थु़र्मा 26:2 - थुलुङ राई

² “हप अग्रिपास, यहूदीमिमका खोत्‍ले मेजो़पा-ल्‍वामिमका गोलाई मुमा बेट्‌ङिडिमिम ल्‍वाकु दुथाम आनेप इनीमा ङादोडा जेमु ल्‍वाउतोमका गो छो़म आलाकाम मिम्‍सिङ्‌डोम बु।

थु़र्मा 26:2 Iomraidhean Croise

मत्ती 10:19

लावो गानीलाई चु़म्‍निलो हाम र्‍वामु, मा हेसाका जेमु र्‍वाक्‍साका मिम्‍ताम-सो़र्ताम मेबेनी। माम्‍चु़नीका गानीलाई जो़पा थारीका घ्रेट्‌पा सिजेम ग्‍वानी।

लूका 12:11

“मु़चु़मिमका गानीलाई चु़म्‍नीमा घ्रो़म्‍दीनेमबाडे साखामचो़मिम नुङ किब्‍दी साखामचो़मिमकामबाडे हिलाहिसी बेप्‍डा रेनिमी, मेकोतिलो गो हाम र्‍वामु, हाम सो़मु र्‍वाक्‍साका मिम्‍ताम-सो़र्ताम मेबेनी,

लूका 21:12

“लावो ओर्मिम खोत्‍ले ल्‍वामिम दु़म्‍मु ङादो गानी आमा सीसिपा दु़म्‍निमका मु़चु़मिमका गानीलाई चु़म्‍नी, मा इनी थो़मतेर्मी। घ्रो़म्‍दीनेममिमबाडे रो़-रो़न्‍थु़त्तो लनिमी मा झ्‍यालखानडा चनिमी। मेम्‍मा हपमिम नुङ किब्‍दी साखामचो़मिमकु ङादोडा हिलाहिसी बेप्‍डा येम्‍सिबेनिमी।

थु़र्मा 25:26

ओरामकु दुथाम गो डोक्‍पु हपलाई र्‍यामु बासिक्‍पा ल्‍वा हाम वो मिबु। मेम्‍मिमका गो ओराम मु़चु़लाई हप अग्रिपास नुङ गानी खोत्‍लेकु ङादोडा रेत्तोम बु, मा गानी ओरामलाई हिलाहिसी बेनी। मेम्‍मा कोङनिम ल्‍वा लुक्‍ता माला गो हाम-हुम र्‍यामु चापु।

थु़र्मा 26:1

हप अग्रिपासका पावलनुङ र्‍वाक्‍ता, “गाना इमा त्‍वाकु दुथाममिम ल्‍वा जेमु चाम्‍ना।” मेकोतिमा उमा ल्‍वा कोस्‍तु़मा पावल जेमु चो़म्‍डु़:

थु़र्मा 26:19

“मेम्‍मिमका हप अग्रिपास, पाह्रीलाममिम मिक्‍सीलामडा ल्‍वाउतोम होङङा गो खारी बेउतो।

थु़र्मा 26:26

गो हप अग्रिपासकु ङादोडा मेङिसाका जेत्तोङा लेट्‌पु, हेङालोने हपका उनी त्‍वाका ङा ओर्मिम ल्‍वाकु दुथाम चमी। ओराम ल्‍वा थसिसाका बेम्‍मा मेएँ, ओर्मिमगोडा कोल्‍ले वो ल्‍वा गुमीडाम थक्‍मा मिबु।

थु़र्मा 26:3

यहूदीमिमकु खोत्‍ले बादु़खाम नुङ रिबुसी गस्‍ताम ल्‍वाकु दुथाम ने गानी चन्‍ल्‍यानिमिम ङा बु। मेम्‍मिमका गो जेङुमिम जो़होमका थो़ङसाङनी र्‍वाङु।

थु़र्मा 26:7

आकी को-न (१२) दोचो़मिमका मे माम्‍चु़नीका र्‍वाम्‍डिम ल्‍वा ल्‍वामुकाम लागि कोले न-थो़मकाम दु़म्‍मिडी, मा नेम्‍फु-सिन्‍था माम्‍चु़नीकु सो़रलोले बेम्‍थाल्‍मिडी। हप अग्रिपास, ओराम ल्‍वाकु दुथाम ङा यहूदीमिमका मेजो़पा ल्‍वामिमका मुमा बेट्‌ङिडिमिम बु।