२ तिमोथी 4:19 - थुलुङ राई

¹⁹ प्रिस्‍किला, अकिलास नुङ ओनेसिफरसकु नेमडाममिमलाई आमा सेव र्‍वाङसाक्‍ङी।

२ तिमोथी 4:19 Iomraidhean Croise

मत्ती 5:47

इनी ङोप्‍सो़मिमनुङ कोङङा गानी सेवो सानिम बुनी माला वाङमिमडाम गानी हाम जो़पा बेन्‍नी मा? माम्चु़नीडा थो़रमेलु़पामिमका वो मेमङा बोमी।

थु़र्मा 18:18

मेकोतिमा पावल कोरिन्‍थ शहरडा थो़रलु़पामिमनुङ हापा ङा बाइडा। थो़रलु़पामिमनुङ ब्‍र्‍वासिड्‌डामा अकिलास, प्रिस्‍किलानुङ गु डोक्‍पु कुबी-बोक्‍साडा हुङडामा सिरियाथो़ लस्‍ता। लावो लमु ङादो पावलका माम्‍चु़नीनुङ कोङनिम ल्वाडा याचे जेस्‍ताम बाइडा, मेम्मिमका गुका किंक्रियाडा उ सेम खुर्रु़।

थु़र्मा 18:2

गुका मेसिन्‍डा पोन्‍टसडा बाट्‌पा अकिलास र्‍वाक्‍मा यहूदीलाई डार्रु़। हप क्‍लौडियसका खोत्‍ले यहूदीमिमलाई रोमलामका लुनिमा लक्‍नी बु़डु़मिमका अकिलास उ नाइमे प्रिस्‍किलानुङ इटालियालामका रोक्‍चिम बाइडा। पावल मेर्चिपनुङ घ्रो़म्‍डा लस्‍ता,

थु़र्मा 18:26

अपोल्‍लोस घ्रो़म्‍दीनेमडा मेङिसाका जेमु चो़म्‍डु़। गुका जेस्‍ताम ल्‍वा प्रिस्‍किला नुङ अकिलासका थो़च्‍ची, मा गुलाई उची नेमडा येट्‌ची। मेकोतिमा मेर्चिपका गुलाई माम्‍चु़नीकु लाम्‍दीकु दुथाममिम ल्‍वामिम मेरामडाम वो जो़होमका सीट्‌ची।

१ कोरिन्थी 16:19

एशिया क्षेत्रडाम मण्‍डलीमिमका गानीलाई सेव र्‍वाम्‍डिम बु। अकिलास नुङ प्रिस्‍किलाका मा उची नेमडा खोम्‍सिक्‍पा मण्‍डलीका वो ङाचो़कु नङडा गानीलाई उनी न-गोलामका ङा सेव र्‍वाम्‍डिम बु।