२ तिमोथी 2:2 - थुलुङ राई

² सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

२ तिमोथी 2:2 Iomraidhean Croise

मत्ती 13:52

मेकोतिमा गुमीका मेर्मिमलाई र्‍वाम्‍डी, “पाह्री-किब्‍दीकु दुथाम सीसिपा डु़म्‍ला सीपा खोत्‍ले मु़चु़ कोले नेमहप होप्‍मामङा सो़, उहेमका उ छेदेनेमलामका माकेम नुङ हापा थिकाम लाले सोजाम ख्‍लुकु़मी।”

मत्ती 24:25

थो़नी, ओराम ल्‍वा गानीनुङ ङादोङा र्‍वाङ्‌डोम बु।

लूका 12:42

ङाचो़ येशूका गुलाई र्‍वाम्‍डी, “मेम माला मेरामकु नेमहपका उ नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

१ कोरिन्थी 4:2

मेम्‍मा आरेसाका खुन्‍चु़म ग्‍वाक्‍मा मु़चु़ थो़र लु़इमिम दु़म्‍मु बासी।

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

२ कोरिन्‍थी 3:5

ओराम खारी बोमु घ्रेटपा बुकु र्‍वाक्‍साका गुकु र्‍वामु मेचाम्‍कु। लावो गुकुलाई ओराम खारी बोमु घ्रेट्‍पा दु़म्‍बेट्‍पा ने माम्‍चु़नी सो़।

कलस्‍सी 1:7

गानी माम्‍चु़नीकु दिदामकु जो़पा-सेला आकीमा द्‌वादीबुङ ङोप्‍सो़ इपाफ्रासलामका थो़न्‍नी। गुकु होङङा गु वो ख्रीष्‍टकु खारी बेपाङा सो़। गु आकीमालाममिम थो़र लु़इमिम ख्रीष्‍टकु खारीचो़ सो़।

१ तिमोथी 1:12

इकीमा ङाचो़ येशू ख्रीष्‍टलाई आलासो़ र्‍वाङु, हेङालोने गुमीका गोलाई थो़र लु़इमिम मिम्‍ङिडिमिमा उनी लाले-पाङकेकु खारी बोमु थुट्‌ङिडिमिमा यु़म वो ग्‍वाङ्‌डिमी।

१ तिमोथी 1:18

आमा तारापाचो़ होप्‍माम तिमोथी, इमा दुथाम ङादो माम्‍चु़नीलाम जेम्‍मा होङङा गो गानालाई बेबेनी। जो़पा क्‍वाल्‍बा बोमु मेर्मिम ल्‍वा होङङा बे।

१ तिमोथी 4:14

एल्‍डरमिमका उनी ल्‍वा गानाडला जु़ल्‍मिडिलो माम्‍चु़नीलाममिम-जेसीलामका गाना ल्‍वान्‍नाम राप्‍लावा हाम ना हामकाम मेमिम्‍डा।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

१ तिमोथी 5:22

कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

२ तिमोथी 3:10

आथा ने गाना आमा सीसि, आमा दोसी, गो बोमु मालुमिम ल्‍वा, आमा थो़र, आमा इम्‍सी, आमा रिखाम, मा आमा न कोलेङा बु र्‍वाक्‍पा चनामिमङा बु।

२ तिमोथी 3:14

लावो गाना ने त्‍वाका सीसिट्‌नाम नुङ छो़म थो़रलु़न्‍नाम ल्‍वा होम्‍साका लाम्‍दियाम बाया, मेर्मिम ल्‍वा थो़रलु़इमिम मु़चु़मिमलाम सीसिट्‌नाम गाना त्‍वाकाङा चना।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।