२ थेसलोनिकी 3:2 - थुलुङ राई

² माम्‍चु़नीका गुकुलाई रु़चो़ नुङ मेजो़पा मु़चु़डाम वाङ बोकिमिनु़ र्‍वाक्‍साका वो सो़म्‍दी बेनी, हेङालोने येशूकु सीसिडा खोत्‍लेका ने थो़र मेलु़मी।

२ थेसलोनिकी 3:2 Iomraidhean Croise

मत्ती 17:17

मेकोतिमा येशूका र्‍वाम्‍डी, “ए मेजो़पा नुङ थो़र मान्‍थिम मु़चु़नी, गो हाम्‍सिसम्‍म गानीनुङ बुङु मा? हाम्‍सिसम्‍म गानीलाई इम्‍मु? मे स्‍वालालाई आमाडा फिट्‌नी।”

मत्ती 23:23

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, हेङालोने गानी याक्‍के मसलामिमकाम वो दशांश ग्‍वानी। लावो निया, न-थो़म नुङ थो़र र्‍वाक्‍मा डु़म्‍लागोडाम डोक्‍पु ल्‍वामिमलाई हाम होङङा वो मेलु़निवाम बु। गानी दशांश ग्‍वाक्‍निवा, मा ओ डोक्‍पु ल्‍वामिम बोमु बासिक्‍पा बाइडा।

लूका 18:8

गो गानीलाई र्‍वाङु, गुमीका दालाङा मेर्मिमकु निया बोमी। लावो मिनीचो़ सुबुडा योलो हाङको मु़चु़का गुडला थो़रलु़पा डारु़मी मा?”

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 17:5

लावो वाङमिम यहूदीमिमका ने मेर्मिमडला उनी नाचु़रका बजारबाडेम ङाल्‍पामिमलाई खोप्‍साका शहरडा ङाल्‍बेट्‌मिडी। पावल नुङ सिलासलाई सेर्पा मु़चु़मिमकु ङादोडा रेन्‍मुमा येम्‍सिबेन्‍मु लागि मेर्मिम यासोनकु नेमथो़ लम्‍ल्‍याम्‍डी।

थु़र्मा 25:27

हेङालोने चक्‍मा मु़चु़लाई मेजो़पा ल्‍वामिमका मुमा बेट्‌माकु दुथाम रेम्‍मेबेसाका गुलाई डोक्‍पु हप कैसरकाडा थु़र्मु जो़पा मेलु़ङु।”

थु़र्मा 28:24

गुका र्‍वाक्‍ताम ल्‍वाडा याङ-याङका थो़रलु़म्‍डी, याङ-याङका थो़र मेलु़मिवा।

रोमी 10:16

लावो जो़पा-सेला थो़पामिम खोत्‍लेका ने थो़रमेलु़मिवा, हेङालोने माम्‍चु़नीलाम जेपा यशैयाका आरे र्‍वाक्‍ताम बु, “ए ङाचो़, गुकु थो़बेत्तोकोम जो़पा-सेला डा सु़का थो़र बु़डु़म बु मा?”

रोमी 15:31

यहूदियाडा बाट्‍पा थो़रमेलु़पा मु़चु़मिमडाम माम्‍चु़नीका गोलाई गेङिमिनु़ मा यरूशलेमडाम थो़रलु़पामिम लागि फक्‍मा खउलुङ मेर्मिमका रमिनु़ र्‍वाक्‍साका सो़म्‍दी बेङ्‍साङनी।

१ कोरिन्थी 15:32

सिपा मु़चु़ सिमुलाम मेबगे माला सो़प्‍दीडाम हादीबारामिमनुङ होङङा एफिसस शहरडाम मु़चु़मिमनुङ क्‍वाल्‍बा बेउतोमका गोलाई हाम जो़पा दु़स्‍ता मा? सिपा मु़चु़ सिमुलाम मेब माला ने, “गुइ पिइ-डुङी, हेङालोने दिका ने गुइ सिइ।” र्‍वाक्‍मा होङङा बिइलो नु़।

१ थेसलोनिकी 2:18

गुकु इनीमाडा रोमु छो़म माल्‍तोको, मा गो पावल ने हापा खेपङा रोमु माल्‍तो, लावो शैतानका भोप्‍तिकी।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।