२ तिमोथी 1:16 - थुलुङ राई

¹⁶ ङाचो़ येशूका ओनेसिफरसकु नेमडाममिमलाई न-थो़म रेम्‍बोमिनु़, हेङालोने मेरामका छेम-छेमका ख्‍लो़साका आमा सो हन्‍बेथाल्‍लु़, मा चला सो़ङ्‌सिङ्‌डोमडाम उमा क्रो़म मेलु़थालावा।

२ तिमोथी 1:16 Iomraidhean Croise

मत्ती 25:17

मेम्‍साकाङा नले सो़नाकु खउलुङ ल्‍वापाका वो आथावो नले खउलुङ डु़प्‍डु़।

मत्ती 5:7

न-थो़मनुङमामिम जिनुङमा सो़, हेङालोने मेर्मिमडला माम्‍चु़नीका न-थो़म रेम्‍बोमी।

थु़र्मा 21:33

उ फार्डा रोक्‍तामा मे कमाण्‍डरका पावललाई चु़म्‍डु़, मा नले सेल रिवाका बन्‍बेड्‌डु़मी। मेकोतिमा मे सेर्पा मु़चु़मिमलाई गुका, “सु़ ओराम, मा ओरामका हाम बु़डु़?” र्‍वाक्‍तामा हिलाबु़डु़मी।

थु़र्मा 28:20

मेम्‍मिमका गो गानीनुङ घ्रो़म्‍मुमा ल्‍वा बोमुलाई येट्‌निनिम बु। हेङालोने इस्राएलीमिमका हाम ल्‍वापा न बेम्‍डिम बाइडा, मेरामडा थो़र लु़ङडोमका ओराम सेल रिवाका गो बन्‍सिङ्‌डोम बु।”

१ कोरिन्थी 16:18

मेर्मिमका इनीमा न-गो भ्रसिबेट्‌मिडिम होङङा आमा वो न-गो भ्रसिबेट्‌मिडी। गानी आरेप्‍माम मु़चु़मिमलाई डोक्‍पु मिम्‍मु बासी।

एफिसी 6:20

मेराम जो़पा-सेला दो़मु लागि ङा गुमीका गोलाई थु़र्ङिडिमिम बु। सो़म्‍दी बेङसाङनी, गो झ्‍यालखानडा चसिक्‍पा बुङु लोवो गो जेमु बासिक्‍पा होम्‍साका मेङिसाका जेमु चापुनु़।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

२ तिमोथी 1:17

गु रोम शहरडा रोक्‍तामा गोलाई छो़म माल्‍ङिडिमा क्रो़म्‍ङिडी।

२ तिमोथी 1:18

ख्रीष्‍ट योमिमिम थारीनेम ङाचो़का ओनेसिफरसडला न-थो़म रेम्‍बोमिनु़। एफिसस शहरडा गुका गुइलाई ख्‍लो़साड्‌डाम बाइडा र्‍वाक्‍पा ने गाना त्‍वाकाङा वो ल्‍वान्‍नाम बु।

२ तिमोथी 1:8

मेम्‍मिमका इकीमा ङाचो़ येशूकु दुथाममिम ल्‍वा मु़चु़मिमनुङ सो़मु इमा क्रो़म मेलु़नु़, मा गो ङाचो़काम लागि चला सो़सिसाका बुङुमिमका गोडाम इमा क्रो़म मेलु़नु़। मेम मेबेसाका, गो होम्‍साकाङा गाना वो जो़पा-सेलाकाम लागि दु़खा बे। माम्‍चु़नीका मे दु़खा इम्‍मु यु़म ग्‍वानामी।

२ तिमोथी 4:19

प्रिस्‍किला, अकिलास नुङ ओनेसिफरसकु नेमडाममिमलाई आमा सेव र्‍वाङसाक्‍ङी।

फिलेमोन 1:20

आमा द्‌वादीबुङ ल्‍वाक, ङाचो़ येशूकाम लागि ओराम ख्‍लो़ङी। ख्रीष्‍टडा आमा न-गो भ्रसिबेडा।

फिलेमोन 1:7

आमा ल्‍वाक, थो़रलु़पामिमलाई बेन्‍नाम इमा रिखामका गोलाई छो़म भ्रसिबेट्‌ङिडी, मा आमा सो हन्‍डा, हेङालोने माम्‍चु़नीकु मु़चु़मिमलाई गाना गेर्सी बेट्‌नामिम बु।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।