२ थेसलोनिकी 2:12 - थुलुङ राई

¹² मेम्‍मिमका येशू ख्रीष्‍टकु दुथाममिम आच्‍छाङाकु ल्‍वाडा थो़र मेलु़पा, लावो मेजो़पा ल्‍वाडा भ्रसिक्‍पा खोत्‍ले मु़चु़लाई माम्‍चु़नीका मुमा बेन्‍मी।

२ थेसलोनिकी 2:12 Iomraidhean Croise

मर्कूस 14:11

मेर्मिमका ओराम ल्‍वा थो़म्डिमा गेर्सिम्‍डी, मा यहूदालाई खउलुङ ग्‍वाक्‍पा मुलु़ बेम्‍डी। मेकोतिमा यहूदाका गुमीलाई हेसाका चु़म्‍बेन्‍मुमी र्‍वाक्‍साका जो़पा खाप रेम्‍मु चो़म्‍डु़।

मर्कूस 16:16

उहेम-उहेम ओराम जो़पा-सेलाडा थो़र लु़मी, मा कु-रु़दु़म रमी मेर्मिम सेल्‍सिमी, मा ओराम ल्‍वाडा थो़र मेलु़पा नुङ कु-रु़दु़म मेरपामिम ने देन्‍दे ल्‍वामी।

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

रोमी 1:32

आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।

रोमी 12:9

मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।

रोमी 2:8

लावो रिबुसी किट्पा, त्‍वाकाम कोङङा जो़पा बोमु माल्‍पा, आच्‍छाङाकाम ल्‍वा मेथो़पा, मा मेजो़पा खारी बेपामिमडला माम्‍चु़नीका उनी छोक्‍चो हान्‍मी।

१ कोरिन्थी 13:6

रिखाम मेजो़पा ल्‍वाडा मेगेर्सी, लावो आछाङाकाम ल्‍वाडा गेर्सी।

१ थेसलोनिकी 5:9

माम्‍चु़नीका उनी छोक्‍चो गुइडला हान्‍मु लागि मेएँ, लावो इकी ङाचो़ येशू ख्रीष्‍टलामका गुइलाई सेल्‍मु लागि थुसाड्‌डामी।

२ थेसलोनिकी 2:10

मा पुयु़ लुक्‍पा मु़चु़मिमलाई मेरामका खोत्‍ले मेजो़पा ल्‍वाका लु-फेले बु़मी। मेर्मिम पुयु़ लुमी हेङालोने सेल्‍सिक्‍पा आच्‍छाङाकाम ल्‍वा मेर्मिमका मेद्‌वाक्‍मिवा मा मेरमिवा,

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।