एफिसी 1:10 - थुलुङ राई

¹⁰ माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

एफिसी 1:10 Iomraidhean Croise

मत्ती 25:32

खोत्‍ले सामाडाम मु़चु़मिम उमा ङादोडा खोम्‍सिमी, मा रेपा-क्रिपा मु़चु़का छ्‌वाराडाम भेन्‍दालाई फ्‍वाकु़मिम होम्‍साका गुका मु़चु़मिमलाई फ्‍वाकु़मी।

मर्कूस 1:15

गुमीका र्‍वाम्‍डी, “थारी रोम्‍फामु दु़म्‍स्‍तु़म बु, मा माम्‍चु़नीकु किब्‍दी वो फार्डा ङा रोक्‍फाड्‌डाम बु। मेम्‍मिमका इनी न ख्‍लोनी, मा जो़पा-सेलाडा थो़र लु़नी।”

१ कोरिन्थी 10:11

मेर्मिम मु़चु़डला हा-हाम दु़स्‍ताम मेर्मिम खोत्ले चङचङया बाबेट्‍पा ल्‍वामिम सो़। मेर्मिम ल्‍वालामका गुइलाई चङचङया बाबेन्‍मु लागि र्‍याक्‍मा बाइडा, हेङालोने गुइ सु़म्‍दिसेरकु हुक्‍पा थारीडा रोम्‍थिमु खाप्‍डिम बु,

१ कोरिन्थी 11:3

लावो गानी ओराम ल्‍वा चन्‍जो़ल्‍नी र्‍वाक्‍पा आमा न बु, खोत्‍ले मु़चु़मिमकु उनी बुइ ख्रीष्‍ट सो़। मेसेमकु उ बुइ उ वोचु़, मा येशू ख्रीष्‍टकु उनी बुइ माम्‍चु़नी।

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

एफिसी 1:22

मेम्‍मा माम्‍चु़नीका ख्रीष्‍टकु साखामडा खोत्‍ले जु़ल्‍मिडी मा मण्‍डलीकाम लागि खोत्‍ले ल्‍वाडा गुमीलाई ङा बुइ बनेबेम्‍डी,

एफिसी 2:15

यहूदीमिमकु डु़म्‍लाका र्‍वामिम थो़मुबासिक्‍पा ल्‍वा ने हापा बाइडा। लावो ख्रीष्‍ट उनी त्‍वाप क्रूसडा सिसाका मेराम डु़म्‍ला डाम्‍सोम्‍डी। गुमीका यहूदी नुङ वाङसामा मु़चु़मिमलाई त्‍वाकु कोलेङा लाले सामा बनेबेसाका उनी न-गो दु़बेट्‍पा ख्रीष्‍टकाम न बाइडा।

एफिसी 3:15

गुमी सु़म्‍दिसेर नुङ पाह्रीला बाट्‍पा खोत्‍ले थो़रलु़पामिमकु पापङा सो़।

एफिसी 3:2

इनीमा लागि ङा गो माम्‍चु़नीकाम न-थो़मकु खारी बेपा खुन्‍चु़म ल्‍वाउतोम बु र्‍वाक्‍पा गानी थो़न्‍निमङा बु।

कलस्‍सी 1:16

हेङालोने पाह्रीला मा सुबुडा बाट्‌पामिम, मिक्‍सीका ल्‍वासिमिम, मेल्‍वासिमिम, साखाम थो़पा गन्‍खोपमिम दु़म्‍नु़का यु़ममिम, साखामचो़मिम दु़म्‍नु़का डोक्‍पुमिम, खोत्‍लेलाई माम्‍चु़नीका ख्रीष्‍टलामका प्रङ्‌मिडी। माम्‍चु़नीका खोत्‍ले ख्रीष्‍टलामका मा ख्रीष्‍टकाम लागि प्रङ्‌मिडी।

कलस्‍सी 1:20

माम्‍चु़नीका क्रूसडला ख्रीष्‍ट सासेन्‍सिम्‍डिम सिसिका न-थो़म घ्रो़म्‍बेसाका सुबुडाम नुङ पाह्रीलाम खोत्‍लेलाई ख्रीष्‍टलामका गुमीनुङ कोदेप बोमु वो द्‍वाम्डी।

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

हिब्रू 11:40

गुइनुङङा कोङङा मेर्मिमका वो ल्‍वामिनु़ र्‍वाक्‍साका माम्‍चु़नीका मेरामडाम वो जो़पा ल्‍वा इकीमा लागि झो़म्‍सिबेट्‌मिडिम बाइडा।

हिब्रू 9:10

माम्‍चु़नीलाई ग्‍वाक्‍मा ङादोम बेसी ने पोमु-डुमु नुङ सो़ल्‍सिमु डु़म्‍ला कोङङा सो़। माम्‍चु़नीकु लाले लाम्‍दी मेरोक्‍थु़मसम्‍म मेराम होम्‍साका लाम्‍दिमु लागि मेर्मिम ने मिरो़मकु नियममिम कोङङा बाइडा।

१ पत्रुस 1:20

माम्‍चु़नीका सु़म्‍दिमोडाम वो ङादोङा इनीमा थि सोक्‍साक्‍पा गुमीलाई थुट्‌मिडिम बाइडा। लावो ओ हुक्‍पा थारीका इनीमाडा गुमी रेम्‍बेम्‍सिम्‍डी।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।