थु़र्मा 8:3 - थुलुङ राई

³ शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

थु़र्मा 8:3 Iomraidhean Croise

थु़र्मा 16:19

मेराम डु़ल्‍चो़मेकु नेमहपमिमका खउलुङ डु़पा लाम्‍दी हुक्‍ता र्‍वाक्‍पा चम्‍डी। मेम्‍मा पावल नुङ सिलासलाई चु़म्‍साका बजारडाम साखामचो़मिमकाडा थु़त्तो लम्‍डी।

थु़र्मा 22:19

“मेकोतिमा गो गुमीनुङ र्‍वाङडो, ‘ङाचो़, गो घ्रो़म्‍दीनेम-नेमडा लङडोमा गानीडा थो़र लु़पामिमलाई झ्‍यालखानडा चक्‍तोमिम, मा याल्‍तोमिम ल्‍वा ओर्मिम खोत्‍लेका चमिमिम ङा बु।

थु़र्मा 7:58

मेर्मिमका स्‍तिफनसलाई शहरलामका पाखा ख्‍लुम्‍डी, मा गुलाई सेन्‍मु लागि लुङका ओम्‍मु चो़म्‍मिडी। मेकोतिमा स्‍तिफनसकु कोर्थो़लाम लिमा थेट्‌पामिमका उनी हुम-येमिम शाऊल नङकाम कोले स्‍वालाकु खेलफार्डा जु़ल्‍मिडी।

थु़र्मा 8:2

माम्‍चु़नीकु सो़रलोले बेपामिमका स्‍तिफनसलाई लम्‍डिमा क्‍लु़म्‍मिडी, मा उमा दुथाम छो़म ख्राप्‍मिडी।

थु़र्मा 9:21

शाऊलकु सिजेम थो़पामिम ङाङाया दु़म्‍मिडिमा र्‍वाम्‍डी, “यरूशलेमडा येशूकु नङ रपा मु़चु़मिमलाई सेन्‍मु माल्‍पा मु़चु़ ओराम ङा मेएँ डे? मा आसिन्‍डा वो मेर्मिमलाई बसाका डोक्‍पु डु़म्‍लाचो़मिमकाडा लमु लागि रोक्‍ताम ने मेएँ?”

१ कोरिन्थी 15:9

थु़र्मामिमगोडाम खोत्‍लेडाम याक्‍के गोङा सो़। थु़र्मा र्‍वाला सो़म्‍सिमु मेघ्रेन्‍ङी। हेङालोने गो माम्‍चु़नीकु मण्‍डलीकु थो़मतेर्साक्‍तोम बाइडा।

गलाती 1:13

गो यहूदीमिमकु डु़म्‍लागोडा बाङडोलोम आमा दुथाममिम ल्‍वा ने गानी थो़न्‍निमङा बु, मेम बिलि गो माम्‍चु़नीकु मण्‍डलीगोडाम मु़चु़मिमकु हाङको छो़म थो़मतेर्साक्‍तोमी मा पुयु़लुबेन्‍मु माल्‍तोमी।

फिलिप्‍पी 3:6

माम्चु़नीकु लाले-पाङके बोमु नकु फेसिलोक्‍पाकु दुथाम र्‍वाकी माला येशूडा थो़र लु़पामिमकु थो़मतेर्साक्‍तोमिम, डु़म्‍ला होम्‍साका जो़पा दु़म्‍सीडा र्‍वाकी माला मेख्‍लो़साका मेराम होम्‍साका दोङडोम।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

याकूब 2:6

लावो गानी उ हाम वो मेबाट्‌पामिमलाई मेजो़पा बेन्‍निम बु। हाम खाप्‍चीचो़मिमका गानीलाई छेम-छेम मेडनिमि मा? मेर्मिमका गानीलाई रो़-रो़न्‍थु़त्तो अदालतडा मेलनिवा मा?