२ तिमोथी 2:26 - थुलुङ राई

²⁶ मा मेर्मिमकु न छ्‌यासी, मा शैतानकु पेरडाम लुमिमा स्‍वामी, उहेमका मेर्मिमलाई उमा न होम्‍साका दोमु बथाडु़मिम बु।

२ तिमोथी 2:26 Iomraidhean Croise

लूका 11:21

“कोले सोनुङमा मु़चु़का गिजो-वाजो झेसाका उ नेम लडु़ माला उ खाप्‍चीमिम मेदाम।

लूका 15:17

“उ न छेस्‍तामा उ नड्‌डा र्‍वाक्‍ता, आमा पापका खउलुङ ग्‍वाक्‍साका रेड्‌डु़मिम मु़चु़मिमका ने खोहोम पोमिमा क्‍लेन्‍मी वो, लावो गो ने आसिन्‍डा क्रु़मका सिमुखापुमिम बु।

लूका 5:10

मेम्‍साका ङा जब्‍दियाकु तारापाचो़ याकूब नुङ यूहन्‍ना वो ङाङाया दु़म्‍ची। मेर्चिप सिमोन पत्रुसनुङ कोयोङा ङो सेट्‌पा मु़चु़चिप बाच्‍ची। येशूका सिमोनलाई र्‍वाम्‍डी, “मेङिसा, आथाडा आनो गाना ङो मेएँ मु़चु़मिमलाई आमाडा रेट्‌पा दु़म्‍ना।”

यूहन्‍ना 13:2

येशू नुङ उनी सीसिपामिमका नेम्‍थाम ग्रुला पेत्तोङा बेम्‍डी। येशूलाई भ्रेन्‍मु लागि सिमोनकु तारापाचो़ यहूदा इस्‍करियोतलाई शैतानका ङादोङा कोस्‍तु़म बाइडा।

यूहन्‍ना 13:27

यहूदाका सो़बेम रङडु़ मेडे उमा न-गोडा शैतान हुङल्‍याड्‌डा। मेम्‍मा येशूका मेरामलाई र्‍वाम्‍डी, “गाना हाम बोमु खाम्‍नामिम, मेराम दाला बे।”

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

थु़र्मा 5:3

लावो पत्रुसका र्‍वाक्‍ता, “हननिया, हेङा इमा न-गो शैतानलाई ग्‍वाक्‍साका माम्‍चु़नी-पेलनुङ लिमा थेट्‌ना, मा इमा ये-द भ्रेट्‌नाम खउलुङ किचो़ जु़ल्‍सिट्‌ना?

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

२ कोरिन्‍थी 2:11

आरेसाका शैतानका गुइलाई फोसो़ आम्‍मु मेल्‍वास्‍नु़, हेङालोने गुइ शैतानकु नडाम मुलु़मिम चडिम बु।

एफिसी 5:14

मेम्‍मा बान्‍ते ओल झ्‍वा, मेरामका खोत्‍ले ल्‍वा दो़बेडु़। मेम्‍मिमका आरे र्‍वाक्‍मा बु, “अम्‍चेट्‌पामिम ङोन्‍सिट्‌नी, मा सिमुलाम बग्‍गेट्‍नी, मा ख्रीष्‍टका उनीमा ओल गानीडला झ्‍वाबेन्‍मी।”

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

१ तिमोथी 1:20

मेर्मिमगोडाम हुमेनियस नुङ अलेक्‍जेन्‍डर सो़, मेर्चिपका माम्‍चु़नीलाई डक्‍साका मेजेचिनु़ र्‍वाक्‍पा सीसिन्‍चिनु़ र्‍वाक्‍साका गो मेर्चिपलाई शैतानकु ल्‍वाडा ग्‍वाक्‍तोचिम बु।

१ तिमोथी 3:7

बिशप थो़र मेलु़पामिमका वो जो़पा मिम्‍मिमिम दु़म्‍मु बासी, मेम्‍साका मु़चु़मिमका उमा दुथाम मेजो़पा जेमु मेल्‍वामी मा शैतानकु पेरडा मेहु।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।