२ तिमोथी 3:14 - थुलुङ राई

¹⁴ लावो गाना ने त्‍वाका सीसिट्‌नाम नुङ छो़म थो़रलु़न्‍नाम ल्‍वा होम्‍साका लाम्‍दियाम बाया, मेर्मिम ल्‍वा थो़रलु़इमिम मु़चु़मिमलाम सीसिट्‌नाम गाना त्‍वाकाङा चना।

२ तिमोथी 3:14 Iomraidhean Croise

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

रोमी 14:5

कोङनिमका कोलेममिम नेम वाङमिम नेमडाम डोक्‍पु मिम्‍मु चाप्‍सु़, लावो कोङनिमका खोत्‍ले नेम कोहोप्‍मामङा मिम्‍डु़। मेम्‍मिमका खोत्‍ले मु़चु़का त्‍वा-त्‍वाहोम नगोडा त्‍वाका थो़र बेम्‍मा ल्‍वाडा आच्‍छाङा मिम्‍मु बासी।

कलस्‍सी 2:2

इनीमा सो हन्‍नु़ मा रिखाम बेबोमुडा कोले दु़म्‍नी र्‍वाक्‍साका ओराम बेउतोम बु। इनीमा थो़रडा ने जो़पा दु़म्नी मा गानी मेमुर्पा दु़म्नी, हेङालोने गानी आच्‍छाङाकाम सिजेम जो़होमका थेसिथेट्‌निम बु। मेम्मा माम्‍चु़नीकु थक्‍मा ल्‍वा ख्रीष्‍टकु दुथाम आच्‍छाङाका थेसिथेनिनु़ र्‍वाक्‍पा आमा न बु।

१ थेसलोनिकी 1:5

हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

१ तिमोथी 4:16

त्‍वाकु दुथाम नुङ त्‍वाकु सीसिकु दुथाम चङचङया बाया। ओर्मिम ल्‍वा बोनाम बुना माला गाना इ त्‍वाप नुङ इमा ल्‍वा थो़पामिम खोत्‍लेङा सेल्‍सिनी।

२ तिमोथी 1:13

गोलामका गाना थो़न्‍नाम आच्‍छाङाकाम सीसिडा जो़होमका लाम्‍दियाम बाया मा मेराम सीसि बोथाडा-थार्थाडा। मेम्‍मा ख्रीष्‍ट येशूडा बाट्‌पा इमा थो़र नुङ वाङमिमडला बोनामिम इमा रिखामडा गाना मेराम रेम्‍बेपा दु़म्‍सा।

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

२ तिमोथी 3:15

गाना ने चो़च्‍चो़लो आथामङा माम्‍चु़नीकु सिजेम चनामिम बु, मेराम सिजेमका ख्रीष्‍ट येशूडा थो़र लु़न्‍नामलामका सेल्‍सिमुकाम लागि गानालाई सीमु चाम्‍ना।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।

हिब्रू 6:11

आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।