२ तिमोथी 2:18 - थुलुङ राई

¹⁸ ओर्चिप आच्‍छाङाकाम ल्‍वालामका कोर्थो़ लक्‍चिम बु। सिमुलामका बग्‍गेट्‌पा थारी ङादोङा दु़म्‍मु दु़म्‍स्‍तु़ मा आथा ने मेदु़म र्‍वाक्‍साका ओर्चिपका हाङको मु़चु़मिमकु थो़र पुयु़लुक्‍साट्‌चिमिम बु।

२ तिमोथी 2:18 Iomraidhean Croise

मत्ती 15:13

लावो येशूका र्‍वाम्‍डी, “कोङनिमका मेख्‍लियु़वाम विरुवा बुलु़मिम होङङा, उनीमा साखाम मान्‍थिका सीमिमिम मु़चु़मिमकु सीसिलाई पाह्रीलाम आमा पापका हाम ना हामकाम दु़म्‍बेन्‍मी।

मत्ती 22:29

येशूका मेर्मिमलाई र्‍वाम्‍डी, “गानी जो़होमका थेसिथेट्‌निम मिबु। हेङालोने माम्‍चु़नीकु सिजेम नुङ उनीमा यु़मकु दुथाम गानी मेचनी।

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

थु़र्मा 5:39

लावो ओराम माम्‍चु़नीलाममिम माला ने गानी भोम्‍मु मेचाम्‍नी, मेएँ माला गानी ने माम्‍चु़नीकु कोर्थो़लाम बनिमिम दु़म।”

१ कोरिन्थी 11:19

गानीगोडाम आच्‍छाङाकाम मु़चु़ छेम्‍सिमु गानीगोडा गो-फ दु़म्‍मुङा बासी डे!

१ कोरिन्थी 15:12

ख्रीष्‍ट सिमुलाम बम्‍गेम्‍डी र्‍वाक्‍साका गुकु सो़कु, मा हेसाका गानीगोडाम कोङनिमका सिपा मु़चु़ मेबगे र्‍वा?

कलस्‍सी 3:1

माम्‍चु़नीका गानीलाई ख्रीष्‍टनुङ सिमुलाम बन्‍गेट्‌नीमा त्‍वारो़म ल्वानी माला पाह्रीलाम माम्‍चु़नीकु जो़पा ल्‍वा डार्पा न बेनी। मेड्‍डा ख्रीष्‍ट माम्‍चु़नीकु जो़पलाम गन्‍तसिट्‌मिमिम बु।

१ तिमोथी 1:19

हेल्‍लो लोवो थो़रनुङमा दु़म्‍सामा जो़पा हाम थेट्‌नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्‍ताम बु।

१ तिमोथी 6:10

हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

१ तिमोथी 6:21

आरेप्‍माम लिमा ल्‍वाडा थो़र लु़साका याङका उनी थो़र वो दाम्‍सोम्‍डिम बु। माम्‍चु़नीकु दिदाम गानानुङ दु़म्‍नु़।

२ तिमोथी 2:14

थो़रलु़पामिमलाई ओराम ल्‍वा मिम्‍बेडाम बाया: मेर्मिमका हाम ना हामकु ल्‍वाडा खालमेबोमिनु़ र्‍वाक्‍साका माम्‍चु़नीकु ङादोडा चङचङया बाबेडामी। आरेप्‍माम ल्‍वा बेसीका सु़लाई वो जो़पा मेबु़, मा थो़पामिमलाई पुयु़लुकु़मी।

तीतस 1:11

मेर्मिमलाई भोम्‍मुमि बासी, हेङालोने सीसि मेनु़पा लिमा ल्‍वा सीसाका मेर्मिमका हापा मु़चु़मिमलाई थो़रलु़सीलामका ताङताहेरथो़ ख्‍लोम्‍डिम बु। मेर्मिमका खउलुङकाम लागि कोङङा मेम बोमी।

हिब्रू 3:10

मेम्‍मिमका गो मेर्मिम मु़चु़डाम छो़म आमा छोक्‍चो बक्‍ता। मेम्‍मा र्‍वाङडो, ‘मेर्मिम मु़चु़मिम हेल्‍लो लोवो गोडाम होनोवा बुमी। मेर्मिम गो र्‍वाङ्‌डोम लाम्‍दीडा लाम्‍दिमु मेबिम्‍सिप्‍मिवा।’

याकूब 5:19

आमा वा-ल्‍वाकनी, गानीगोडाम कोङनिम मु़चु़ माम्‍चु़नीकु आच्‍छाङाकाम सिजेम डिसाका कोर्थो़ ललो मेरामलाई कोङनिमका माम्‍चु़नीडा ख्‍लोकु़ माला,

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।