु-रु़दु़म रन्‍निलो ख्रीष्‍टनुङङा क्‍लु़म्‍सिट्‌निम बाइडा। मेम्‍मा ख्रीष्‍टलाई सिमुलाम फक्‍पा माम्‍चु़नीकु यु़मडा गानी थो़र बेन्‍निमलामका गानी वो ख्रीष्‍टनुङङा बक्‍निम बु।

२ थेसलोनिकी 1:9

हेल्‍लो वो त्‍वारो़म मेल्‍वापा बेसाका पुयु़लुक्‍पा देन्‍दे मेर्मिमका ल्‍वामी। मेराम ने ङाचो़ येशूडाम नुङ उनीमा झ्‍वाक्‍पा यु़मडाम वाङ दु़म्‍मु सो़।

हिब्रू 6:4

माम्‍चु़नीलाम ओल ल्‍वापामिम, माम्‍चु़नीलाममिम राप्‍लावा दो़पामिम, माम्‍चु़नी-पेल ल्‍वापामिम,

१ पत्रुस 1:5

मेर्मिम हुक्‍पा थारीका सेल्‍सिमु मेरोक्‍थु़मसम्‍म इनी थो़रलामका माम्‍चु़नीकु यु़मका गानीलाई बोनी-थार्नी।