२ तिमोथी 1:13 - थुलुङ राई

¹³ गोलामका गाना थो़न्‍नाम आच्‍छाङाकाम सीसिडा जो़होमका लाम्‍दियाम बाया मा मेराम सीसि बोथाडा-थार्थाडा। मेम्‍मा ख्रीष्‍ट येशूडा बाट्‌पा इमा थो़र नुङ वाङमिमडला बोनामिम इमा रिखामडा गाना मेराम रेम्‍बेपा दु़म्‍सा।

२ तिमोथी 1:13 Iomraidhean Croise

रोमी 2:20

नेप्‍ची मान्‍थिम मु़चु़मिमलाई सीपा, थेसिमेथेट्‍पामिमलाई सीपा गुकु ङा र्‍वानी। माम्‍चु़नीकु डु़म्‍ला गुकुनुङ बु मेम्मिमका सीसिमु बासिक्‍पा ल्‍वा खोत्‍ले गुकु चकु र्‍वाक्‍साका र्‍वानी।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

फिलिप्‍पी 1:27

हा-हाम दु़म लोवो मेराम हाम वो मेएँ, लावो इनी बासी-दोसी ख्रीष्‍टकु जो़पा-सेला घ्रेट्‌पा दु़म्‍नु़। मेम्‍मा गो इनीमाडा रोङु मा क्रो़म्‍निनी लोवो गो मेरोक्‍साका इनीमा दुथाम थो़उ कोङङा लोवो, गानी कोले न-गोकाम दु़म्साका भाल-आथो़ न मेहिनी, जो़पा-सेलाडलाम थो़रकाम लागि कोले नकाम दु़म्साका क्‍वाल्‍बा बेत्तोङा बोनी,

फिलिप्‍पी 4:9

गानी हाम ल्‍वा गोलामका सीन्‍सिट्‌नी, रन्‍नी, थो़न्‍नी मा आमाडा ल्‍वान्‍नी मेङा बेनी। मेम्‍मा न-भ्रसिबेट्‌पा माम्‍चु़नी गानीनुङ दु़म्‍मी।

कलस्‍सी 1:4

हेङालोने ख्रीष्‍ट येशूडलाम इनीमा थो़र नुङ माम्‍चु़नीकु खोत्‍ले मु़चु़मिमडलाम इनीमा रिखामकु दुथाम गुकु थो़त्तोकोम बु।

१ थेसलोनिकी 5:21

गानी हाम थो़न्‍नी मेराम छाम्‍नी। मेम्‍मा जो़पा हाम बु मेराम रनी।

१ तिमोथी 1:10

नाम्‍सु़रु़ बेपामिम, वोस्‍चो़का वोस्‍चो़नुङ अम्‍पामिम, मु़चु़ भ्रेट्‌पामिम, लिमाचो़मिम, कसम पेपामा मेराम होम्‍साका मेबेपामिम, माम्‍चु़नीकु दुथाममिम आच्‍छाङाकाम सीसिकु कोर्थो़लाम बक्‍पामिमकाम लागि, मा आच्‍छाङाकाम सिजेमकु कोर्थो़लाम बक्‍पा वाङमिमकाम लागि।

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

१ तिमोथी 6:3

कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

२ तिमोथी 1:1

आमा द्‌वादीबुङ तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। ख्रीष्‍ट येशूडा त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम होम्‍साका, मा उनीमा नका थुट्‌ङिडिमिम गो ख्रीष्‍ट येशूकु थु़र्मा सो़। इकीमा माम्‍चु़नी पाप नुङ इकीमा ङाचो़ ख्रीष्‍ट येशूलामका गाना दिदाम, न-थो़म नुङ न-भ्रसी ल्‍वानानु़!

२ तिमोथी 1:14

गुइनुङ बाट्‌पा माम्‍चु़नी-पेललाम ख्‍लो़ला सो़क्‍सिका गानालाई जु़ल्‍मु ग्‍वाक्‍मा आच्‍छाङाकाम सीसि जो़होमका बोथाडा-थार्थाडा।

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

२ तिमोथी 3:14

लावो गाना ने त्‍वाका सीसिट्‌नाम नुङ छो़म थो़रलु़न्‍नाम ल्‍वा होम्‍साका लाम्‍दियाम बाया, मेर्मिम ल्‍वा थो़रलु़इमिम मु़चु़मिमलाम सीसिट्‌नाम गाना त्‍वाकाङा चना।

२ तिमोथी 4:3

हेङालोने आरेप्‍माम थारी रोक्‍तोङा लेडु़, मेर्मिमका माम्‍चु़नीकु आच्‍छाङाकाम सीसिथो़ न मेसोमी, लावो त्‍वाका द्‌वामिमिम ल्‍वा कोङङा थो़मु न बोमी, मा उनी त्‍वाका द्‌वामिमिम सिपामिमकाडा खोम्‍सिमी।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

तीतस 2:1

तीतस, गाना ने आच्‍छाङाकाम सीसि सीडामी।

तीतस 2:8

मा सु़का वो भुर्मु मेचापा आच्‍छाङाकु सीसि सीडामी। मेम बोनामिमका इकीमा कोर्थो़लाम बक्‍पामिमका इकीमा दुथाम मेजो़पा जेमु ल्‍वा हाम वो मेदु़म्‍मिमका उनी क्रो़म लु़।

हिब्रू 10:23

गुइ र्‍वाक्‍तिम हाम-हुम ल्‍वापा न रिकि-रिकि जेथाडी, हेङालोने याचे जेपा गुमी थो़रलु़इमिम बुमी।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।

रेम्‍बेट्‌मिडिम ल्‍वा 2:25

मेम लोवो गानीनुङ बाट्‍पा आच्‍छाङाकाम सीसि गो मेरोक्‍थु़मसम्‍म जेन्‍थाट्‌नी।

रेम्‍बेट्‌मिडिम ल्‍वा 3:11

गो दालाङा योङु। गानानुङ बाट्‌पा आच्‍छाङाकाम सीसि जो़होमका जेथाडा। मेम्‍मा इमा मुकुट सु़का वो रोन्‍मु मेचाप्‍सु़नु़।

रेम्‍बेट्‌मिडिम ल्‍वा 3:3

मेम्‍मिमका गाना हाम ल्‍वान्‍नाम नुङ थो़न्‍नाम सीसि मिम्‍डा। गानालाई सीट्‌मा ल्‍वा होम्‍साका लाम्‍दिया मा मेजो़पा लाम्‍दीलाम ख्‍लोसा। गाना ङोसिक्‍साका मेबानावा माला ने खुचु़वा रोमिम होङङा गो लिबावा रोङु मा बामथारीका गो इमाडा रोङु मेराम गाना मेचना।