एफिसी 1:13 - थुलुङ राई

¹³ मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

एफिसी 1:13 Iomraidhean Croise

लूका 11:13

मेम्‍मिमका गानी छु़लचो़ बुनीमा वो इनी चो़मिमलाई जो़पा-जो़पा ल्‍वामिम ग्‍वामु थेनी माला पाह्रीलाम इनी माम्‍चु़नीका गुमीनुङ बिपा मु़चु़मिमलाई हाङको छो़म उनी-पेल ग्‍वामी।”

लूका 24:49

रेप्‍नी, आमा माम्‍चु़नीका ङादो इनीमाडा उनी पेल थु़रु र्‍वाम्‍डिम बाइडा, मेराम गो थु़रु। लावो माम्‍चु़नी-पेल योमी मा पाह्रीलाम यु़मका गानीलाई मेलु़थु़मसम्‍म गानी ओराम शहरडाङा बानिम बानी।”

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

यूहन्‍ना 15:26

“जेप्‍साक्‍पा योमी, उहेमलाई पापलामका गो गानीडा थु़रु। पापलामका योक्‍पा आच्‍छाङाम पेल गुमी, गुमीका आमा दुथाम सो़मी।

यूहन्‍ना 3:33

गुमीका सो़मिमिम ल्‍वा उहेम मु़चु़का थो़र बु़, मेरामका माम्‍चु़नी आच्‍छाङाकाम बुमी र्‍वाक्‍पा रेम्‍बु़।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

थु़र्मा 1:4

कोलेम येशू उनी सीसिपामिमनुङ ग्रुला पेप्‍डा गन्‍मिडिलो गुमीका आरे र्‍वाम्‍डिम बाइडा, “माम्‍चु़नीका गानीलाई हाम ग्‍वानिनी र्‍वाक्‍साका याचे जेम्‍डिम बाइडा, मेरामकु दुथाम गो गानीलाई ङादो ङा र्‍वाङडोम बु, गानी यरूशलेमडाम वाङथो़ मेलक्‍साका लन्‍थाट्‌नी।

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

रोमी 4:11

मेम्‍मिमका खिरिरि क्रिप्‍सी ने उमा थो़रलाम माम्‍चु़नीका जो़पा न-गोकाम दु़म्‍बेट्‌मिडिम छेखोप रेम्‍बेट्‌मिडिम सो़। आरेसाका अब्राहामका खिरिरि मेक्रिपा लोवो माम्‍चु़नीडा ने थो़रलु़साका जो़पा न-गोकाम दु़म्‍पा वाङसामामिमकाम ङाउ-खुउ दु़स्‍ता।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

२ कोरिन्‍थी 6:7

आच्‍छाङाकाम सिजेम नुङ माम्‍चु़नीकु यु़मका उनीमा खारी बेपा मु़चु़ र्‍वाक्‍साका रेम्‍बोकु। गुइलाई बोपा-थार्पा मा क्‍वाल्‍बा बेपा इकीमा गिजो-वाजो र्‍वाक्‍मा ने माम्‍चु़नीकु ङादोडा जो़पा दु़म्‍साका खारी बोमु सो़।

गलाती 3:14

अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

एफिसी 4:21

आच्‍छाङा गानी उनीमा सीसि थो़न्‍निमा उनीमा सीसिपा दु़म्‍निमका येशूकाम आच्‍छाङाकाम ल्‍वा सीन्‍सिट्‌नी।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

२ तिमोथी 2:15

माम्‍चु़नीकु आच्‍छाङाकाम सिजेम चङको-चङको सीपा, त्‍वाकु खारीडा क्रो़मलु़मु मेबासिक्‍पा खारीचो़ होङङा माम्‍चु़नीका बिम्‍सिप्‍मिमिम खारी छो़म बे।

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

२ तिमोथी 3:15

गाना ने चो़च्‍चो़लो आथामङा माम्‍चु़नीकु सिजेम चनामिम बु, मेराम सिजेमका ख्रीष्‍ट येशूडा थो़र लु़न्‍नामलामका सेल्‍सिमुकाम लागि गानालाई सीमु चाम्‍ना।

तीतस 2:11

हेङालोने खोत्‍ले मु़चु़मिम सेल्‍मुमि लागि माम्‍चु़नीका उनी दिदाम रेम्‍बेम्‍डिम बु।

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

याकूब 1:18

गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

१ पत्रुस 2:10

कोबिलि गानी माम्‍चु़नीकु मु़चु़ मेबानिवा, लावो ओम्‍लो गानी माम्‍चु़नीकु मु़चु़ दु़म्‍निम बु। कोबिलि गानी माम्‍चु़नीलाम न-थो़म ल्‍वान्‍निम मेबायावा, ओम्‍लो गानी गुमीलाम न-थो़म ल्‍वान्‍निम बु।

रेम्‍बेट्‌मिडिम ल्‍वा 7:2

मेम्‍मा हेल्‍लो लोवो बाट्‌पाम बाट्‌पा माम्‍चु़नीकु छाप रेसाका पूर्वलामका कोङमी पाह्रीचो़ बिक्‍ताम गो ल्‍वाउतो। गुका सुबु नुङ दिरिदिन छो़रो़प बोमु माम्‍चु़नीलाम साखाम ल्‍वापा ब्‍लले पाह्रीचो़मिमलाई डोक्‍पु लो़लामका आरे र्‍वाक्‍ता: