२ थेसलोनिकी 2:2 - थुलुङ राई

² कोङनिमका ओराम ल्‍वा र्‍वामु चाम्‍मी, माम्‍चु़नी-पेललाम लोवो कोङनिमलाम लोवो आकीमा कोङनिम सेलाखाजेममिमलाम लोवो थो़त्तोकोम ङाचो़ येशू ङादोङा योमु डु़म्‍मिडिम बु। मेर्मिमका आरे र्‍वामिलो इनीमा नडा मेभ्रल्‍यासिड्‌पा मेदु़म्‍नी मा इनीमा लो़ मेदाम्‍नु़।

२ थेसलोनिकी 2:2 Iomraidhean Croise

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मर्कूस 13:7

हाङकोलो गानी क्‍वाल्‍बा नुङ क्‍वाल्‍बाकु ल्‍वा थो़नी मेकोतिलो इनीमा लो़ मेदाम्‍नु़, हेङालोने आरेप्‍माम दु़म्‍मु ङा बासी। मेकोतिमा वो हुमु थारी रोमु ने हापा दु़म।

लूका 21:19

गानी गोडला थो़र लु़निम बुनिमिमका ङा त्‍वारो़म डार्नी।

लूका 21:9

मु़चु़मिम येपा-दुक्‍पा मा क्‍वाल्‍बा दु़म्‍पा ल्‍वा थो़नी लोवो गानी मेङिनी, हेङालोने हुक्‍पाथारी रोमु ङादो आरेप्‍माम दु़म्‍मुङा बासी। मेकोतिलोङा सु़म्‍दिसेर हुक्‍पाथारी ने मेरोल्‍या।”

यूहन्‍ना 14:1

“इनीमा न-गोडा मेभ्रसिक्‍पा मेदु़म्‍नी। माम्‍चु़नीडा थो़रलु़नी, मा गोडला वो थो़र बेनी।

यूहन्‍ना 14:27

न-भ्रसी गो गानीनुङ पार्जो़लु, मा आमा न-भ्रसी गो गानीलाई ग्‍वानिनी। गानी ओराम सु़म्‍दिसेरका ग्‍वाक्‍पा होप्‍माम न-भ्रसी गो मेग्‍वानिनी। इनी न-गो मेभ्रसिक्‍पा मेदु़म्‍नी, मा मेङिनी।

१ कोरिन्थी 1:8

हुक्‍पा थारी मेदु़म्‍थु़मसम्‍म गुमीका गानीलाई छो़म सोनुङमा दु़म्‍बेनी। मेम्‍मा इकीमा ङाचो़ येशू ख्रीष्‍ट आथावो योमिलो गानी हाम वो मेजो़पा मेबेपा डार्निमी।

१ कोरिन्थी 14:32

माम्‍चु़नीलाम जेपामिमकु राप्‍लावा माम्‍चु़नीलाम जेपामिमकाम त्‍वाकु ल्‍वाडा दु़म्‍मिमका मेराम राप्‍लावा जो़होमका थो़मु बासी।

१ कोरिन्थी 7:26

ओम्‍लोम दु़खा रेप्‍डिलो गानी हेप्माम बासीडा बुनिमिम बु, मेम्साकाङा बुनिमिम जो़पा दु़म र्‍वाक्‍पा गोलाई लु़।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

१ थेसलोनिकी 3:3

मेम्‍मा ओर्मिम दु़खाका गानीगोडाम सु़ वो उनी गो मेभ्रसिक्‍पा मेदु़म्‍मिनु़। गुकु आरेप्‍माम दु़खा ल्‍वामु लागिङा थुसिक्‍तोकोम र्‍वाक्‍पा गानी त्‍वाकाङा चनी।

१ थेसलोनिकी 4:15

ङाचो़ येशूका गुकुलाई र्‍वाम्‍डिम ल्‍वा गानीनुङ र्‍वाकु। ङाचो़ ख्रीष्‍ट ख्‍लोम्‍सिमिमिमनेम गुइ सामनुङमाका सिप्‍ल्‍याक्‍पामिमडाम ङादो गुमीलाई मेक्रो़म्‍डी।

१ थेसलोनिकी 5:2

हेङालोने खुचु़वा सिन्‍था रोमिम होङङा चमवो मेलु़मिमनेम ङाचो़ येशू योमी र्‍वाक्‍पा गानी जो़होमका चनी।

२ थेसलोनिकी 2:15

मेम्‍मिमका वा-ल्‍वाकनी, गुकु गानीलाई आकी सिजेमका लोवो सेलाखाजेमका लोवो सीत्तोकोम सीसि होम्‍साका बेनिम बानी, मा थो़र लु़निम बानी।

२ थेसलोनिकी 3:17

गो पावल, आमा त्‍वाकु ल्‍वाकाङा ओराम सेव र्‍याक्‍तोम सो़। मेर्मिम सेलाखाजेम गो थु़र्तोम र्‍वाक्‍पा रेम्‍बोमु लागि खोत्‍ले आमा सेलाखाजेमडा आरेसाकाङा र्‍याक्‍पु।

रेम्‍बेट्‌मिडिम ल्‍वा 19:20

लावो मसीहका मे हादीबारा नुङ माम्‍चु़नीलाम जेपा लिसिक्‍पालाई उनी ल्‍वाड्‌डा बेम्‍डी। मे माम्‍चु़नीलाम जेपा लिसिक्‍पाका हेल्‍लो वो मेल्‍वाम्‍मा छेखोपमिम मे हादीबाराकु ङादोडा रेम्‍बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्‌पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्‍धक वाक्‍तोङा बेपा छो़म डोक्‍पु मुकु भुल्‍मु गोयु़ गुमीका छाघ्रोम्‍डिची।