एफिसी 2:12 - थुलुङ राई

¹² मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

एफिसी 2:12 Iomraidhean Croise

लूका 1:72

गुमीका इकीमा ङाउ-खुउमिमडला न-थो़म रेम्‍बोमु लागि, मा सेपा उनीमा सो़रख्रेप्‍सी मिम्‍मु लागि,

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

यूहन्‍ना 4:22

गानी सामरीमिमका सु़कु सो़रलोले बोनी, मेराम आच्‍छाङा मेचनी। लावो गुकु यहूदीमिमका सु़कु सो़रलोले बोकु मेराम चकु। हेङालोने यहूदीमिमलामका सेल्‍सी रो।

थु़र्मा 2:39

हेङालोने ओराम इनीमा लागि, इनी चो़-चु़सु़मिमकाम लागि, मा माम्‍चु़नीका येन्‍मिमिम वाङथो़ बाट्‌पामिम खोत्‍लेकाम लागि गुमीका ग्‍वानिनी र्‍वाम्‍डिम बु।”

थु़र्मा 28:20

मेम्‍मिमका गो गानीनुङ घ्रो़म्‍मुमा ल्‍वा बोमुलाई येट्‌निनिम बु। हेङालोने इस्राएलीमिमका हाम ल्‍वापा न बेम्‍डिम बाइडा, मेरामडा थो़र लु़ङडोमका ओराम सेल रिवाका गो बन्‍सिङ्‌डोम बु।”

थु़र्मा 3:25

गानी मे माम्‍चु़नीलाम-जेपामिम नुङ माम्‍चु़नीका सो़रख्रेप्‍मिडिम बेप-पापकु चो़-चु़सु़ ङा बुनी, उहेम सो़रख्रेप्‍सी अब्राहामनुङ आरे र्‍वाम्‍डिमा ख्रेप्‍मिडिम बाइडा, ‘इमा चो़-चु़सु़लामका ङा सुबुडाम खोत्‍ले मु़चु़मिमका जि ल्‍वामी।’

रोमी 9:8

ओराम र्‍वाक्‍मा ने, मिरो़मलामका गक्‍पामिम ने माम्‍चु़नीकु चो़-चु़सु़ मेएँ, लावो माम्‍चु़नीका ग्‍वानिनी र्‍वाक्‍साका याचे जेम्‍डिम कोङङा अब्राहामकु चो़-चु़सु़मिम सो़।

गलाती 4:8

गानी माम्‍चु़नीलाई छेमु ङादो हाम ना हामकु नो़पमिमकु डु़ल्‍चो़ बान्‍नी, उहेम आच्‍छाङाकाम मेबायावा।

एफिसी 2:19

मेम्‍मिमका आथाडा आनो गानी वाङ नेब्‍दीलाम रोक्‍पा मा मेछेडिमिम मु़चु़ होप्‍माम मेएँ, लावो माम्‍चु़नीकु मु़चु़मिमनुङ उनीमा किब्‍दीगोडा बाट्‍पा साखाम ल्‍वान्‍निम बु, मा माम्‍चु़नीकु नेमगोडाम मु़चु़मिम दु़म्‍निम बु।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।

कलस्‍सी 1:21

कोबिलि गानी माम्‍चु़नीडाम वाङ बान्‍नी। इनीमा मेजो़पा बेसी-दोसी बाइडामका इनीमा नडा गानी उनीमा स्‍वाक्‍चिमो मु़चु़ बान्‍नी।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

१ थेसलोनिकी 4:13

वा-ल्‍वाकनी, ङादोङा अम्‍पामिमकु दुथाम चन्‍जो़ल्‍नी र्‍वाक्‍पा आकीमा न बु। मेम्‍मा सिइमिम चङडा आथावो नु़इ र्‍वाक्‍पा गानी मिम्‍निमिम ल्‍वा मेचक्‍पा मु़चु़मिम होङङा मेयेनि-मेख्राप्‍नी।

१ थेसलोनिकी 4:5

माम्‍चु़नीलाई मेछेपा थो़रमेलु़पामिम होङङा मेसेमनुङ छो़म अम-अम द्‌वाक्‍पा ननुङमा मेदु़म्‍नी।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

१ तिमोथी 1:1

थो़रलु़सीडा आमा आच्‍छाङाकाम तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। गुइ ख्रीष्‍ट येशूलाम हाम हुम ल्‍वापा न बिइमिम नुङ गुइलाई सेल्‍पा इकीमा माम्‍चु़नीका बेबेट्‌ङिडिमिम होम्‍साका गो ख्रीष्‍ट येशूकु थु़र्मा सो़। माम्‍चु़नी नुङ इकीमा ङाचो़ ख्रीष्‍ट येशूलामका गाना दिदाम, न-थो़म, नुङ न-भ्रसी ल्‍वानानु़!

हिब्रू 11:34

मुकु भुल्‍मुमिम सेट्‌मिडी, कातु़रु़कु फल्‍खोपडाम स्‍वाम्‍डी, मेचापालाम सोनुङमा दु़म्‍मिडी, क्‍वाल्‍बाडा यु़मचो़ दु़म्‍मिडी मा वाङमिम नेब्‍दीलाममिम सिपाहीमिमलाई खान्‍सोम्‍डी।

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

हिब्रू 8:6

लावो येशूलाई माम्‍चु़नीका ग्‍वाम्‍डिम डु़म्‍लाचो़कु खारी ने वाङमिम डु़म्‍लाचो़मिमलाई ग्‍वाक्‍मा खारीडाम डोक्‍पु बु। मेम्‍साका येशूका माम्‍चु़नीलाम उनीमा मु़चु़मिमकाडा रेट्‌मिडिम लाले सो़रख्रेप्‍सी ङादोम सो़रख्रेप्‍सीडाम छो़म डोक्‍पु बु। हेङालोने लाले सो़रख्रेप्‍सी ने मेरामडाम वो छो़म जो़पा ल्‍वामिमकु याचे जेसीलाम बनेबेम्‍डिम बाइडा।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

१ पत्रुस 3:15

मेम मेदु़म्‍साका, ख्रीष्‍ट इनी ङाचो़ होङङा उनीमा सो़रलोले बेनी। गानी थो़र लु़निमिमकु दुथाम कोङनिमका हिलाहिसी बेम्‍डी माला मेर्मिमनुङ सो़मु लागि हेल्‍लो लोवो झो़म्‍जो़ल्‍सिट्‌नी। याक्‍के दु़म्‍साका नुङ माम्‍चु़नीकु ङिम जु़ल्‍साका आरे बेनी।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।