२ तिमोथी 3:13 - थुलुङ राई

¹³ लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।

२ तिमोथी 3:13 Iomraidhean Croise

२ कोरिन्‍थी 6:8

मु़चु़मिमका डोक्‍पु बोकिमी लोवो याक्‍के बोकिमी लोवो, आकीमा नङ कोमि लोवो डकिमि लोवो गुकु माम्‍चु़नीकु लाले-पाङके बोकु। मु़चु़का गुकुलाई लु-फेलेचो़ बोकिमी, लावो थो़रलु़इमिम बुकु।

१ तिमोथी 4:1

दिफुम थारीबिलि कोङनिम मु़चु़मिम उनी थो़र लु़सीलामका ख्‍लोम्‍सिट्‌मी, मा मेर्मिम लु-फेले बेपा पेल नुङ मुनाङ-कुर्चाङमिमकु सीसिथो़ लमी र्‍वाक्‍साका माम्‍चु़नी-पेलका जो़होमका र्‍वामी।

२ तिमोथी 3:8

माम्‍चु़नीलाम-जेपा मोशाकु कोर्थो़लाम यान्‍नेस नुङ याम्‍ब्रेस बक्‍चिम होम्‍साका ओर्मिम मु़चु़ वो आच्‍छाङाकाम ल्‍वाकु कोर्थो़लाम बमी। ओर्मिम मु़चु़कु न झिप्‍स्‍ताम बु, मा उनीमा थो़र आच्‍छाङाकाम मिबु।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

२ पत्रुस 3:3

खोत्‍लेडाम ङादो गानी ओराम ल्‍वा थेसिथेन्‍मु बासी, हुक्‍पा थारी बिलि गानीलाई सेम्‍ला बेट्‌पा मु़चु़मिम रोमी, सेम्‍ला बेसी नुङ मेर्मिमकु उनी मेजो़पा नमिम होम्‍साका दोमी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

रेम्‍बेट्‌मिडिम ल्‍वा 13:14

मे कोनोम हादीबाराकु खोमडा मेराम हादीबाराका छेखोपमिम रेम्‍बेपा यु़म डार्स्‍तु़म बाइडा। मेराम खारीलामका सुबुडा बाट्‌पा मु़चु़मिमलाई ताङताहेरथो़ लडु़मी। कातु़रु़का फल्‍साका रावा सिडामा वो नु़पा दु़स्‍ताम मे कोनोम हादीबारालाई डोक्‍पु मिम्‍मु लागि मेरामका ङाटा बनेबेबेड्‌डु़मी।

रेम्‍बेट्‌मिडिम ल्‍वा 18:23

धिप्‍रीकु ओल इमाडा हेल्‍लो वो मेझ्‍वा। लारेमा नुङ लारेपाकु लो़लाम इमाडा हेल्‍लो वो मेथो़सीमिम दु़म। इमा सामान भ्रेपा-भ्रेट्‌पामिम सु़म्‍दिसेरडा खोत्‍लेडाम डोक्‍पु मु़चु़मिम बाम्‍डी। इमा जादुका खोत्‍ले सामामिम ताङताहेरथो़ लम्‍डिम बु।