२ तिमोथी 3:6 - थुलुङ राई

⁶ हेङालोने मेर्मिमगोडाम याङ-याङ ने नेम-नेमगोडा हुसाका छु़ल कुर्थाक्‍पा नुङ छो़म मेजो़पा नका बथाक्‍पा मेथेट्‌पा मेसेममिमलाई उनी ल्‍वाडा जु़ल्‍मी।

२ तिमोथी 3:6 Iomraidhean Croise

मत्ती 11:28

“ए लिपा ल्वा कुर्पा नुङ इनी खारीडाम घ्रु़म्‍पा मु़चु़नी, आमाडा रोक्‍नी। गो गानीलाई ङेम्‍सिमु ग्‍वानिनी।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

मत्ती 23:14

[गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, अर्दोमेमिमलाई ख्‍लो़पा लिन्‍सिनीमा उनी खाप्‍ची पोन्‍सानी। मु़चु़मिमलाई रेम्‍बोमु लागि छो़म धु़प्‍पा सो़म्‍दी बेपा लिन्‍सिनी। मेम्‍मिमका गानी छो़म इम्‍मु मेझापा देन्‍दे ल्‍वानी।]

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

मर्कूस 4:19

लावो पोमु-डुमुकु मिम्‍ताम-सो़र्ताम, खाप्‍ची द्‌वाम, नुङ वाङमिम खोत्‍लेङा डार्पा न उनी नगोनो हुमा मेरामका सिजेम हुप्डु़, मेकोतिमा मेरामका मा फिमु मेग्‍वाकु़।

१ कोरिन्थी 12:2

गानी चनिमङा बु, गानी येशूडा थो़रमेलु़थेङा बान्‍निलो जेमु मेचापा ङाटामिमथो़ लनिमा थामबाल्निम बाइडा।

१ तिमोथी 5:6

लावो उमा नसीहोम बोम्‍बाल्‍मु लागि बु माला गु नु़सीङा सिडाम कोतिमङा दु़म।

१ तिमोथी 6:9

लावो खाप्‍चीचो़ दु़म्‍मु न बेपामिम ने मेजो़पा खारी बोमु न बेपा दु़म्‍मी, पेरडा हुमी, मा हाम ना हामकाम नुङ छो़म थो़मतेर्पा ननुङमा दु़म्‍मी। मेम्‍मा मेप्‍माम नका मु़चु़मिम फालु़मिमा पुयु़लुकु़मी।

तीतस 1:11

मेर्मिमलाई भोम्‍मुमि बासी, हेङालोने सीसि मेनु़पा लिमा ल्‍वा सीसाका मेर्मिमका हापा मु़चु़मिमलाई थो़रलु़सीलामका ताङताहेरथो़ ख्‍लोम्‍डिम बु। मेर्मिमका खउलुङकाम लागि कोङङा मेम बोमी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

२ पत्रुस 3:17

मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

यहूदा 1:16

मेर्मिम मु़चु़ रिबुसी किट्‌पामिम सो़। मेर्मिमका त्‍वाकु मेजो़पा न-गो होङङा बोमी, नो़ ल्‍वाक्‍थाक्‍साका जेमी मा उनी त्‍वाप नु़मुकाम लागि लागालेपा जेमी।

यहूदा 1:18

मेर्मिमका र्‍वाम्‍डिम बाइडा, “हुक्‍पा थारी रोम्‍फामु खाप्‍डु़मिम बिलि सेम्‍ला बेट्‌पा मु़चु़मिम मेजो़पा उनी न होङङा दोमी।”

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।