एफिसी 1:8 - थुलुङ राई

⁸ मेराम दिदाम माम्‍चु़नीका गुइलाई उनी दाप होर्साका ग्‍वाक्‍साड्‍डामी।

एफिसी 1:8 Iomraidhean Croise

मत्ती 11:19

मिनीचो़ योक्‍ता, गुका पु़डु़-डुङडु़, मा खोत्‍लेका र्‍वाम्‍डी, ‘रेप्‍नी, पोम्सा, डु़सेवा मा कर फक्‍पा नुङ छु़लचो़मिमकु ङोप्‍सो़।’ लावो जो़पा नेप्‍ची बु र्‍वाक्‍पा उ खारीलामकाङा छे।”

रोमी 11:33

अहो! हेल्‍लो वो मेल्‍वाम्‍मा यु़मखारीनुङमा माम्‍चु़नी गुइनुङ बुमी, गुमी नेप्‍चीनुङमा बुमी, मा खोलेम थोक थेट्‍पा चक्‍पा वो गुमी ङा बुमी। अहो! उनीमा निया हाङको डोक्‍पु मा गुमी लाम्‍दीमिम लाम्‍दी सु़का छेमु चाप्‍सु़?

रोमी 5:15

लावो राप्‍लावा ने छु़ल होप्‍माम मेएँ। हेङालोने कोले आदमका बु़डु़म छु़लका हापा मु़चु़मिम सिम्‍डी लावो माम्‍चु़नीकु दिदामका मा कोले मु़चु़ येशू ख्रीष्‍टकु दिदामलामका हापा मु़चु़मिमलाई राप्‍लावा ग्‍वाम्‍डी।

१ कोरिन्थी 2:7

माम्‍चु़नीकु मेल्‍वाखोपडाम नेप्‍ची, थक्‍मा नेप्‍ची ङा गुकु सो़कु, उहेम ने ङादो गुमीका इकीमा यु़म-झ्‍वाक्‍सीकाम लागि सु़म्‍दिसेर प्रङमु ङादोङा मुलु़ बेम्‍डिम बाइडा।

एफिसी 1:11

ख्रीष्‍टनुङ कोदेप दु़स्‍तिमका गुइलाई वो माम्‍चु़नीका खुन्‍चु़म खुसिमु ल्वापा दु़म्बेसाड्‍डामिम बु। खोत्ले ल्वा उनीमा त्‍वाकु न होम्‍साका बेप्‍सोक्‍पा माम्‍चु़नीका इकीमा दुथाम ङादोङा आरेसाका मुलु़ बेम्‍डिम बाइडा।

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

एफिसी 1:9

माम्‍चु़नीका येशू ख्रीष्‍टलाम बेउसोक्‍पु र्‍वाक्‍साका नभ्रसिक्‍तो मुलु़ बेम्‍डिम मेराम थक्‍मा ल्‍वा खोत्‍ले उनीमा नेप्‍ची नुङ थेसीथेट्‍पा नका गुइलाई रेम्‍बेसाड्‍डामी।

एफिसी 3:10

ओम्‍लोम थारीका मण्‍डलीलामका दामुला बाट्‍पा साखामचो़मिम नुङ हपमिमका माम्‍चु़नीकाम हापा खालकु नेप्‍ची बु रेछा र्‍वाक्‍पा चमिनु़ र्‍वाक्‍साका मेराम थक्‍मा ल्‍वा रेम्‍बेम्‍डी।

कलस्‍सी 2:3

ख्रीष्‍टङा माम्‍चु़नीकु न नुङ नेप्‍ची थेसिथेन्‍बेट्‌पा बुमी। मे न नुङ नेप्‍ची ने थक्‍मा खाप्‍ची होप्‍माम बु।

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।

रेम्‍बेट्‌मिडिम ल्‍वा 5:12

मेर्मिमका डोक्‍पु लो़लामका आरे र्‍वाक्‍साका काम्‍सो बेम्‍डिम बाम्‍डी: “सेट्‌मिडिम भेन्‍दाचो़, यु़म, खाप्‍ची, नेप्‍ची, सो, डोक्‍पु बेसी, यु़म-झ्‍वाक्‍सी, नुङ नङ कोसी रमुका घ्रेट्‌पा!”