२ थेसलोनिकी 3:6 - थुलुङ राई

⁶ वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

२ थेसलोनिकी 3:6 Iomraidhean Croise

मत्ती 18:17

गुका इनीमा वो ल्‍वा मेबिसावा माला मण्‍डलीनुङ सो़या। मण्‍डलीका र्‍वामिम वो मेरामका थो़मु मेबिसावा माला मेरामलाई माम्‍चु़नीडा थो़रमेलु़पा वाङसामा होङङा लोवो कर फक्‍पा मेजो़पा छु़लचो़ होङङा लोवो बेनी।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

१ कोरिन्थी 11:2

खोत्‍ले ल्‍वाडा गानी गोलाई मिम्‍ङिनी, मा गो गानीलाई ग्‍वानिनिम सीसि झेन्‍थानिमिमका, गो गानीलाई कोनिनी।

१ कोरिन्थी 5:4

गानी इकी ङाचो़ येशूकु नङडा खोम्‍सिनिलो आमा न नुङ ङाचो़कु यु़म गानीगोडा दु़म्‍लो,

१ कोरिन्थी 5:9

नाम्‍सु़रु़ बेपामिमनुङ कोदेप मेबानी र्‍वाक्‍साका गो गानीलाई आमा सेलाखाजेमडा र्‍याक्‍तोम बाइडा।

२ कोरिन्‍थी 2:10

गानी कोङनिमलाई पाचो ग्‍वानी माला गो वो मेरामलाई पाचो ग्‍वाक्‍पु। कोङनिम मु़चु़लाई कोङनिम ल्‍वाडा गो पाचो ग्‍वाक्‍तोम बु माला येशू ख्रीष्‍टकु ङादोडा इनीमा लागिङा पाचो ग्‍वाक्‍पु।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

१ थेसलोनिकी 4:11

ङादो गुकु गानीलाई र्‍वाक्‍तोकोम होङङा लिवा बानी, त्‍वाकु खारी मिम्‍पा दु़म्‍नी, त्‍वाकाम लागि त्‍वाकाङा खारी बेनी।

१ थेसलोनिकी 5:14

वा-ल्‍वाकनी, भ्रेपा मु़चु़लाई ङिमसाट्‌नी, ङिपामिमकाम उनी न बन्‍साट्‌नी। ख्‍लो़मु बासिक्‍पामिमलाई ख्‍लो़नी। खोत्‍लेनुङ इम्‍सिक्‍साका बानी।

२ थेसलोनिकी 2:15

मेम्‍मिमका वा-ल्‍वाकनी, गुकु गानीलाई आकी सिजेमका लोवो सेलाखाजेमका लोवो सीत्तोकोम सीसि होम्‍साका बेनिम बानी, मा थो़र लु़निम बानी।

२ थेसलोनिकी 3:7

हेङालोने गुकु बेत्तोकोम होम्‍साकाङा गानी वो खारी बोमु बासी र्‍वाक्‍पा ने चनिम ङा बु। गुकु गानीनुङ बात्तोकोम थारीका हेल्‍लो वो मेभ्रेकुवा।

१ तिमोथी 5:21

गो गानालाई माम्‍चु़नी, ख्रीष्‍ट येशू नुङ माम्‍चु़नीकु पाह्रीचो़मिमकु ङादोडा चङचङया बाबेनी, चोमिक्‍सी मेबेसाका गाना खोत्‍लेनुङ दिदाम, न-थो़म रेम्‍बेसाका ओर्मिम खारी बे।

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

२ यूहन्‍ना 1:10

कोङनिम मु़चु़ इनीमा घ्रो़म्‍दीडा रो मा ओराम सीसि मेरेडु़वा माला मेराम मु़चु़लाई नेमडा मेयेट्‌नी। सेव मेसाट्‌नी।