२ थेसलोनिकी 2:1 - थुलुङ राई

¹ वा-ल्‍वाकनी, इकीमा ङाचो़ येशू ख्रीष्‍ट योमिमिम नुङ गुमीलाई क्रो़म्‍मु लागि माम्‍चु़नीका कोदेप खोप्‍सामिमिमकु दुथाम गुकु गानीलाई छो़म र्‍वाकु,

२ थेसलोनिकी 2:1 Iomraidhean Croise

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

मत्ती 25:32

खोत्‍ले सामाडाम मु़चु़मिम उमा ङादोडा खोम्‍सिमी, मा रेपा-क्रिपा मु़चु़का छ्‌वाराडाम भेन्‍दालाई फ्‍वाकु़मिम होम्‍साका गुका मु़चु़मिमलाई फ्‍वाकु़मी।

मर्कूस 13:27

मेकोतिमा गुमीका पाह्रीचो़मिमलाई सुबु नुङ धामु खोत्‍लेथो़ थु़र्मी, मा मेर्मिमका खोत्‍लेलामका माम्‍चु़नीका छेट्‌मिडिम खोत्‍लेलाई कोदेप बोमिमा रेन्‍मी।

रोमी 12:1

आमा द्‍वादीबुङ वा-ल्‍वाकनी, माम्‍चु़नीका गानीलाई रिखाम बोनिमी। मेम्‍मिमका गानी इनी सिपा मिरो़मलाई सेपा नुङ माम्‍चु़नीडा ग्‍वामु घ्रेट्‍पा बेसाका इनीमा त्‍वारो़म गुमीडा ग्‍वाक्‍नी र्‍वाक्‍साका गो छो़म र्‍वाङु। इनीमा न-गोका बोमु बासिक्‍पा आच्‍छाङाकाम सो़रलोले वो ओराम ङा सो़।

एफिसी 1:10

माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

१ थेसलोनिकी 2:19

इकी ङाचो़ येशू योमिलो उनी ङादोडा हाम-हुम ल्‍वापा आकी न लोवो, आकी न-भ्रसी लोवो, आकी पुरस्‍कार लोवो, गानीङा मेएँ मा?

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी: