एफिसी 1:22 - थुलुङ राई

²² मेम्‍मा माम्‍चु़नीका ख्रीष्‍टकु साखामडा खोत्‍ले जु़ल्‍मिडी मा मण्‍डलीकाम लागि खोत्‍ले ल्‍वाडा गुमीलाई ङा बुइ बनेबेम्‍डी,

एफिसी 1:22 Iomraidhean Croise

मत्ती 16:18

गो गानालाई र्‍वाङु, गाना पत्रुस सो़। ओराम लुङडला आमा मण्‍डली गो बनेबेउ, मा शैतानकाङा वो ओरामलाई घ्‍ल्‍वामु मेचाप्‍सु़।

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

१ कोरिन्थी 11:3

लावो गानी ओराम ल्‍वा चन्‍जो़ल्‍नी र्‍वाक्‍पा आमा न बु, खोत्‍ले मु़चु़मिमकु उनी बुइ ख्रीष्‍ट सो़। मेसेमकु उ बुइ उ वोचु़, मा येशू ख्रीष्‍टकु उनी बुइ माम्‍चु़नी।

एफिसी 3:21

येशू ख्रीष्‍टलाम मण्‍डलीडा खोत्‍लेका हेल्‍लो लोवो कोमिनु़। आमेन।

एफिसी 5:23

हेङालोने ख्रीष्‍ट मण्‍डलीकु बुइ दु़म्‍मिडिम होप्‍मामङा वोचु़ वो उमा मोचु़कु बुइ सो़। मण्डली ने ख्रीष्‍टकु मिरो़म, मा मेराम सेल्‍पा ने गुमी सो़।

कलस्‍सी 1:18

ख्रीष्‍ट मण्‍डली थो़पा बुइ बुमी, मे मण्‍डली उनीमा रो़म सो़। ख्रीष्‍टका लाले नु़सी ग्‍वाक्‍सामी। सिमुलाम बग्‍गेट्‌पा मा आथावो मेसिपा गुमीङा ङादोम सो़। मेम्‍मिमका खोत्‍लेकु डलाम गुमी ङा सो़।

कलस्‍सी 1:8

माम्‍चु़नी-पेलका गानीलाई वाङमिम मु़चु़नुङ रिखाम बेबेट्‌निमकु दुथाम वो इपाफ्रासका गुकुनुङ सो़यु़डु़म बु।

कलस्‍सी 2:10

गुमीका गानीलाई ख्रीष्‍टडा नु़मु ग्‍वाक्‍निम बु, मा खोत्लेका लिट्‍पा बेम्‍डिमका आथा ने हाम वो मेबासी। खोत्‍ले साखाम नुङ यु़मडला साखाम थो़पा ख्रीष्‍टङा बुमी।

कलस्‍सी 2:19

मेराम मु़चु़ ने गुलाई थो़पा बुइ ख्रीष्‍ट नुङ मेदु़म्साका वाङ दु़म। ख्रीष्‍ट ने मिरो़मकु बुइ बुमी। गुमीका मिरो़मलाई डु़ल्मी। मेम्साका मिरो़मकु सेर नुङ सोरिप घ्रो़मबेसाका खोत्ले मिरो़म माम्चु़नीकु न होम्साका बर्तो लमी।

१ तिमोथी 3:15

गो रोमु छु़ङ्‌डो माला माम्‍चु़नीकु नेमडा गाना हा-हाम बोमु बासी ओरामलामका थेना। ओराम नेम र्‍वाक्‍मा हेल्‍लो लोवो बुमिमिम माम्‍चु़नीकु मण्‍डली, माम्‍चु़नीलाम रोक्‍पा आच्‍छाङाकु सिजेम झेथाक्‍पा नुङ बाट्‌पाम बाट्‌पा थो़र लु़पामिम सो़।

हिब्रू 2:8

मेम्‍मा गानी खोत्‍लेम थोकडला साखाम थो़मु गुलाई ग्‍वाक्‍नी।” माम्‍चु़नीका मु़चु़कु साखामगोडा खोत्‍लेम थोक जु़ल्‍मिडिलो उमा साखामडाम वाङ दु़म्‍मु हाम वो मेग्‍वाक्‍मिवा। लावो आथामबिलि खोत्‍लेम थोक मु़चु़कु साखाम गोडा बुमिम ने मेल्‍वासी।