२ थेसलोनिकी 2:10 - थुलुङ राई

¹⁰ मा पुयु़ लुक्‍पा मु़चु़मिमलाई मेरामका खोत्‍ले मेजो़पा ल्‍वाका लु-फेले बु़मी। मेर्मिम पुयु़ लुमी हेङालोने सेल्‍सिक्‍पा आच्‍छाङाकाम ल्‍वा मेर्मिमका मेद्‌वाक्‍मिवा मा मेरमिवा,

२ थेसलोनिकी 2:10 Iomraidhean Croise

मत्ती 13:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई ने ग्‍वाक्‍मा बु, लावो वाङमिमलाई ने ग्‍वाक्‍मा मिबु।

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 5:34

आमा दुथाम सो़मु गोलाई मु़चु़ मेबासी। लावो गानी सेल्‍सिट्‌नी र्‍वाक्‍साका गो ओर्मिम ल्‍वा सो़उमिम।

रोमी 10:1

वा-ल्‍वाकनी, इस्राएलीमिम सेल्‍सिमु ल्‍वामिनु़ र्‍वाक्‍साका आमा न-गोलाम ङा माम्‍चु़नीडा छो़म सो़म्‍दी बेउ।

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

१ कोरिन्थी 1:18

पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्‍सिक्‍पामिमकाम लागि ओराम माम्‍चु़नीकु यु़म सो़।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

२ कोरिन्‍थी 11:13

आरेप्‍माम मु़चु़मिम ने थु़र्मा लिसिक्‍पामिम नुङ लिमा थेसाका खारी बेपामिम, मा ख्रीष्‍टकु थु़र्मामिम होप्‍माम ल्‍वाला सो़सिक्‍पामिम सो़।

२ कोरिन्‍थी 11:15

मेम्‍मिमका शैतानकु डु़ल्‍चो़मिमका वो माम्‍चु़नीकु न होप्‍माम डु़ल्‍चो़ होङङा रेम्‍बेसिक्‍पा ल्‍वाडा ङाङाया दु़म्‍मु मेबासी। मेर्मिम ने हाम ल्‍वामुका घ्रेट्‌पा बुमी मेराम दिफु ल्‍वामी।

२ कोरिन्‍थी 2:15

हेङालोने सेल्‍सिक्‍पामिम नुङ पुयु़लुक्‍पामिम गोडा गुइ माम्‍चु़नीकाम लागि ख्रीष्‍टकु भ्रपा मूरनेम्‍पा धूप सो़।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

१ थेसलोनिकी 2:16

मेर्मिमका गुकुलाई वाङसामामिम सेल्‍सिक्‍पा जो़पा-सेला थो़बेन्‍मुडाम भोप्‍तिकी। आरे बेसाका मेर्मिमका हापा छु़लमिम बेत्तो लम्‍डी। मेर्मिमडाम छो़म माम्‍चु़नीकु छोक्‍चो बक्‍ताम बु, मा हुम-दडा मेर्मिमलाई देन्‍दे ग्‍वामी।

२ थेसलोनिकी 2:12

मेम्‍मिमका येशू ख्रीष्‍टकु दुथाममिम आच्‍छाङाकु ल्‍वाडा थो़र मेलु़पा, लावो मेजो़पा ल्‍वाडा भ्रसिक्‍पा खोत्‍ले मु़चु़लाई माम्‍चु़नीका मुमा बेन्‍मी।

२ थेसलोनिकी 2:13

माम्‍चु़नीका रिखाम बेपा वा-ल्‍वाकनी, इनीमा लागि माम्‍चु़नीलाई हेल्‍लो लोवो आलासो़ ग्‍वामुङा बासी। हेङालोने माम्‍चु़नी पेलका गानीलाई सेपा उनी मु़चु़ दु़म्‍बेट्‌निम नुङ आच्‍छाङाकाम ल्‍वाडा बेन्‍निम थो़रलाम माम्‍चु़नीका गानी खोत्‍लेडाम ङादो सेल्‍सिमु छेट्‌निम बु।

१ तिमोथी 2:4

माम्‍चु़नीका खोत्‍ले मु़चु़मिम सेल्‍सिमिनु़, मा आच्‍छाङाकाम ल्‍वा थेसिथेन्‍मिनु़ र्‍वाक्‍पा न बोमी।

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

२ पत्रुस 2:12

लावो मेर्मिम मु़चु़का उनी त्‍वाकाङा थेसिमेथेट्‌मिमिम ल्‍वाकु दुथाम मेजो़पा जेमी। मेर्मिम ने मेमिम्‍साका खारी बेपा मा चु़म्‍मुमिमा सेन्‍मुमि लागि कोङङा गम्‍डिम सो़ब्‍दीपोमिम होप्‍माम बुमी। मेर्मिम मु़चु़ सो़ब्‍दीपोमिम होङङा सिमी।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।