२ तिमोथी 2:22 - थुलुङ राई

²² मेम्‍मिमका स्‍वालादुडाम मेजो़पा खारीडाम वाङ बाया, सेपा न-गोका माम्‍चु़नीकाम नङ रपामिमनुङ कोयोङा माम्‍चु़नीकु न होङ्‍ङा बेपा थो़र बोमु, रिखाम बोमु नुङ न-भ्रसिबेन्‍मु न बे।

२ तिमोथी 2:22 Iomraidhean Croise

थु़र्मा 7:59

मेर्मिमका स्‍तिफनसलाई लुङका ओप्‍मिडिम बाम्‍डिलो ङा स्‍तिफनसका सो़म्‍दी बु़डु़, “ङाचो़ येशू, गो गानीनुङ दु़म्‍ङुनु़।”

थु़र्मा 9:14

आसिन्‍डा वो ओरामका इनीमा नङ रपा खोत्‍लेलाई बन्‍मु साखाम ङाउ डु़म्‍लाचो़मिमलाम ल्‍वास्‍तु़म बु।”

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

रोमी 14:19

मेम्मिमका गुइ न-भ्रसी बेट्‍पा नुङ थो़रलु़पामिमका त्‍वाप-त्‍वापगोडा सो हन्‍बेट्‍पा ल्‍वाडा कोङङा न सोकी।

१ कोरिन्थी 1:10

वा-ल्‍वाकनी, इकी ङाचो़ येशू ख्रीष्‍टकु नङडा गो गानीलाई छो़म र्‍वाङु, गानी खोत्‍ले इनी त्‍वाप-त्‍वापडा दु़साका बानी, मा गो-फ मेदु़म्‍नी। मेम्‍मा इनी नडा नुङ इनी मिम्‍सीडा कोलेङा नकाम दु़म्‍नी।

१ कोरिन्थी 1:2

ओराम सेलाखाजेम कोरिन्‍थ शहरडा बाट्‌पा माम्‍चु़नीकु मण्‍डलीडा बाट्‍पामिमलाई र्‍याक्‍तोङा बेउ। गानीलाई माम्‍चु़नीका उनी त्‍वाकु सेपा मु़चु़ दु़म्‍मु लागि येट्‌निमी। ङाचो़ येशू ख्रीष्‍टकु सो़रलोले बेपा खोत्लेथो़म मु़चु़मिमलाई गुमीका सेपा दु़म्‍बेट्‌मिडिम होम्‍साका गानीलाई वो ख्रीष्‍ट येशूलामका सेपा दु़म्बेट्नामिम बु। येशू ङा इनीमा नुङ आकीमा ङाचो़ सो़।

१ कोरिन्थी 10:14

मेम्‍मिमका आमा द्‌वादीबुङ वा-ल्‍वाकनी, ङाटा सेव सान्‍मुडाम वाङ बानी।

१ कोरिन्थी 14:1

रिखामकु लाम्‍दी खाट्‌नी मा माम्‍चु़नी पेलकु राप्‍लावा ल्‍वापा छो़म न बेनी। मेरामडाम वो हापा माम्‍चु़नीलाम जेपा राप्‍लावा ल्‍वामु छो़म न सोक्‍नी।

१ कोरिन्थी 6:18

नाम्‍सु़रु़ मेबेनी। मु़चु़का वाङमिम हेप्‍माम छु़ल बु़ लोवो मेराम मिरो़मकु पाखालाममिम दु़म, लावो नाम्‍सु़रु़ बेपा मु़चु़का उ त्‍वाकु मिरो़मकाम कोर्थो़लाम छु़ल बु़।

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ तिमोथी 2:8

थो़रलु़पामिमकु घ्रो़म्‍दीडा वोस्‍चो़मिमका छोक्‍चो मेबेसाका नुङ रिबुसी मेकिसाका मा सेपा उनी ल्‍वा कोक्‍साका सो़म्‍दी बोमिनु़ र्‍वाक्‍पा आमा न बु।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

१ पत्रुस 3:11

मेजो़पा खारी बोमुलामका ख्‍लोन्‍सिट्‌नी मा जो़पा खारी बेनी। न-भ्रसिक्‍साका बुमु छो़म माल्‍नी मा मेराम माल्‍निम बानी।

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।