२ तिमोथी 3:12 - थुलुङ राई

¹² ख्रीष्‍ट येशूडा माम्‍चु़नीकु लाम्‍दी होम्‍साका लाम्‍दिमु माल्‍पामिम खोत्‍ले मु़चु़काम छो़म उनी थो़मतेर्सी।

२ तिमोथी 3:12 Iomraidhean Croise

मत्ती 16:24

मेकोतिमा येशूका उनी सीसिपामिमलाई र्‍वाम्‍डी, “कोङनिमका आमा चङचङ लाम्‍दिमु न बु़ माला मेरामका उमा नसिहोम बोमु डिसाका त्‍वाकु क्रूस कुर्नु़मा आमा चङचङ लाम्‍दिनु़।

मत्ती 23:34

मेम्‍मिमका इनीमाडा माम्‍चु़नीलाम-जेपामिम, नेप्‍चीनुङमा मु़चु़मिम, मा सीपा मु़चु़मिम गो थु़रुमी। मेर्मिमगोडाम कोङनिमलाई गानी सेनिमा क्रूसडा चेनी, मा याङलाई इनी घ्रो़म्‍दीनेममिमबाडे कोक्‍तेकु रिबाका याल्‍नी। मेम्‍मा शहरलामका शहरथो़ खानिमी।

मर्कूस 10:30

मेरामका दु़खानुङङा को सङ कोति हापा छो़म नेम-किम, वा-ल्‍वाक, रिचो़मिम, ये-द, माम-पाप, चो़च्‍चो़मिम ओम्‍लोम थारीकाङा ल्‍वासु़। मेकोतिमा दिफु रोक्‍पा थारीका हेल्‍लो वो मेसिपा त्‍वारो़म वो ल्‍वासु़।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

यूहन्‍ना 17:14

गो मेर्मिमलाई इनीमा सिजेम ग्‍वाक्‍तोमी, मा सु़म्‍दिसेरडाम मु़चु़मिमका मेर्मिमलाई मेद्‌वाक्‍मिवा, हेङालोने गो सु़म्‍दिसेरकाम मेएँ, मेप्‍माङा मेर्मिम वो सु़म्‍दिसेरकाम मेएँ।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

१ कोरिन्थी 15:19

ख्रीष्‍टडा गुइ हाम हुम ल्‍वापा न बिइमिम ओराम सु़म्‍दिसेरडा बुइमिमसम्‍मकाम लागि कोङङा माला वाङमिम मु़चु़मिमडाम वो हापा नाम्नाम्चो़ गुइ दु़म्‍सी।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

२ कोरिन्‍थी 4:9

मु़चु़मिमका छो़म आकी थो़मतेर्मिडिम बु, लावो माम्‍चु़नीका गुकुलाई हेल्‍लो वो डित्तिकिमिम मिबु। मु़चु़मिमका गुकुलाई याल्‍त्तिकिमिम बु, लावो मेर्मिमका गुकुलाई सेन्‍मु चाप्‍त्तिकिमिम मिबु।

१ तिमोथी 2:2

मा हपमिम नुङ साखामचो़मिम खोत्‍लेकाम लागि सो़म्‍दी बेनी। मेम्‍मा गुइ माम्‍चु़नीकु सो़रलोले बोमु नुङ उनीमा नङ कोक्‍साका न भ्रसिक्‍तो जो़होमका बुमु ल्‍वासी।

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

१ तिमोथी 6:3

कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

तीतस 2:12

मेराम दिदामका गुइलाई माम्‍चु़नीकु नङ मेकोसिक्‍पा ल्‍वामिम नुङ सु़म्‍दिसेरडाम मेजो़पा नमिम डिन्‍मु, मा त्‍वापलाई जो़होमका जु़ल्‍मु चापा, जो़पा दु़म्‍पा, मा माम्‍चु़नीकु लाम्‍दीडा लाम्‍दिसाका बुमु सीसा-चेसा।

१ पत्रुस 3:14

लावो माम्‍चु़नीकु न-गो होम्‍साका खारी बोनिलो वो दु़खा ल्‍वानी माला ने गानी आलाकाम सो़। मेर्मिमकु ङिमसासीडाम मेङिनी, मा इनी लो़ मेदाम्‍नु़।

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।

रेम्‍बेट्‌मिडिम ल्‍वा 12:4

उ मेरका धामुलाम सु फ्‍वाकु को फ्‍वा सोरलुङमिम बोखोप्‍डु़मा मेर्मिमलाई सुबुडा छाघ्रोक्‍तु़। मे मेसेमकु चो़ ग मेडे क्‍लिडोमु लागि चो़च्‍चो़ कमु खापा मे मेसेमकु ङादोडा मे डोमिफु बक्‍ता।

रेम्‍बेट्‌मिडिम ल्‍वा 7:14

गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।