एफिसी 2:16 - थुलुङ राई

¹⁶ ङाचो़ येशू ख्रीष्‍ट क्रूसडा सिसाका यहूदी नुङ मेयहूदी नले सामालाई कोङ सामा बनेबेसाका निफिलाई माम्‍चु़नीनुङ न-थो़म घ्रो़म्‍बेट्‌मिडी, मा दु़मु मेग्‍वाक्‍पा स्‍वाक्‍चिमो पुयु़लुबेट्‌मिडी।

एफिसी 2:16 Iomraidhean Croise

रोमी 5:10

गुइ माम्‍चु़नीकु स्‍वाक्‍चिमो मु़चु़ बाइडिलो ने उनीमा तारापाचो़ ख्रीष्‍ट सासेट्‌मिडिमा गुमीनुङ न-थो़म घ्रो़म्‍बेट्‌मिडिम बाइडा माला, आथा ने गुइ गुमीनुङ न-थो़म घ्रो़म्‍बेडिमका गुमीका ख्रीष्‍टकु त्‍वारो़मलाम आथावो गुइलाई सेल्‍सामी।

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

रोमी 8:7

मिरो़मडाम नसीहोमका दोपा मु़चु़ माम्‍चु़नीकु कोर्थो़लाम बमिम दु़म। हेङालोने गुका डु़म्‍ला होम्‍साका बु़डु़म मेदु़म मा डु़म्‍ला होम्‍साका दोमु वो मेचाप्‍सु़।

१ कोरिन्थी 10:17

गुइ सेर्पा लोवो खोत्‍लेका कोलेङा सो़बेम दो़स्‍तीमा पिइडिमका गुइ खोत्‍ले कोलेङा मिरो़म र्‍वाक्‍पा रेम्‍बु़।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

एफिसी 2:15

यहूदीमिमकु डु़म्‍लाका र्‍वामिम थो़मुबासिक्‍पा ल्‍वा ने हापा बाइडा। लावो ख्रीष्‍ट उनी त्‍वाप क्रूसडा सिसाका मेराम डु़म्‍ला डाम्‍सोम्‍डी। गुमीका यहूदी नुङ वाङसामा मु़चु़मिमलाई त्‍वाकु कोलेङा लाले सामा बनेबेसाका उनी न-गो दु़बेट्‍पा ख्रीष्‍टकाम न बाइडा।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

एफिसी 4:4

माम्‍चु़नीका गुइलाई कोलेङा जो़पा ल्‍वा ल्‍वामुकाम लागि येसाड्‌डामी, मेम्‍साका गुइ ख्रीष्‍टडा दु़म्‍पामिम खोत्‍ले कोले मिरो़म सो़ मा माम्‍चु़नी-पेल वो कोलेङा बुमी।

कलस्‍सी 2:14

गुइ छु़ल बिडिमका देन्‍दे ल्‍वामु बासी र्‍वाक्‍साका इकीमा कोर्थो़लाम र्‍याक्‍मा ल्‍वा ख्रीष्‍टकु क्रूसडा काँटीका चेसाका पार्साड्‌डामी।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।