एफिसी 1:9 - थुलुङ राई

⁹ माम्‍चु़नीका येशू ख्रीष्‍टलाम बेउसोक्‍पु र्‍वाक्‍साका नभ्रसिक्‍तो मुलु़ बेम्‍डिम मेराम थक्‍मा ल्‍वा खोत्‍ले उनीमा नेप्‍ची नुङ थेसीथेट्‍पा नका गुइलाई रेम्‍बेसाड्‍डामी।

एफिसी 1:9 Iomraidhean Croise

मत्ती 13:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई ने ग्‍वाक्‍मा बु, लावो वाङमिमलाई ने ग्‍वाक्‍मा मिबु।

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

थु़र्मा 13:48

वाङसामामिमका ओराम ल्‍वा थो़म्‍डिमा छो़म गेर्सिम्‍डी, मा माम्‍चु़नीकु सिजेमकाम लागि आलासो़ ग्‍वाम्‍डी। मेकोतिमा हेल्‍लो वो मेसिपा त्‍वारो़म ल्‍वामु र्‍वाक्‍साका छेट्‌मिडिम खोत्‍ले मु़चु़का थो़र लु़म्‍डी।

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।

थु़र्मा 4:28

इनी न नुङ यु़मका ङादो ङा हाम दु़म्‍नु़ र्‍वाक्‍साका गानी बेन्‍निम बाइडा, मेर्मिमका मेमङा बेम्‍डी।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

गलाती 1:12

हेङालोने ओराम जो़पा-सेला गो कोङनिम मु़चु़लाम ल्वाउतोम मेएँ मा कोङनिमका गोलाई सीट्‌ङिडिमिम वो मेएँ, लावो येशू ख्रीष्‍ट उनी त्‍वाकाङा गोलाई सीट्‌ङिडिमिम सो़।

गलाती 1:15

लावो गो गमु ङादोङा गोलाई वाङ बेपा मा उनीमा दिदामलाम गोलाई येट्‌पा माम्‍चु़नीका,

गलाती 1:16

वाङसामागोडा गोलाम जो़पा-सेला थो़बेन्‍मु लागि गुमीका उनीमा तारापाचो़ गेर्सी द्‍वाक्‍तो गोलाई रेम्‍बेम्‍डी। मेम्‍लो गो सु़नुङ वो हिलाहिसी मेबेउवा।

एफिसी 1:11

ख्रीष्‍टनुङ कोदेप दु़स्‍तिमका गुइलाई वो माम्‍चु़नीका खुन्‍चु़म खुसिमु ल्वापा दु़म्बेसाड्‍डामिम बु। खोत्ले ल्वा उनीमा त्‍वाकु न होम्‍साका बेप्‍सोक्‍पा माम्‍चु़नीका इकीमा दुथाम ङादोङा आरेसाका मुलु़ बेम्‍डिम बाइडा।

एफिसी 1:8

मेराम दिदाम माम्‍चु़नीका गुइलाई उनी दाप होर्साका ग्‍वाक्‍साड्‍डामी।

एफिसी 3:11

सु़म्‍दि प्रङमु ङादोङा गुमीका ओराम मुलु़ बेम्‍डिम बाइडा, मा उनीमा मुलु़ होङङा ओम्‍लो इकीमा ङाचो़ येशू ख्रीष्‍ट थु़र्साका बेम्‍सोम्‍डी।

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।