एफिसी 1:19 - थुलुङ राई

¹⁹ मा गुइ थो़र लु़पामिमकाम लागि उनीमा छो़म डोक्‍पु यु़म हाङको डोक्‍पु बु र्‍वाक्‍पा चनी र्‍वाङुमा वो सो़म्‍दी बेउ। ओराम डोक्‍पु यु़मलामका ङा,

एफिसी 1:19 Iomraidhean Croise

यूहन्‍ना 3:6

मु़चु़लामका मु़चु़ङा ग, लावो पेललामका त्‍वारो़म रो।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

२ कोरिन्‍थी 4:7

माम्‍चु़नीलाम झ्‍वाक्‍पा ओराम ओलकु खाप्‍ची गुकुनुङ बु, लावो क्‍वाकु सोजाम होप्‍माम गुकुगोडा मेराम खाप्‍ची जु़ल्‍मा बु। ओरामलामका आरे र्‍वाक्‍साका थेसिथेडी, आरेप्‍माम डोक्‍पु यु़म ने गुकुलाम मेएँ, माम्‍चु़नीलाम रो।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

एफिसी 3:20

गुइगोडा खारी बेपा उनीमा यु़मलामका गुइ मिम्‍डिम नुङ बिइडिमडाम वो हापा ग्‍वामु चापा माम्‍चु़नीकु नङ,

एफिसी 3:7

माम्‍चु़नीकु डोक्‍पु दिदाम नुङ यु़मलामका माम्‍चु़नीका गोलाई राप्‍लावा ग्‍वाक्‍साका जो़पा-सेला थो़बेट्‌पा उनीमा डु़ल्‍चो़ दु़म्‍बेट्‌ङिडिमी।

एफिसी 6:10

हुम-दडा, गानी ङाचो़कु डोक्‍पु यु़मका यु़मनुङमा दु़म्‍नी।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

फिलिप्‍पी 3:21

गुमीनुङ खोत्‍लेलाई उनीमा ल्‍वाडा जु़ल्‍मु यु़म बु। मेराम यु़मका इकीमा सिपा मिरो़म उनीमा झ्‍वाक्‍पा मिरो़म होप्‍माम दु़म्‍नु़ र्‍वाक्‍साका गुमीका ख्‍लोक्‍साक्‍सामी।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

कलस्‍सी 2:12

गानी कु-रु़दु़म रन्‍निलो ख्रीष्‍टनुङङा क्‍लु़म्‍सिट्‌निम बाइडा। मेम्‍मा ख्रीष्‍टलाई सिमुलाम फक्‍पा माम्‍चु़नीकु यु़मडा गानी थो़र बेन्‍निमलामका गानी वो ख्रीष्‍टनुङङा बक्‍निम बु।

१ थेसलोनिकी 1:5

हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।

याकूब 1:18

गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।