२ तिमोथी 2:10 - थुलुङ राई

¹⁰ माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

२ तिमोथी 2:10 Iomraidhean Croise

मत्ती 24:22

मेराम थारी माम्‍चु़नीका मेछु़प्‍मिवाम माला ने सामनुङमा सु़वो मेदु़म्‍मिवा। लावो गुमीका थुट्‌मिडिम मु़चु़मिमकाम लागि मेराम थारी छु़प्‍मी।

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

लूका 18:7

हाम नेम्‍फु सिन्‍था माम्‍चु़नीकु नङडा सो़म्‍दी बेपा उनी मु़चु़मिमकाम माम्‍चु़नीका निया मेबोम्‍सामी मा? हाम मेर्मिमकाम लागि निया बोमु गुमी छु़मी मा?

लूका 22:57

लावो पत्रुसका आरे र्‍वाक्‍तामा गो ने मेएँ र्‍वाक्‍ता, “ए तोङमा, गुमीलाई गो मेछेपुमी।”

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

यूहन्‍ना 17:9

गो मेर्मिमकाम लागि सो़म्‍दी बेउ। सु़म्‍दिसेरकाम लागि गो सो़म्‍दी मेबेउ। लावो उहेम गोलाई ग्‍वाङ्‌डिनिम, मेर्मिमकाम लागि सो़म्‍दी बेउ, हेङालोने मेर्मिम इनीमाङा सो़।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

रोमी 9:23

मेम्‍मा गुइडला छो़म डोक्‍पु यु़म नुङ गुमीनुङ बाट्‍पा यु़म-झ्‍वाक्‍सी रेम्‍बोमु न बेम्‍डी। गुइ उनीमा न-थो़म रेम्‍बेपा सोजाम दु़स्‍ती।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

१ कोरिन्थी 9:22

याक्‍के थो़रनुङमा मु़चु़मिमका ख्रीष्‍टडा थो़र लु़मिनु़ र्‍वाक्‍साका याक्‍के थो़रनुङमा होप्माम दु़म्‍ङोडो। मेम्‍साका गो खोत्ले मु़चु़का हेसाका लोवो ख्रीष्‍टडा त्‍वारो़म ल्‍वामिनु़ र्‍वाक्‍साका मेर्मिम मु़चु़ होप्‍माम ङा दु़म्‍ङोडो।

२ कोरिन्‍थी 1:6

गुकु दु़खा ल्‍वात्तोकोम ने इनीमा न बन्‍सी नुङ सेल्‍सिसीकाम लागि सो़। मेम्‍मा गुकु माम्‍चु़नीलाम न-बन्‍सी ल्‍वात्तोको माला मेराम वो इनीमा न-बन्‍सीकाम लागि सो़। ओराम न बन्‍सीलामका गुकु इम्‍तोकोम होप्‍माम दु़खा गानी वो इम्‍मु चाप्‍नी।

२ कोरिन्‍थी 12:15

गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

एफिसी 3:13

मेम्‍मिमका गो गानीलाई छो़म र्‍वाङु इनीमा लागि गो छो़म दु़खा ल्‍वाउलो इनी पाउ मेसोनु़। हेङालोने आमा दु़खाका इनीमा लागि जो़पा जि-वा रेडु़।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

१ थेसलोनिकी 5:9

माम्‍चु़नीका उनी छोक्‍चो गुइडला हान्‍मु लागि मेएँ, लावो इकी ङाचो़ येशू ख्रीष्‍टलामका गुइलाई सेल्‍मु लागि थुसाड्‌डामी।

२ थेसलोनिकी 2:14

गुकु गानीलाई थो़बेत्तोकोम जो़पा-सेलालामका सेल्‍सिमु लागि माम्‍चु़नीका येट्‌निम बु। गानी वो इकीमा ङाचो़ येशू ख्रीष्‍टकु यु़म-झ्‍वाक्‍सीकाम दो़दो़वा डार्नी।

२ तिमोथी 1:1

आमा द्‌वादीबुङ तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। ख्रीष्‍ट येशूडा त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम होम्‍साका, मा उनीमा नका थुट्‌ङिडिमिम गो ख्रीष्‍ट येशूकु थु़र्मा सो़। इकीमा माम्‍चु़नी पाप नुङ इकीमा ङाचो़ ख्रीष्‍ट येशूलामका गाना दिदाम, न-थो़म नुङ न-भ्रसी ल्‍वानानु़!

२ तिमोथी 2:1

आमा तारापाचो़ होप्‍माम तिमोथी, ख्रीष्‍ट येशूका ग्‍वाक्‍साड्‌डामिम दिदामका गाना यु़मनुङमा दु़प्‍सा।

२ तिमोथी 2:3

ख्रीष्‍ट येशूकु कोङ जो़पा सिपाही होङङा गुकुनुङ दु़खा इम्‍डा।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

१ पत्रुस 2:10

कोबिलि गानी माम्‍चु़नीकु मु़चु़ मेबानिवा, लावो ओम्‍लो गानी माम्‍चु़नीकु मु़चु़ दु़म्‍निम बु। कोबिलि गानी माम्‍चु़नीलाम न-थो़म ल्‍वान्‍निम मेबायावा, ओम्‍लो गानी गुमीलाम न-थो़म ल्‍वान्‍निम बु।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।