एफिसी 2:18 - थुलुङ राई

¹⁸ येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

एफिसी 2:18 Iomraidhean Croise

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

यूहन्‍ना 10:7

मेम्‍मिमका येशूका आथावो मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, भेन्‍दामिमकु हुखोप लाम्‍चोको गोङा सो़।

यूहन्‍ना 10:9

हुखोप लाम्‍चोको गोङा सो़, उहेम मु़चु़ गोलामका गोनो हु मेराम सेल्‍सी। नेमगो-पाखा हुपा लुक्‍पा बु़ मा जाखोप ल्‍वासु़।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

एफिसी 3:12

ख्रीष्‍टडा दु़म्‍साका मा गुमीडा थो़र बेसाका ङा गुइ माम्‍चु़नीकाडा रोमु मेङिपा मा इकी सो हन्‍पा दु़म्‍सी।

एफिसी 3:14

मेम्‍मिमका माम्‍चु़नी पापकु ङादोडा क्रचु़खुम बेसाका सो़म्‍दी बेउ,

एफिसी 4:4

माम्‍चु़नीका गुइलाई कोलेङा जो़पा ल्‍वा ल्‍वामुकाम लागि येसाड्‌डामी, मेम्‍साका गुइ ख्रीष्‍टडा दु़म्‍पामिम खोत्‍ले कोले मिरो़म सो़ मा माम्‍चु़नी-पेल वो कोलेङा बुमी।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

कलस्‍सी 1:12

भ्रसिक्‍साका पापलाई आलासो़ ग्‍वाक्‍नी। हेङालोने गुमीका ओलकु किब्दीडा उनीमा मु़चु़मिमका ल्वापा ल्वा गानीलाई वो ल्वामु घ्रेट्‍पा दु़म्बेट्‌निम बु।

हिब्रू 7:19

मोशाकु डु़म्‍लाका ने मु़चु़मिमलाई माम्‍चु़नीकु ङादोडा जो़पा बोमु मेचाप्‍सु़वा, लावो मेरामडाम हापा जो़पा ल्‍वा माम्‍चु़नीका ग्‍वानिनी र्‍वाम्‍डिम मेराम ल्‍वालामका गुइ माम्‍चु़नीकु फार्डा रोम्‍थिमु चाप्‍सी।

याकूब 3:9

ओराम लेमकाङा ङाचो़ नुङ माम्‍चु़नीकु नङ कोक्‍सी, मा ओराम लेमकाङा माम्‍चु़नीका उनी त्‍वाप होप्‍मामङा प्रङ्‌मिडिम मु़चु़मिमलाई वाइतो बेडिमी।

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

यहूदा 1:20

लावो द्‌वादीबुङ ङोप्‍सो़नी, छो़म सेपा इनी थो़रलु़सीडा बर्तो लक्‍नी, मा माम्‍चु़नी-पेलडा सो़म्‍दी बेनी।