1 हुक्पाथारीका ङिमलु़पा थारी रो र्वाक्पा गाना चजो़ला।
हेङालोने आरेप्माम थारी रोक्तोङा लेडु़, मेर्मिमका माम्चु़नीकु आच्छाङाकाम सीसिथो़ न मेसोमी, लावो त्वाका द्वामिमिम ल्वा कोङङा थो़मु न बोमी, मा उनी त्वाका द्वामिमिम सिपामिमकाडा खोम्सिमी।
खोत्लेडाम ङादो गानी ओराम ल्वा थेसिथेन्मु बासी, हुक्पा थारी बिलि गानीलाई सेम्ला बेट्पा मु़चु़मिम रोमी, सेम्ला बेसी नुङ मेर्मिमकु उनी मेजो़पा नमिम होम्साका दोमी।
आमा चो़च्चो़मिम होप्माम मु़चु़नी, हुक्पा थारी ओरामङा सो़। ख्रीष्टकु कोर्थो़लाम बक्पा मु़चु़ रोक्तोङा लेडु़ र्वाक्पा गानी थो़न्निम होङङा ओम्लो वो ख्रीष्टकु कोर्थो़लाम बक्पा हापा मु़चु़मिम रोम्डिम बु। मेम्मिमका ओराम थारी हुक्पा थारी र्वाक्पा गुइ च।
लावो द्वादीबुङ ङोप्सो़नी, इकी ङाचो़ येशू ख्रीष्टकु थु़र्मामिमका ङादोङा र्वाम्डिम ल्वामिम गानी मिम्नी।
मेर्मिमका र्वाम्डिम बाइडा, “हुक्पा थारी रोम्फामु खाप्डु़मिम बिलि सेम्ला बेट्पा मु़चु़मिम मेजो़पा उनी न होङङा दोमी।”
