२ तिमोथी 4:20 - थुलुङ राई

²⁰ इरास्‍तस कोरिन्‍थ शहरडा बाइल्‍याड्‌डा, त्रोफिमस ने नो़सी बु़डु़मका मिलेटस शहरडा पार्जो़ल्‍तो।

२ तिमोथी 4:20 Iomraidhean Croise

थु़र्मा 18:1

मेकोतिमा पावल एथेन्‍सलामका कोरिन्‍थ शहरडा लस्‍ता।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

थु़र्मा 19:22

मेकोतिमा गुलाई ख्‍लो़पाचिप तिमोथी नुङ इरास्‍तसलाई पावलका माकेडोनियाथो़ थु़र्डु़ची। लावो गु ने कोलेम-नलेम एशियाडा ङा बाइल्‍याड्‌डा।

थु़र्मा 20:15

उ दिकाम नेम मेलामका गुकु डोक्‍पु कुबी-बोक्‍साडा हुत्तोको, मा खियस टापु फार्डा रोक्‍फात्तोको। मेकोतिमा उ नहाद्‌दामनेम गुकु सामोस टापुडा रोक्‍फात्तोको। मेकोतिमा उ सुहाद्‌दामनेम गुकु मिलेटस शहरडा रोक्‍तोको।

थु़र्मा 20:17

पावलका मिलेटसलामका एफिससडा बाट्‌पा मण्‍डलीडाम एल्‍डरमिम येड्‌डा मु़चु़मिम थु़र्डु़मी।

थु़र्मा 20:4

मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्‍पा अरिस्‍तार्खस, सिकन्‍दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्‍डी।

थु़र्मा 21:29

हेङालोने एफिससलामका रोक्‍पा वाङसामा त्रोफिमसलाई मेर्मिमका पावलनुङ कोयोङा शहरडा बाच्‍चिम ल्‍वाम्‍डिम बाइडा, मा पावलका मेरामलाई सो़रनेमगोनो रेड्‌डु़ र्‍वाक्‍पा मिम्‍मिडिम बाइडा।

रोमी 16:23

आमा चापेडुपे बेपा मा खोत्‍ले मण्‍डलीलाई हुनाखाना बेपा गायसका गानीलाई सेव र्‍वाक्‍ताम बु। गायसकु नेमडा खोम्‍सिक्‍पामिम खोत्‍लेकाम सेव बु। ओराम शहरडाम कोषाध्‍यक्ष इरास्‍तस नुङ क्‍वार्टस ल्‍वाकचिपका वो गानीलाई सेव र्‍वाक्‍चिम बु।