२ तिमोथी 3:17 - थुलुङ राई

¹⁷ मेम्‍साका माम्‍चु़नीकु लाम्‍दीडा लाम्‍दिपा मु़चु़मिम जो़पा खारी खोत्‍ले बोमु चापा दु़म्‍मी।

२ तिमोथी 3:17 Iomraidhean Croise

थु़र्मा 9:36

योप्‍पा शहरडा येशूडा थो़रलु़पा तबीता नङकाम कोले मेसेम बाइडा। (ग्रीक ल्‍वाडा मेरामलाई डोरकास र्‍वाम्‍थाल्‍मिडी– मेराम र्‍वाक्‍मा दो़र)। तबीताका हेल्‍लो लोवो जो़पा खारी बु़थाल्‍लु़, मा उनी हाम वो मेबाट्‌पामिमलाई ख्‍लो़यु़थाल्‍लु़मी।

२ कोरिन्‍थी 9:8

माम्‍चु़नीका गानी चाहेबोनिमिमडाम वो हापा जि-वा ग्‍वामु चाम्‍निमी। मेम्‍मा गानीलाई हामकाम वो खेरेला मेदु़म, मेम्‍मिमका गानी जो़पा खारी खोत्‍ले बोम्‍सोमु चाम्‍नी।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

२ तिमोथी 2:21

मे याक्‍के खारीडा मोमु जु़ल्‍मा कोङनिमका उ त्‍वापलाई सेपा बु़डु़ माला मेराम डोक्‍पु खारीडा मोमु घ्रेट्‌पा सोजाम दु़म, मा नेमहपका मोमु घ्रेट्‌पा नुङ कोङनिम डोक्‍पु खारी बोमु घ्रेट्‌पा दु़म।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

तीतस 3:1

आरे बोमु थो़रलु़पामिमलाई मिम्‍बेडामी: साखामचो़ नुङ सरकारी डोक्‍पु मु़चु़मिमकु ल्‍वाडा बुमु, मेर्मिमका र्‍वामिमिम थो़मु, मा हाम लोवो जो़पा खारी बोमु लागि झो़म्‍जो़ल्‍सिमु।

हिब्रू 10:24

मेम्‍मा रिखाम नुङ जो़पा खारी बोमुथो़ गुइ हेसाका सो हन्‍बेबेपा मिम्‍डी।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।