एफिसी 2:11 - थुलुङ राई

¹¹ कोबिलि गानी वाङसामामिम, हेप्‍माम बान्‍नी मेराम मिम्‍सिट्‍नी, ल्‍वाका खिरिरि क्रिप्‍सी बेम्‍मा यहूदीमिमका गानीलाई कोक्‍ते खिरिरि क्रिप्‍सी मेबेम्‍मा र्‍वामी। गानीलाई मेम र्‍वाक्‍पामिम त्‍वाप ने खिरिरि क्रिप्‍सी बेम्‍मा मिम्‍सिमी।

एफिसी 2:11 Iomraidhean Croise

मत्ती 20:7

“मेर्मिमका गुनुङ र्‍वाम्‍डी, ‘गुकुलाई सु़का वो खारी बोमु लागि मेभ्रेकिमिवा।’ “ये-दकु मे मु़चु़का मेर्मिमलाई र्‍वाक्‍ता, ‘गानी वो लक्‍निमा आमा अङ्‍गूर येडा मु़चु़मिमनुङ खारी बेनी।’

रोमी 11:17

कोङनिम यहूदीमिम जो़पा जैतूनकु दक्‍सालाम फल्‍मामा घ्रोक्‍मा ग्रेम होप्‍माम बुमी। लावो गानी वाङसामामिम ने सो़ब्‍दीडाम जैतून होप्‍माम लोवो जो़पा जैतूनकु ग्रेमडा केप्‍साका कोले ङा दु़म्‍निम बु। आथा ने गानी कोलेङा दक्‍साकु फारलामका यु़म नुङ त्‍वारो़म ल्‍वानी।

रोमी 2:26

खिरिरि मेक्रिपा मु़चु़का डु़म्‍ला होम्‍साका दो माला हाम मेराम माम्‍चु़नीकु ङादोडा खिरिरि क्रिपा कोतिमङा मेएँ मा?

रोमी 2:27

गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।

१ कोरिन्थी 12:2

गानी चनिमङा बु, गानी येशूडा थो़रमेलु़थेङा बान्‍निलो जेमु मेचापा ङाटामिमथो़ लनिमा थामबाल्निम बाइडा।

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

गलाती 2:15

गुकु ने गक्‍तोकोलोङा यहूदी बात्तोको मा वाङसामा होप्‍माम छु़लचो़ गुकु मेएँ।

गलाती 6:12

पाखानो जो़पा लिसिमु द्‌वाक्‍पामिमकाङा कोक्‍ते खिरिरि क्रिप्‍सी बोमु बासी र्‍वाक्‍साका गानीलाई छो़म र्‍वामी, हेङालोने येशू ख्रीष्‍ट क्रूसडा सासेन्‍सिम्‍डिम ल्‍वाका कोङङा सेल्‍सिमु झाम र्‍वाक्‍पा सीसि सीमिलो उनी त्‍वापडला दु़खा मेरोनु़ र्‍वाक्‍साका मेर्मिमका मेम र्‍वामी।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

एफिसी 5:8

ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

कलस्‍सी 1:21

कोबिलि गानी माम्‍चु़नीडाम वाङ बान्‍नी। इनीमा मेजो़पा बेसी-दोसी बाइडामका इनीमा नडा गानी उनीमा स्‍वाक्‍चिमो मु़चु़ बान्‍नी।

कलस्‍सी 2:11

गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।

कलस्‍सी 2:13

कोबिलि गानी सिन्‍निम बाइडा, हेङालोने गानी माम्‍चु़नीकु मु़चु़ मेबानिवा मा छु़ल बेपा मु़चु़ बान्‍नी, लावो माम्‍चु़नीका ख्रीष्‍टनुङङा फक्‍निमी। माम्चु़नीका खोत्‍ले इकीमा छु़ल हेप्‍साड्‌डामी।

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।