Biblia Todo Logo
Bìoball air-loidhne

- Sanasan -




थु़र्मा 4:2 - थुलुङ राई

2 येशू सिमुलाम बम्‍गेम्‍डिम ल्‍वा र्‍वाक्‍ची, मा सिपामिम वो येशूडा बम्‍गेट्‌मी र्‍वाक्‍साका पत्रुस नुङ यूहन्‍नाका सीट्‌चिमिमका मेर्मिमकाम छो़म उनी छोक्‍चो बक्‍ताम बाइडा।

Faic an caibideil Dèan lethbhreac




थु़र्मा 4:2
18 Iomraidhean Croise  

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।


इपिक्‍युरी नुङ स्‍तोइकी र्‍वाक्‍मा नले समूहडाम नेप्‍चीनुङमा कोङ-कोङ मु़चु़मिम बाम्‍डी। मेर्मिम आच्‍छाङाकाम ल्‍वा नुङ त्‍वारो़मकु दुथाम मिम्‍पा, माल्‍पा मा सीपा दार्शनिक बाम्‍डी। मेर्मिमका पावललाई वाङ-वाङ ल्‍वामिमलाम छो़म खाल्‍मिडी। मेर्मिमगोडाम कोङ-कोङका आरे र्‍वाम्‍डी, “हाम सो़यु़मिम ओ उ न ना थो़म जेपाका?” वाङमिमका र्‍वाम्‍डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्‍गेट्‌पाकु दुथाम सो़यु़डु़म बाइडा।


मेराम थारीबिलि ङा एफिसस शहरडा ख्रीष्‍टकु लाम्‍दीकु दुथाम छो़म येम्‍डी-दुम्‍डी।


लावो ओर्मिमकु ङादोडा येम्‍सिङ्‌डोमा कोले ल्‍वा र्‍वाङ्‌डोम बाइडा। मेराम, ‘मु़चु़मिम सिमुलामका बम्‍गेट्‌मी र्‍वाक्‍पा ल्‍वाडा गो थो़र लु़ङुमिमका इनीमा ङादोडा हिलाहिसी बेप्‍डा रेट्‌ङिडिमिम बु’।”


मेर्मिमका आरे दु़म र्‍वाम्‍डिम बाइडा, ख्रीष्‍ट सिमु ङा बासी, मा सिमुलाम बग्‍गेट्‌पामिमडाम ङादोम दु़म्‍साका गुमीका यहूदीमिम नुङ वाङसामामिमलाई माम्‍चु़नीकु ओल होप्‍माम सिजेमकु दुथाम सो़मी।”


माम्‍चु़नीका सिपामिमलाई फमी र्‍वाक्‍पा ल्‍वा गानी हेङा थो़र मेलु़निमिम?


मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।


डोक्‍पु ङाउ डु़म्‍लाचो़ नुङ गुनुङ बाट्‌पा सदुकीमिम उनी नो़ मेनु़यावामका थु़र्मामिमकु कोर्थो़लाम बम्‍डी।


ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।


लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।


Lean sinn:

Sanasan


Sanasan