२ तिमोथी 4:7 - थुलुङ राई

⁷ गो जो़पा क्‍वाल्‍बा बेउतोम बु, मा ओराम खारीकु ओन्‍सी ओन्‍सोमु दु़म्‍तोम बु, आमा थो़र जो़होमका जु़ल्‍तोम बु।

२ तिमोथी 4:7 Iomraidhean Croise

लूका 11:28

लावो येशूका र्‍वाम्‍डी, “उहेमका माम्‍चु़नीकु सिजेम जो़होमका थो़मी, मा मेराम होम्‍साका बोमी, मेर्मिम मु़चु़ डे आलाकाम सो़।”

लूका 8:15

लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

यूहन्‍ना 17:6

“सु़म्‍दिसेरलामका गानी गोलाई ग्‍वाङ्‌डिनिम मु़चु़मिमकाडा गो गानीलाई छेबेट्‌निनिम बु। मेर्मिम मु़चु़ इनीमाङा बाम्‍डी, मा मेर्मिम गोलाई ग्‍वाङ्‌डिनी। मेर्मिमका इनीमा सिजेम होम्‍साका दोम्‍डिम बु।

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

थु़र्मा 13:25

यूहन्‍नाका उ खारी बोमु दु़म्‍मु खाप्‍स्‍तु़लो आरे र्‍वाक्‍ताम बाइडा, ‘गानी गोलाई सु़ र्‍वाक्‍पा मिम्‍नी? गो ने गानी लन्‍थानिमिम मु़चु़ मेएँ, लावो आमा चङडा कोले रोमी, मा उनीमा ने खेलयु़म सो़लो़प प्‍लु़मु वो मेघ्रेन्‍ङी।’

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

गलाती 2:2

माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।

फिलिप्‍पी 1:30

गोडला दु़स्‍ताम दु़खा गानी इनीमा मिक्‍सीका ल्‍वान्‍नी, मा ओम्‍लो वो गोडला दु़खा दु़म्‍तोङा लेडु़ र्‍वाक्‍पा थो़निम बुनी। मेराम दु़खालामङा गानी वो लक्‍तो बोनी।

१ तिमोथी 1:18

आमा तारापाचो़ होप्‍माम तिमोथी, इमा दुथाम ङादो माम्‍चु़नीलाम जेम्‍मा होङङा गो गानालाई बेबेनी। जो़पा क्‍वाल्‍बा बोमु मेर्मिम ल्‍वा होङङा बे।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

१ तिमोथी 6:20

तिमोथी, माम्‍चु़नीका गानालाई हाम बेबेट्‌नामिम बु मेराम चङचङया दु़म्‍साका बे। माम्‍चु़नीकु सीसिकु कोर्थो़लाम बक्‍साका सीसिपामिमका माम्‍चु़नीकु नेप्‍चीलामका सीपा लिम्‍सिमी, लावो मेराम ने आच्‍छाङाकाम सीसि मेएँ सो़। आरेप्‍माम मु़चु़मिमडाम वाङ बाया।

२ तिमोथी 1:14

गुइनुङ बाट्‌पा माम्‍चु़नी-पेललाम ख्‍लो़ला सो़क्‍सिका गानालाई जु़ल्‍मु ग्‍वाक्‍मा आच्‍छाङाकाम सीसि जो़होमका बोथाडा-थार्थाडा।

२ तिमोथी 3:10

आथा ने गाना आमा सीसि, आमा दोसी, गो बोमु मालुमिम ल्‍वा, आमा थो़र, आमा इम्‍सी, आमा रिखाम, मा आमा न कोलेङा बु र्‍वाक्‍पा चनामिमङा बु।

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।

रेम्‍बेट्‌मिडिम ल्‍वा 3:8

इमा खारीमिम गो चक्‍पु। रेप्‍डा, इमा लागि गो लाम्‍चोको होल्‍साट्‌निम बु, मेराम सु़का वो ख्‍लु़न्‍मु मेचाम्‍मी। गानानुङ कि-कि यु़म बु मेम मावो आमा सिजेम होङङा गाना लाम्‍दिन्‍नाम बु मा गाना थो़रलु़इमिम दु़म्‍नाम बु।

रेम्‍बेट्‌मिडिम ल्‍वा 6:11

मेम्‍मा मेर्मिम खोत्‍लेलाई माम्‍चु़नीका बुबुयाम ब्‍लाङमा ग्‍वाम्‍डी, मा माम्‍चु़नीकु खारी बेपामिम वो मेर्मिम होम्‍साका मु़चु़मिमका सेसाका ङार्सीडा मेलिथु़मसम्‍म आथावो लन्‍थाट्‍नी र्‍वाक्‍साका मेर्मिमलाई र्‍वाम्‍डी।