२ थेसलोनिकी 2:8 - थुलुङ राई

⁸ मेम्‍मा डु़म्‍लाकु कोर्थो़लाम बमिम मेराम मु़चु़ रो। ङाचो़ येशूका उनीमा सिलाम लुक्‍पा सामका गुलाई सेन्‍मी, मा गुमी योमिमिमकु झ्‍वाक्‍पा यु़मका पुयु़लुबेन्‍मी।

२ थेसलोनिकी 2:8 Iomraidhean Croise

मत्ती 13:19

लाम्‍दीडा झुक्‍पा भ्रल मेरामङा सो़, उहेमका माम्‍चु़नीकु किब्‍दीकु दुथाम सिजेम थो़सु़, लावो थेसिमेथेडु़। मेम्‍मा शैतान रोमा भ्रल फोट्‌मा होङङा जु़ल्‍मा मेरामकु नड्‌डाम सिजेम रोडु़मा ल।

मत्ती 13:38

मे येका सु़म्‍दिसेरलाई रेम्‍बु़। जो़पा भ्रलका उनी त्‍वापलाई माम्‍चु़नीकु साखामगोडा जु़ल्‍पामिमलाई रेम्‍बु़। मालिन्‍दोका माम्‍चु़नीकु स्‍वाक्‍चिमो शैतानकु चो़मिमलाई रेम्‍बु़।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

१ कोरिन्थी 1:28

सु़म्‍दिसेरडाम मु़चु़मिमका डोक्‍पु मिम्‍मिडिम ल्‍वामिमलाई हाम ना हामकाम दु़म्‍बेन्‍मु लागि सु़म्‍दिसेरका याक्‍के मिम्‍डु़म मा हाम ना हामकाम ल्‍वामिमलाई माम्‍चु़नीका छेट्‌मिडी।

२ थेसलोनिकी 2:3

मु़चु़मिमका ओराम ल्‍वाकु दुथाम गानीलाई र्‍वामिमिम लिमा ल्‍वा जेसाका लु-फेले बोमु मेल्वासु़नु़। मु़चु़मिम माम्‍चु़नीकु कोर्थो़लाम बमी, मा माम्‍चु़नीकु डु़म्‍लाकाम कोर्थो़लाम बमिम पुयु़लुक्‍पा मु़चु़ रो। मेम्‍मा ङाचो़ येशू योमी।

१ तिमोथी 6:14

ङाचो़ येशू ख्रीष्‍ट आथावो योमिमिम थारीसम्‍म गो बेबेट्‌निम ल्‍वा जो़होमका बे मा सु़का वो मेजो़पा ल्‍वा इमा बुइडला उन्‍मु मेल्‍वामिनु़।

२ तिमोथी 1:10

ओम्‍लो मेराम दिदाम गुइलाई सेल्‍पा ख्रीष्‍ट येशू योम्‍डिमलाम रेम्‍बेम्‍डिम बु। येशूका सिमुलाम घ्‍ल्‍वाम्‍डिमा जो़पा-सेलालामका हेल्‍लो वो मेसिपा त्‍वारो़म ल्‍वापा लाम्‍दी ओलडा रेम्‍बेम्‍डी।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

हिब्रू 10:27

लावो ङिमलु़पा निया लम्‍थामु नुङ माम्‍चु़नीकु स्‍वाक्‍चिमो छो़रो़प बेपा डोक्‍पु मु कोङङा दु़म।

१ यूहन्‍ना 2:13

ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्‌पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने शैतानडला गानी घ्‍ल्‍वान्‍निम बु। द्‌वादीबुङ चो़च्‍चो़नी, गो गानीलाई ओराम र्‍याक्‍तोङा बेउ, हेङालोने इकीमा माम्‍चु़नी पापलाई गानी छेट्‌निम बु।

१ यूहन्‍ना 3:12

कयिन होप्‍माम मेदु़म्‍नी, गु शैतानकाम बाइडा, मा उमा ल्‍वाक सेड्‌डु़। गुका हेङा उमा ल्‍वाक सेड्‌डु़? हेङालोने कयिनका हाम बु़डु़ मेराम रु़चो़काम बाइडा मा उमा ल्‍वाकका बु़डु़म ने जो़पा न-गोनुङमाकाम बाइडा।

१ यूहन्‍ना 5:18

उहेम मु़चु़ माम्‍चु़नीलाम गस्‍ताम बु मेरामका हेल्‍लो लोवो छु़ल बु़होम मेबु। माम्‍चु़नीकु तारापाचो़का मेराम मु़चु़लाई बोमी-थार्मी मा शैतानका मेराम मु़चु़लाई लु़म्‍मु मेचाप्‍सु़ र्‍वाक्‍पा गुइ च।

रेम्‍बेट्‌मिडिम ल्‍वा 1:16

उनीमा जो़प ल्‍वालाम येतले सोरलुङमिम जेन्‍थाम्‍डी, मा उनीमा सिलामका नलेलाम फल्‍खोप बाट्‌पा हन्‍पा कातु़रु़ लुक्‍ता। उनीमा ङाली नेम्‍फुम नेम्‍सुङ होप्‍माम छो़म झ्‍वाक्‍पा बाइडा।

रेम्‍बेट्‌मिडिम ल्‍वा 13:5

डोक्‍पु लिसिक्‍साका जेपा नुङ माम्‍चु़नीलाई डक्‍साका जेपा सि मे हादीबाराका रङ्‍डु़, मा ब्‍ल-न मुनामसम्‍म साखाम थो़मु ल्‍वास्‍तु़।

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

रेम्‍बेट्‌मिडिम ल्‍वा 2:16

मेम्‍मिमका माम्‍चु़नीथो़ ख्‍लोन्‍सिट्‌नी। मेएँ माला ने गो इमाडा दालाङा रोङु मा आमा सिलामका लुक्‍पा कातु़रु़का मे निकोलाइटसमिमकु कोर्थो़लाम बङुमा क्‍वाल्‍बा बेउ।

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।