२ तिमोथी 1:7 - थुलुङ राई

⁷ हेङालोने माम्‍चु़नीका गुइलाई ङिमलु़बेट्‌पा न मेएँ, लावो यु़म, रिखाम नुङ त्‍वापलाई जो़होमका जु़ल्‍पा न ग्‍वाक्‍साड्‌डामिम बु।

२ तिमोथी 1:7 Iomraidhean Croise

लूका 10:19

ब्‍लोमिम नुङ दावाखाममिम फेमखेलगोयु़ बेपा साखाम नुङ खोत्‍ले स्‍वाक्‍चिमो शैतानकु यु़मलाई वो घ्‍ल्‍वापा यु़म गो गानीलाई ग्‍वाक्‍निमिम बु। ओर्मिम उहेम ल्‍वाका वो गानीलाई मेजो़पा मेबोनी।

लूका 15:17

“उ न छेस्‍तामा उ नड्‌डा र्‍वाक्‍ता, आमा पापका खउलुङ ग्‍वाक्‍साका रेड्‌डु़मिम मु़चु़मिमका ने खोहोम पोमिमा क्‍लेन्‍मी वो, लावो गो ने आसिन्‍डा क्रु़मका सिमुखापुमिम बु।

लूका 24:49

रेप्‍नी, आमा माम्‍चु़नीका ङादो इनीमाडा उनी पेल थु़रु र्‍वाम्‍डिम बाइडा, मेराम गो थु़रु। लावो माम्‍चु़नी-पेल योमी मा पाह्रीलाम यु़मका गानीलाई मेलु़थु़मसम्‍म गानी ओराम शहरडाङा बानिम बानी।”

लूका 8:35

मेम्‍मा मेसिन्‍डा हाम दु़स्‍ताम बाइडा मेराम रेप्‍डा मु़चु़मिम येशूकाडा रोम्‍डी। मेकोतिलो मेसिन्‍डा मुनाङपेलका हुप्‍डु़म मु़चु़ जो़होमका सस्‍ताम बाइडा। गु उ ननुङमा दु़म्‍साका मेरामका ये फस्‍तामा येशूकु खेल फार्डा गन्‍तासिट्‍डाम ल्‍वाम्‍डी, मा मेर्मिम ङिम्‍डी।

यूहन्‍ना 14:27

न-भ्रसी गो गानीनुङ पार्जो़लु, मा आमा न-भ्रसी गो गानीलाई ग्‍वानिनी। गानी ओराम सु़म्‍दिसेरका ग्‍वाक्‍पा होप्‍माम न-भ्रसी गो मेग्‍वानिनी। इनी न-गो मेभ्रसिक्‍पा मेदु़म्‍नी, मा मेङिनी।

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

थु़र्मा 21:13

लावो पावलका र्‍वाक्‍ता, “गानी हेङा आरेसाका ख्राम्‍नीमा आमा न चनिमिम? गो ङाचो़ येशूकाम लागि यरूशलेमडा बन्‍ला सो़म्‍सिमु कोङङा मेएँ, सिमु ङा वो हाम होङ्‍ङा मेलु़ङु।”

थु़र्मा 26:11

मेकोतिमा खोत्‍ले घ्रो़म्‍दीनेमडा मेर्मिमलाई याल्‍तो ख्रीष्‍टलाई डक्‍साका जेबेत्तोमी। मेर्मिमडाम आमा छो़म छोक्‍चो बक्‍तामका मिक्‍सीका ङा मेल्‍वाउमिवा, मा वाङमिम नेब्‍दीकु शहर-शहरबाडे वो लङडोमा मेर्मिमकु छो़म उनीमा थो़मतेर्साक्‍तोमी।

थु़र्मा 26:25

लावो पावलका र्‍वाक्‍ता, “डोक्‍पु ङाचो़ फेस्‍तस, गो आमा न मान्‍थिम दु़म्‍ङोडोम मिबु, ननुङमाका आच्‍छाङाम ल्‍वा जेत्तो बेउमिम बु।

थु़र्मा 6:8

स्‍तिफनसकाडा माम्‍चु़नीकु दिदाम नुङ यु़म छो़म बाइडामका मु़चु़मिमगोडा छो़म डोक्‍पु-डोक्‍पु छेखोपमिम नुङ यु़मखारीमिम बु़डु़।

थु़र्मा 9:22

लावो शाऊल यु़मचो़ दु़म्‍तो लस्‍ता, मा येशू ङा ख्रीष्‍ट र्‍वाक्‍पा आच्‍छाङा रेम्‍बु़डु़मा दमस्‍कसडाम यहूदीमिमलाई हाम र्‍वामु-र्‍वामु दु़म्‍बेड्‌डु़मी।

रोमी 5:5

हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

१ कोरिन्थी 2:4

आमा सिजेम नुङ गो दो़उतोम ल्‍वा मु़चु़लाई नडा लक्‍पा नुङ नेप्‍चीनुङमा मेबायावा, लावो मेर्मिम ल्‍वाडा ने माम्‍चु़नी-पेलकु यु़म आच्‍छाङा रेम्‍बेसिड्‍डाम बाइडा।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

कलस्‍सी 1:8

माम्‍चु़नी-पेलका गानीलाई वाङमिम मु़चु़नुङ रिखाम बेबेट्‌निमकु दुथाम वो इपाफ्रासका गुकुनुङ सो़यु़डु़म बु।

हिब्रू 2:15

मा साम बुमिमसम्‍म सिमुकु ङिमुगोयु़ बाट्‌पा मु़चु़मिमलाई येशूका सेल्‍मी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ यूहन्‍ना 4:18

रिखामडा ङिम मेदु़म, लावो माम्‍चु़नीकु न होङङा दु़म्‍पा गुइगोडाम रिखामका ङिम कोलु़। देन्‍देका मु़चु़लाई ङिबेडु़ मा उहेम मु़चु़ ङि मेराम मु़चु़ माम्‍चु़नीकु न होङङा दु़म्‍पा रिखामडा मेदु़म।