एफिसी 2:1 - थुलुङ राई

¹ इनीमा छु़लका नुङ माम्‍चु़नीकु कोर्थो़लाम खारी बेन्‍निमका ङादोम थारीबिलि गानी सिप्‍ल्‍याक्‍पा बान्‍नी।

एफिसी 2:1 Iomraidhean Croise

मत्ती 8:22

लावो येशूका मेरामलाई र्‍वाम्‍डी, “आमा चङचङ लाम्‍दिया, मेसिपा त्‍वारो़म मेल्‍वासाका सिपामिमका ङा सिपा रो़म क्‍लु़म्‍मिनु़।”

लूका 15:24

हेङालोने ओराम सिडाम होङङा लु़ङडोम बाइडा, लावो ओम्‍लो नु़डाम बु। दाम्‍स्‍ताम बाइडा लावो ओम्‍लो ख्‍लोस्‍तामा इकीमाडा रोक्‍ताम बु।’ मेकोतिमा मेर्मिमका ग्रुला पेम्‍डि-डुम्‍डिमा गेर्सिक्‍तो छो़म्‍मु चो़म्‍मिडी।

लूका 15:32

लावो गुइ आनेप पोमु-डुमुमा गेर्सिद्‌वामु बासिक्‍पाङा बु, हेङालोने इमा ल्‍वाक सिडाम बाइडा, लावो आथा नु़पाङा ख्‍लोसिड्‌डामा रोक्‍ता, दाम्‍स्‍ताम बाइडा, ओम्‍लो ख्‍लोस्‍तामा इकीमाडा रोक्‍ताम बु’।”

यूहन्‍ना 10:10

“खुचु़वा ने खुप्‍डा, सेड्‌डा नुङ पुयु़ लुबेड्‌डा कोङङा रो। लावो गो ने मेर्मिमका त्‍वारो़म ल्‍वामिनु़, मा मे त्‍वारो़म हापा ल्‍वामिनु़ र्‍वाक्‍साका योङडो।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 5:21

पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

१ कोरिन्थी 15:45

मेम्‍मिमका माम्‍चु़नी सिजेमडा र्‍याक्‍मा बु, “खोत्‍लेडाम ङादोम मु़चु़ आदम उ सामनुङमा दु़स्‍ता।” लावो चङडाम आदम त्‍वारो़म ग्‍वाक्‍पा पेल सो़।

२ कोरिन्‍थी 5:14

ख्रीष्‍टकु रिखामका गुकुलाई ओराम खारी बेबेत्तिकिम सो़। खोत्‍ले मु़चु़मिमकाम लागि गुमी सिम्‍डी, मेम्‍मिमका गुइ खोत्‍ले गुमीनुङ सिइडिम र्‍वाक्‍साका गुइ चडिम बु।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।

एफिसी 5:14

मेम्‍मा बान्‍ते ओल झ्‍वा, मेरामका खोत्‍ले ल्‍वा दो़बेडु़। मेम्‍मिमका आरे र्‍वाक्‍मा बु, “अम्‍चेट्‌पामिम ङोन्‍सिट्‌नी, मा सिमुलाम बग्‍गेट्‍नी, मा ख्रीष्‍टका उनीमा ओल गानीडला झ्‍वाबेन्‍मी।”

कलस्‍सी 2:13

कोबिलि गानी सिन्‍निम बाइडा, हेङालोने गानी माम्‍चु़नीकु मु़चु़ मेबानिवा मा छु़ल बेपा मु़चु़ बान्‍नी, लावो माम्‍चु़नीका ख्रीष्‍टनुङङा फक्‍निमी। माम्चु़नीका खोत्‍ले इकीमा छु़ल हेप्‍साड्‌डामी।

१ तिमोथी 5:6

लावो उमा नसीहोम बोम्‍बाल्‍मु लागि बु माला गु नु़सीङा सिडाम कोतिमङा दु़म।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

रेम्‍बेट्‌मिडिम ल्‍वा 3:1

“सार्डिस मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु येतले पेलमिम नुङ येतले सोरलुङमिम जेथाक्‍पाका आरे र्‍वामी, गाना बेन्‍नाम इमा खारीमिम गो चक्‍पु। गाना नु़पा बुना र्‍वाक्‍साका इमा नङ दोस्‍ताम बु लोवो गाना सिन्‍नाम बु।