२ तिमोथी 2:14 - थुलुङ राई

¹⁴ थो़रलु़पामिमलाई ओराम ल्‍वा मिम्‍बेडाम बाया: मेर्मिमका हाम ना हामकु ल्‍वाडा खालमेबोमिनु़ र्‍वाक्‍साका माम्‍चु़नीकु ङादोडा चङचङया बाबेडामी। आरेप्‍माम ल्‍वा बेसीका सु़लाई वो जो़पा मेबु़, मा थो़पामिमलाई पुयु़लुकु़मी।

२ तिमोथी 2:14 Iomraidhean Croise

मत्ती 16:26

खोत्‍ले सु़म्‍दिसेरङा उ ल्‍वाड्‌डा बेसाका वो त्‍वारो़म मेल्‍वासु़ माला मेराम मु़चु़का हाम ल्‍वासु़ मा? मु़चु़कु त्‍वारो़मडाम वो हापा थिकाम हाम बु मा?

थु़र्मा 13:10

मेम्‍मा र्‍वाक्‍ता, “गाना मुनाङकु चो़, जो़पा ल्‍वामिम खोत्‍लेकु स्‍वाक्‍चिमो, खोत्‍ले मेजो़पा खारी बेपा नुङ छो़म लिमाचो़ बुना। हाम गाना माम्‍चु़नीकु जो़पा लाम्‍दी फाल्‍मु हेल्‍लो वो मेडिना?

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

रोमी 14:1

याक्‍के थो़रनुङमा मु़चु़लाई हुनाखाना बेनी, लावो गुका जेमिम ल्‍वाडा मुमा बेसाका रिबुसी मेकिट्‍नी।

गलाती 1:7

लावो मेराम ने आच्‍छाङाकाम जो़पा-सेला मेएँ। कोङनिम मु़चु़का गानीलाई ब्‍लो़प्‍साका येशू ख्रीष्‍टलाममिम जो़पा-सेला कोर्थो़ हेर्मु माल्‍तोङा लेन्‍मिमिमका गो ओराम ल्‍वा र्‍वाक्‍तोङा बेउ।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

१ तिमोथी 1:6

कोङ-कोङ मु़चु़मिम ने ओर्मिम खोत्‍ले ल्‍वा डिसाका हाम ना हामकु ल्‍वाडा थाम्‍बाल्‍मिमिम बु।

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

१ तिमोथी 5:21

गो गानालाई माम्‍चु़नी, ख्रीष्‍ट येशू नुङ माम्‍चु़नीकु पाह्रीचो़मिमकु ङादोडा चङचङया बाबेनी, चोमिक्‍सी मेबेसाका गाना खोत्‍लेनुङ दिदाम, न-थो़म रेम्‍बेसाका ओर्मिम खारी बे।

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,

२ तिमोथी 1:6

मेम्‍मिमका गो गानालाई मिम्‍बेनी, गो गानाडला ल्‍वा जु़ल्‍साका सो़म्‍दी बेउतोलो माम्‍चु़नीका गानालाई राप्‍लावा ग्‍वाक्‍नामिम बाइडा। मु हुर्साका हापा वाक्‍तो लक्‍पा बोमु होङ्‍ङा मेराम राप्‍लावा बर्बेत्तो लडा।

२ तिमोथी 2:16

हाम ना हामकु ल्‍वामिम नुङ माम्‍चु़नीकु नङ मेकोसिक्‍पा ल्‍वामिमडाम वाङ बाया, हेङालोने ओराम ल्‍वाका मु़चु़मिमलाई माम्‍चु़नीडाम होनोवा दु़म्‍बेडु़मी।

२ तिमोथी 2:23

नेप्‍ची मान्‍थिम नुङ हाम ना हामकु खाल्‍बेपा ल्‍वामिमडाम वाङ बाया, हेङालोने ओर्मिम ल्‍वाका रिबुसी ग र्‍वाक्‍पा गाना चनामिमङा बु।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

तीतस 3:1

आरे बोमु थो़रलु़पामिमलाई मिम्‍बेडामी: साखामचो़ नुङ सरकारी डोक्‍पु मु़चु़मिमकु ल्‍वाडा बुमु, मेर्मिमका र्‍वामिमिम थो़मु, मा हाम लोवो जो़पा खारी बोमु लागि झो़म्‍जो़ल्‍सिमु।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

२ पत्रुस 1:13

ओ सुबुडा आमा मिरो़मडा बुङुमिमसम्‍म गानीलाई मिम्‍बेन्‍मु लागि फमु जो़पा लु़ङडोम बु।