२ तिमोथी 2:24 - थुलुङ राई

²⁴ माम्‍चु़नीकु डु़ल्‍चो़का रिबुसी किसि मेनु़, लावो खोत्‍लेनुङ दु़पा, सीमुचापा, इम्‍सिक्‍पा,

२ तिमोथी 2:24 Iomraidhean Croise

मत्ती 12:19

गुका रिबुसी मेकिसु़, येत्तो-दुतो मेबु़, लाम्‍दीबाडे मु़चु़मिमका उमा लो़लाम मेथो़मी।

यूहन्‍ना 6:52

मेकोतिमा यहूदीमिम उनी त्‍वाप-त्‍वापडा फमु चो़म्‍मिडी, “ओराम मु़चु़का गुइलाई हेसाका उ मिरो़म पोमु ग्‍वामु चाप्‍सा?”

थु़र्मा 15:2

मेकोतिमा पावल, बारनाबास मेर्मिमनुङ मेराम ल्‍वाडा छो़म मेदु़मिवा। मेकोतिमा मेसिन्‍डाम थो़र लु़पामिमका पावल नुङ बारनाबास मा वाङमिम कोले-नलेलाई ओराम ल्‍वा ख्रिप्‍डा थु़र्मामिमनुङ एल्‍डरमिमकाडा यरूशलेमडा थु़र्मुलाई छेट्‌मिडी।

थु़र्मा 23:9

मेसिन्‍डा छो़म येम्‍डी-दुम्‍डी, मा फरिसीमिमगोडाम डु़म्‍ला सीपा पातु़म्‍रीमिमका बम्‍डिमा आरे र्‍वाम्‍डी, “ओराम मु़चु़काडा गुकु मेजो़पा ल्‍वा हाम वो मेर्डाकुवा। पेल नुङ पाह्रीचो़लामका वो ओराम जेस्‍ताम दु़म्‍मु चाप्‍सु़।”

थु़र्मा 7:26

मेरामकु दिकाम नले इस्राएलीचिपका क्‍वाल्‍बा बेत्तोङा लेच्‍चिलो मोशा रोक्‍ता, मा मेर्चिपकु न-घ्रो़म्‍बेन्‍मु नका आरे बु़डु़ची, ‘वा-ल्‍वाकची, गाची ने कोले सामाडाम वा-ल्‍वाक डे मा हेङा इची त्‍वाप-त्‍वापडा ङा मेजो़पा बेबोचिमिम?’

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

२ कोरिन्‍थी 10:4

गुइ क्‍वाल्‍बा बिइमिम गिजो-वाजो ने सु़म्‍दिसेरडाम मु़चु़मिमका मोक्‍पा गिजो-वाजो मेएँ। गुइ मोक्‍थालिमिम माम्‍चु़नीकु यु़मनुङमा गिजो-वाजोका ने खिर्मा खोम वो छो़रो़प बु़। ओराम गिजो-वाजोका हाम ना हामकु रिबुसी ल्‍वा दाम्‍बेडु़।

२ कोरिन्‍थी 6:4

मेम मेबेसाका, खोत्‍ले खारीडा गुकु आकी त्‍वापलाई माम्‍चु़नीकु डु़ल्‍चो़ र्‍वाक्‍साका रेम्‍बोकु। गुकु दु़खाडा, मेझापाडा नुङ खेमल्‍यामु वो मेझापा खारीडा वो गुकु छो़म इम्‍सिसाका बुकु।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

एफिसी 4:2

हेल्‍लो लोवो याक्‍के दु़म्‍पा, मेक्रोक्‍पा मा इम्‍साका कोलेका कोङमीलाई रिखाम बेबेनी।

फिलिप्‍पी 2:14

सु़म्‍बुर्मा मेकिसाका नुङ कुमेबेसाका खोत्‍ले खारी बेनी।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

कलस्‍सी 3:13

इम्‍सी बेबेनी मा कोङनिमका कोङनिमडला सु़म्‍बुर्मा किसु़लो छु़ल हेम्‍बेबेनी। ङाचो़का इनीमा छु़ल हेम्‍साट्‌निम होङङा छु़ल हेम्‍बेबेनी।

१ थेसलोनिकी 2:7

गुकु ख्रीष्‍टकु थु़र्मा दु़म्‍साका वो गानीलाम डोक्‍पु बेला मेसो़सिट्‌कुवा। लावो त्‍वाकु चो़च्‍चो़मिमलाई डु़ल्‍पा माम होङङा गानीगोडा गुकु याक्‍के दु़म्‍तोको।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

तीतस 3:2

मेर्मिमका सु़लाई वो डक्‍साका मेजेमिनु़, मा रिबुसी मेकिन्‍मिनु़। न-थो़मनुङमा दु़म्‍मिनु़, मा याक्‍के दु़म्‍साका खोत्‍ले मु़चु़मिमनुङ जेमिनु़-दोमिनु़।

याकूब 1:1

माम्‍चु़नी नुङ ङाचो़ येशू ख्रीष्‍टकु डु़ल्‍चो़ याकूबलामका, नेब्‍दी-नेब्‍दीडा फोन्‍सिक्‍साका बाट्‌पा को-न (१२) दोचो़मिमलाई सेव!

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

याकूब 4:2

गानी हाम-हुम ल्‍वापा न बोनी, लावो मेल्‍वानी। गानी रारी बोनी मा मु़चु़ सेनी, लावो मेराम मेल्‍वानी। गानी रिबुसी किनी मा क्‍वाल्‍बा बोनी, लावो गानी न बोनिमिम होप्‍माम ल्‍वा गानीनुङ मेदु़म, हेङालोने गानी माम्‍चु़नीनुङ मेबिनी।

१ पत्रुस 3:8

हुम-दडा, गानी खोत्‍ले कोले नकाम दु़म्‍साका बानी। कोलेका कोङमीकु दु़खाडा रेम्‍बेबेपा दु़म्‍नी, वा-ल्‍वाकलाई होङङा रिखाम बेबेनी, न-थो़मनुङमा दु़म्‍नी, मा याक्‍के दु़म्‍नी।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।