२ तिमोथी 1:10 - थुलुङ राई

¹⁰ ओम्‍लो मेराम दिदाम गुइलाई सेल्‍पा ख्रीष्‍ट येशू योम्‍डिमलाम रेम्‍बेम्‍डिम बु। येशूका सिमुलाम घ्‍ल्‍वाम्‍डिमा जो़पा-सेलालामका हेल्‍लो वो मेसिपा त्‍वारो़म ल्‍वापा लाम्‍दी ओलडा रेम्‍बेम्‍डी।

२ तिमोथी 1:10 Iomraidhean Croise

लूका 11:36

इनी मिरो़म ओलडा बु माला, इनी मिरो़म तुकुम्‍चिमका हुप्‍डु़म मिबु माला, धिप्‍रीकु ओल गानीडला झ्‍वामिम होङङा गानी झ्‍वानी।”

लूका 13:7

मेम्‍मिमका गुका उ ये रेप्‍साक्‍पा मु़चु़लाई र्‍वाक्‍ता, ‘ओ बैससीकु मा सिडु़ डे र्‍वाक्‍साका लथाक्‍पुमिम सु थ दु़स्‍ता, लावो कोले वो मा मेसिडु़वा! ओरामलाई रु़प्‍डा। ओरामका ये कोङङा राड्‌डु़म बु।’

लूका 2:11

आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”

यूहन्‍ना 5:40

मेम्‍मा वो ओराम त्‍वारो़म ल्‍वामु लागि आमाडा रोमु मेद्‌वानी।

थु़र्मा 13:23

“माम्‍चु़नीका ङादो र्‍वाम्‍डिम होम्‍साका दाऊदकु चो़-चु़सु़मिमलामका इस्राएलीमिमलाई सेल्‍पा येशू रेट्‌मिडी।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

रोमी 16:26

लावो ओम्‍लो माम्‍चु़नीलाम जेपामिमका र्‍याम्‍डिम खाजेमडा थेसीथेट्‍पा बेसाका र्‍याक्‍मा बु। हेल्‍लो लोवो दु़म्‍पाम बाट्‍पा माम्‍चु़नीका र्‍वाम्‍डिम होम्‍साका खोत्‍ले मु़चु़का ख्रीष्‍टडा थो़रलु़साका गुमीका र्‍वामिमिम थो़पा दु़म्‍मिनु़ र्‍वाक्‍साका ओराम थक्‍मा जो़पा-सेला खोत्‍ले सामाकाम मु़चु़मिमगोडा थो़बेट्‍मा बु।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

रोमी 3:31

थो़रलामका माम्‍चु़नीकु ङादोडा जो़पा न-गोकाम दु़म्सी माला हाम माम्‍चु़नीकु डु़म्‍ला ने हाम ना हामकाम दु़म मा? मेम ने मेएँ, लावो आच्‍छाङा उनीमा डु़म्‍ला होम्‍साका डे दोसीहोम बुइमिम दु़म।

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

१ कोरिन्थी 15:26

ख्रीष्‍टका खोत्‍लेडाम चङडा पुयु़लुबेन्‍मिमिम स्‍वाक्‍चिमो ने सिमुलाम सो़।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

२ कोरिन्‍थी 5:4

गुइ इकीमा क्‍वाकु मिरो़मडा बुइमिम थारीका मिम्‍ताम-सो़र्ताम बेत्तो ओसु़म बिइ। गुइ ओराम मिरो़म डिन्‍मु न बेसाका मेएँ, लावो पाह्रीलाम त्वारो़मकु ये-सेम फसिनु़ र्‍वाक्‍साका सो़, मेम्‍साका सिपा मिरो़म ने मेसिपा त्‍वारो़मडा ख्‍लोसी।

गलाती 5:4

गानी डु़म्‍लालाम जो़पा न-गोकाम दु़म्‍मु न बोनी माला येशू ख्रीष्‍टलाम वाङ दु़म्‍निम बु। माम्‍चु़नीकु दिदामडाम वाङ दु़म्‍निम बु।

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

एफिसी 1:9

माम्‍चु़नीका येशू ख्रीष्‍टलाम बेउसोक्‍पु र्‍वाक्‍साका नभ्रसिक्‍तो मुलु़ बेम्‍डिम मेराम थक्‍मा ल्‍वा खोत्‍ले उनीमा नेप्‍ची नुङ थेसीथेट्‍पा नका गुइलाई रेम्‍बेसाड्‍डामी।

२ थेसलोनिकी 2:8

मेम्‍मा डु़म्‍लाकु कोर्थो़लाम बमिम मेराम मु़चु़ रो। ङाचो़ येशूका उनीमा सिलाम लुक्‍पा सामका गुलाई सेन्‍मी, मा गुमी योमिमिमकु झ्‍वाक्‍पा यु़मका पुयु़लुबेन्‍मी।

२ तिमोथी 1:1

आमा द्‌वादीबुङ तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। ख्रीष्‍ट येशूडा त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम होम्‍साका, मा उनीमा नका थुट्‌ङिडिमिम गो ख्रीष्‍ट येशूकु थु़र्मा सो़। इकीमा माम्‍चु़नी पाप नुङ इकीमा ङाचो़ ख्रीष्‍ट येशूलामका गाना दिदाम, न-थो़म नुङ न-भ्रसी ल्‍वानानु़!

२ तिमोथी 1:8

मेम्‍मिमका इकीमा ङाचो़ येशूकु दुथाममिम ल्‍वा मु़चु़मिमनुङ सो़मु इमा क्रो़म मेलु़नु़, मा गो ङाचो़काम लागि चला सो़सिसाका बुङुमिमका गोडाम इमा क्रो़म मेलु़नु़। मेम मेबेसाका, गो होम्‍साकाङा गाना वो जो़पा-सेलाकाम लागि दु़खा बे। माम्‍चु़नीका मे दु़खा इम्‍मु यु़म ग्‍वानामी।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

तीतस 2:11

हेङालोने खोत्‍ले मु़चु़मिम सेल्‍मुमि लागि माम्‍चु़नीका उनी दिदाम रेम्‍बेम्‍डिम बु।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

तीतस 3:4

लावो इकीमा सेल्‍पा माम्‍चु़नीका उनी न-थो़म नुङ रिखाम गुइडला रेम्‍बेम्‍डी,

हिब्रू 10:32

आच्‍छाङाकाम सिजेमलामका गानीडा ओल दो़स्‍ताम मे ङादोम नेममिम मिम्‍नी, मेकोतिलो गानी हापा दु़खा ल्‍वान्‍नी लोवो थो़रलु़न्‍निमङा बान्‍नी।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

२ पत्रुस 1:3

गुमीलाई छेडिमिमलामका माम्‍चु़नीकु लाम्‍दीडा लाम्‍दिमु लागि चाहेबिइमिम खोत्‍ले ल्‍वा माम्‍चु़नीकु उनी यु़मका गुइलाई ग्‍वाक्‍साड्‌डामिम बु। उहेमका उनी त्‍वाकु यु़म-झ्‍वाक्‍सी नुङ जो़पा दु़म्‍सीलामका गुइलाई येसाड्‌डामी।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

२ पत्रुस 3:2

माम्‍चु़नीकु सिजेम जेपा उनी मु़चु़मिमका माके र्‍वाम्‍डिम ल्‍वा नुङ इकी ङाचो़ नुङ गुइलाई सेल्‍पाका इनी थु़र्मामिमलामका बेबेट्‌निम ल्‍वा गो मिम्‍बेनिनी।

१ यूहन्‍ना 1:2

माम्‍चु़नीका गुमीलाई रेम्‍बेम्‍डी, मा गुकु ल्‍वात्तोको मा गुकु उनीमा दुथाम सो़कु। मेम्‍मा हेल्‍लो वो मेसिपा मेराम त्‍वारो़मकु दुथाम गानीनुङ सो़कु। गुमी पापनुङ बाम्‍डी, मा माम्‍चु़नीका गुकुनुङ रेम्‍बेम्‍डी।

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

रेम्‍बेट्‌मिडिम ल्‍वा 18:1

आकोतिमा कोङमी पाह्रीचो़ पाह्रीलामका योक्‍तोङा बु़डु़म गो ल्‍वाउतो। गु छो़म साखामनुङमा बाइडा, मा उ झ्‍वाक्‍सीका सुबु छ्‌याङ-छ्‌याङया दु़स्‍ता।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

रेम्‍बेट्‌मिडिम ल्‍वा 20:14

मेम्‍मा सिमु नुङ खादी मुकु भुल्‍मु गोडा छाघ्रोसिक्‍ची। मे मुकु भुल्‍मु ननोम सिमु सो़।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।