२ तिमोथी 4:17 - थुलुङ राई

¹⁷ लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

२ तिमोथी 4:17 Iomraidhean Croise

मत्ती 10:19

लावो गानीलाई चु़म्‍निलो हाम र्‍वामु, मा हेसाका जेमु र्‍वाक्‍साका मिम्‍ताम-सो़र्ताम मेबेनी। माम्‍चु़नीका गानीलाई जो़पा थारीका घ्रेट्‌पा सिजेम ग्‍वानी।

लूका 1:1

द्‍वादीबुङ ङाचो़ थियोफिलस, येशूकु दुथाम गुकुगोडा हा-हाम ल्‍वा दु़स्‍ताम बाइडा मेर्मिम खोत्‍ले ल्‍वाकु दुथाम हापा मु़चु़मिमका र्‍यामु माल्‍मिडी।

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

रोमी 15:31

यहूदियाडा बाट्‍पा थो़रमेलु़पा मु़चु़मिमडाम माम्‍चु़नीका गोलाई गेङिमिनु़ मा यरूशलेमडाम थो़रलु़पामिम लागि फक्‍मा खउलुङ मेर्मिमका रमिनु़ र्‍वाक्‍साका सो़म्‍दी बेङ्‍साङनी।

२ कोरिन्‍थी 12:9

लावो गुमीका गोलाई र्‍वाम्‍डी, “इमा लागि आमा दिदाम हापा बु। इमा मेचाप्‍सीडा आमा यु़मका खारी बु़।” मेम्‍मिमका ख्रीष्‍टकु यु़म गोडला दु़म्‍नु़ र्‍वाक्‍साका आमा मेचाप्‍सीडा गो छो़म गेर्सी द्‍वाक्‍तो आमा धक्‍ची डोक्‍पु बेउ।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

१ तिमोथी 1:12

इकीमा ङाचो़ येशू ख्रीष्‍टलाई आलासो़ र्‍वाङु, हेङालोने गुमीका गोलाई थो़र लु़इमिम मिम्‍ङिडिमिमा उनी लाले-पाङकेकु खारी बोमु थुट्‌ङिडिमिमा यु़म वो ग्‍वाङ्‌डिमी।

२ तिमोथी 2:1

आमा तारापाचो़ होप्‍माम तिमोथी, ख्रीष्‍ट येशूका ग्‍वाक्‍साड्‌डामिम दिदामका गाना यु़मनुङमा दु़प्‍सा।

२ तिमोथी 2:9

ओराम जो़पा-सेलाकाम लागि गो दु़खा इम्‍तोङा लेट्‌पु, मा मेजो़पा खारी बेपा मु़चु़ होङ्‍ङा झ्‍यालखानडा सेल-रिबाका बट्‌ङिडिमिम बु। लावो माम्‍चु़नीकु सिजेम ने सेल-रिबाका मेबन्‍सी।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

२ तिमोथी 4:5

लावो गाना खोत्‍ले थारीका त्‍वापलाईङा जो़होमका जु़ला, दु़खा इम्‍डा, जो़पा-सेला थो़बेडामी, मा माम्‍चु़नीका बेबेट्‌नामिम खोत्‍ले खारी बे।

तीतस 1:3

जो़पा-सेला थो़बेसीलामका गुमीका मुलु़ बेम्‍डिम जो़पा थारीका मु़चु़मिमलाई ओराम ल्‍वा चबेट्‌मिडी। गुमीका मेराम खारी बेबेट्‌ङिडिमी मा गुइलाई सेल्‍पा इकी माम्‍चु़नीका बेबेट्‌ङिडिमिम होम्‍साका गो बेउतो।

हिब्रू 11:33

थो़रकाङा ओर्मिमका किब्‍दीमिम घ्‍ल्‍वाम्‍डी, हाम जो़पा मेराम बेम्‍डी, माम्‍चु़नीका मेर्मिमलाई ग्‍वानिनी र्‍वाम्‍डिम ल्‍वाम्‍डी, धेन्‍द्रामिमकु सि ड्‌याम्‍डी।

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

२ पत्रुस 2:9

आरेसाका उनी लाम्‍दीडा लाम्‍दिपा मु़चु़मिमलाई दु़खालामका हेसाका फ्‍वामु नुङ मेजो़पा खारी बेपामिमलाई निया दु़म्मिम नेमसम्‍म हेसाका जु़ल्‍थामुमि र्‍वाक्‍पा ङाचो़का चमी।