२ थेसलोनिकी 1:9 - थुलुङ राई

⁹ हेल्‍लो वो त्‍वारो़म मेल्‍वापा बेसाका पुयु़लुक्‍पा देन्‍दे मेर्मिमका ल्‍वामी। मेराम ने ङाचो़ येशूडाम नुङ उनीमा झ्‍वाक्‍पा यु़मडाम वाङ दु़म्‍मु सो़।

२ थेसलोनिकी 1:9 Iomraidhean Croise

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 22:13

“मेकोतिमा हपका उ ख्‍लो़या-बाया बेपामिमलाई र्‍वाक्‍ता, ‘मेरामकु ल्‍वा-खेल बसाका मु़चु़मिम ख्राप्‍मिमिम नुङ उनी लि ख्रेन्‍मिमिम पाखानोम तुकुम्‍चिमगोडा घ्रोक्‍नी।’

मत्ती 24:30

“मेकोतिमा मिनीचो़ योक्‍तोङा बेपा छेखोप धामुला रेम्‍बेसी, मा खोत्‍ले मु़चु़मिम ख्राम्‍मी-दुमी। मेम्‍मा धामुलाम खासेडलामका यु़म नुङ यु़म-झ्‍वाक्‍सीडा मिनीचो़ योक्‍तोङा बेपा मेर्मिमका ल्‍वामी।

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

मत्ती 26:24

मिनीचो़ ने माम्‍चु़नीकु सिजेमका र्‍वाक्‍ताम होम्‍साका सिमुङा बासी। लावो मिनीचो़लाई भ्रेट्‌पा ने हाउरेमा! मेराम मु़चु़ ने मेगक्‍सावामङा उमा लागि जो़पा दु़प्‍सावा।”

मत्ती 7:23

गो मेर्मिमलाई र्‍वाङु, ‘गो गानीलाई हेल्‍लो वो छेट्‌निनिमङा मिबु। माम्‍चु़नीकु न होम्‍साका खारी मेबेपा मु़चु़नी, आमा फार्डा मेबानी।’

लूका 13:27

“लावो गुका र्‍वा, ‘गो गानीलाई र्‍वाङु, गानी बालामका रोक्‍निम गो मेचक्‍पु। रु़चो़नी, आमा फार्डा मेरोक्‍नी।’

यूहन्‍ना 5:14

चङडा येशूका मेरामलाई सो़रनेमगोडा डार्मिडिमा र्‍वाम्‍डी, “रेप्‍डा, गाना सन्‍नाम बु। आथाडा आनो गाना छु़ल मेबे, मा गानाडला मेजो़पा मेरोनु़।”

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

१ थेसलोनिकी 5:3

“आकी न भ्रसिक्‍पा बु, हामकाम वो ङिम मिबु” र्‍वाक्‍साका मु़चु़मिमका र्‍वामिम बुमी। मेराम थारीकाङा गोजु़मे मेसेमका चो़च्‍चो़ कमु लागि उ थो़म नो़पा थारी रोथामिम होङङा स्‍वामु मेल्‍वासाका मेर्मिम कोचोत्ति पुयु़लुमी।

२ थेसलोनिकी 2:8

मेम्‍मा डु़म्‍लाकु कोर्थो़लाम बमिम मेराम मु़चु़ रो। ङाचो़ येशूका उनीमा सिलाम लुक्‍पा सामका गुलाई सेन्‍मी, मा गुमी योमिमिमकु झ्‍वाक्‍पा यु़मका पुयु़लुबेन्‍मी।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

हिब्रू 10:29

मेम माला ने माम्‍चु़नीकु तारापाचो़लाई खेल गोयु़ देम्‍पा, गुलाई सेपा दु़म्‍बेड्‌डु़म सो़रख्रेप्‍सीकु सिसि मेसेपा दु़म्‍बेट्‌पा, मा दिदाम रेम्‍बेपा माम्‍चु़नी-पेललाई डक्‍पा मु़चु़ हाङको हापा इम्‍मु मेझापा देन्‍दे ल्‍वामुका घ्रेट्‌पा दु़म र्‍वाक्‍पा गानी लु़नी?

२ पत्रुस 2:17

लिमा ल्‍वा सीपा ओर्मिम मु़चु़ कु मेपुट्‌पा कुकु नो़मिम नुङ ब्‍लोजु़का हुट्‌पा सिखाप होप्‍माम सो़। माम्‍चु़नीका मेर्मिमकाम लागि छो़म तुकुम्‍चिमका हुपा खोम बनेबेम्‍डिम बु।

२ पत्रुस 3:7

मेराम सिजेमकाङा ओम्‍लोम सुबु नुङ पाह्री मुका ख्‍याबेन्‍मु लागि जु़ल्‍मा बु। मेर्चिपलाई माम्‍चु़नीकु लाम्‍दीडा लाम्‍मेदिपा मु़चु़मिम पुयु़लुमिलोम निया दु़म्मिम नेमसम्‍म जु़ल्‍मा बु।

यहूदा 1:13

मेर्मिम ने दो़न्‍दो़न्‍या मेबाट्‌पा दिरिदिनकु बाबारिम होप्‍माम सो़। कुकु बाबारिमका जाजाब्‍लु़म ख्‍लुकु़मिम होङङा मेर्मिमका क्रो़मलु़पा खारी रेम्‍बोमी। मेर्मिम ताङताहेरथो़ लक्‍पा सोरलुङ होप्‍माम सो़, उहेमकाम लागि केकेयाम तुकुम्‍चिम हेल्‍लो लोवो रान्‍थाट्‌मा बु।

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

रेम्‍बेट्‌मिडिम ल्‍वा 20:14

मेम्‍मा सिमु नुङ खादी मुकु भुल्‍मु गोडा छाघ्रोसिक्‍ची। मे मुकु भुल्‍मु ननोम सिमु सो़।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।