२ थेसलोनिकी 1:7 - थुलुङ राई

⁷ मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

२ थेसलोनिकी 1:7 Iomraidhean Croise

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

मत्ती 26:64

येशूका मेरामलाई तुम्‍डी, “अँ, गानी र्‍वाक्‍निम होमङा सो़। लावो गो गानी खोत्‍लेलाई र्‍वाङु, दिफु मिनीचो़लाई खोत्‍लेडाम घ्‍ल्‍वापा माम्‍चु़नीकु जो़पलाम गन्‍पा, मा धामुलाम खासेडलामका योक्‍तोङा बेपा गानी ल्‍वानी।”

मर्कूस 14:62

येशूका र्‍वाम्‍डी, “गो ङा, गानी मिनीचो़लाई माम्‍चु़नीकु जो़पलामका गन्‍तासिट्‌पा मा धामुला खासेडा योक्‍तोङा बेपा ल्‍वानी।”

मर्कूस 8:38

ओराम नाम्‍सु़रु़चो़ नुङ छु़लचो़मिमगोडा उहेम गो नुङ आमा सिजेमडाम उमा क्रो़म लु़, मिनीचो़ वो माम्‍चु़नी पापकु यु़म-झ्‍वाक्‍सीडा माम्‍चु़नीकु नङका साट्‌मा पाह्रीचो़मिमनुङ योलो मेरामडाम उमा क्रो़म लु़।”

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

लूका 17:30

“मिनीचो़ योमिमनेम वो मेम्‍साकाङा मु़चु़मिम मेझो़म्‍सिट्‌मी।

यूहन्‍ना 1:3

माम्‍चु़नीका गुमीलामका खोत्‍ले प्रङ्‌मिडी, मा गुमी मान्‍थि कोले वो मेप्रङ्‌सिप्‍मिवा।

यूहन्‍ना 1:51

गुमीका मेरामलाई र्‍वाम्‍डी, “आच्‍छाङा गो गानालाई र्‍वाङु, पाह्री ह्‌वासिमिम, मा माम्‍चु़नीकु पाह्रीचो़मिम मिनीचो़डला योक्‍तो लक्‍तो बोमिमिम गाना ल्‍वाना।”

थु़र्मा 1:11

मेकोतिमा मेर्चिपका मेर्मिमनुङ र्‍वाक्‍ची, “ए गालीलडाम मु़चु़नी, गानी हेङा येम्‍तासिनिमा धामुथो़ रेम्‍थानिमिम? गुमी गानीगोलामका पाह्रीथो़ कोम्‍सिम्‍डी, ओम्‍लो गानी येशू हेसाका ओलामका पाह्रीथो़ कोम्‍सिम्‍डिम ल्‍वान्‍नी मेम्‍साका ङा आथावो गुमी योमी।”

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

१ कोरिन्थी 3:13

मेराम खारी निया दु़म्‍मिमनेम मुलामका जो़होमका रेम्‍बेसी। मेम्मा खोत्‍ले मु़चु़का हेप्‍माम खारी बेम्‍डिम बु मेराम मुका छाम्‍डु़।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

एफिसी 1:2

माम्‍चु़नी इकीमा पाप नुङ ङाचो़ येशू ख्रीष्‍टलामका दिदाम नुङ न-भ्रसी ल्‍वानिनु़।

कलस्‍सी 1:16

हेङालोने पाह्रीला मा सुबुडा बाट्‌पामिम, मिक्‍सीका ल्‍वासिमिम, मेल्‍वासिमिम, साखाम थो़पा गन्‍खोपमिम दु़म्‍नु़का यु़ममिम, साखामचो़मिम दु़म्‍नु़का डोक्‍पुमिम, खोत्‍लेलाई माम्‍चु़नीका ख्रीष्‍टलामका प्रङ्‌मिडी। माम्‍चु़नीका खोत्‍ले ख्रीष्‍टलामका मा ख्रीष्‍टकाम लागि प्रङ्‌मिडी।

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

२ तिमोथी 2:12

गुइ इम्‍डी माला, गुमीनुङङा साखाम थो़डी, गुइ गुमीलाई रमु मेबिसिडिवा माला गुमीका वो गुइलाई रमु मेबिम्‍सिमी।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

हिब्रू 10:27

लावो ङिमलु़पा निया लम्‍थामु नुङ माम्‍चु़नीकु स्‍वाक्‍चिमो छो़रो़प बेपा डोक्‍पु मु कोङङा दु़म।

हिब्रू 12:29

हेङालोने इकीमा “माम्‍चु़नी ने छो़रो़प बेपा मु होप्‍माम सो़।”

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

हिब्रू 4:9

माम्‍चु़नी येत्‍नोम नेम ङेम्‍सिम्‍डिम होम्‍साकाङा माम्‍चु़नीकु मु़चु़मिमकाम लागि वो ङेसिक्‍पा नेम जु़ल्मिडिम बु।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

२ पत्रुस 3:7

मेराम सिजेमकाङा ओम्‍लोम सुबु नुङ पाह्री मुका ख्‍याबेन्‍मु लागि जु़ल्‍मा बु। मेर्चिपलाई माम्‍चु़नीकु लाम्‍दीडा लाम्‍मेदिपा मु़चु़मिम पुयु़लुमिलोम निया दु़म्मिम नेमसम्‍म जु़ल्‍मा बु।

यहूदा 1:7

हेसाका सदोम शहर, गमोरा शहर नुङ मेर्चिपकु होनो-आथो़म शहरडाम मु़चु़मिमका मेघ्रेट्‌पा बेसाका वाङमिमनुङ अम्‍पा छो़म न बेम्‍डी। हेल्‍लो वो मेसिपा मुड्‌डा मेर्मिमका छो़म देन्‍दे ल्‍वासाका रेम्‍बेम्‍डिम बु।

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

रेम्‍बेट्‌मिडिम ल्‍वा 21:4

गुमीका मेर्मिम खोत्‍लेकाम मिक्‍सीडाम प्‍ल बम्‍सामी। मेर्मिम आथा ने मेसिमी, मेख्राम्‍मी मेदुमी मा उनी थो़म्‍बोक ख्‍वाक्‍पा दु़खा मेदु़म, हेङालोने ङादोम ल्‍वामिम दाम्‍स्‍ल्‍याड्‌डाम बु।”

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

रेम्‍बेट्‌मिडिम ल्‍वा 22:6

मे पाह्रीचो़का गोलाई आरे र्‍वाक्‍ता, “गानालाई र्‍वाक्‍मा ओर्मिम खोत्‍ले ल्‍वा थो़रलु़इमिम नुङ आच्‍छाङाकाम बु सो़। दु़म्‍मुङा खापा ल्‍वामिम उनी डु़ल्‍चो़मिमलाई रेमबेन्‍मु गुमीलाम जेपा मु़चु़मिमलाई न ग्‍वाक्‍पा मिप्रङमा माम्‍चु़नीका उनी पाह्रीचो़ थु़र्मिडी।”

रेम्‍बेट्‌मिडिम ल्‍वा 22:9

लावो गुका गोलाई आरे बेङ्‌डी, “आरे ने मेबे! गो ने गाना, माम्‍चु़नीलाम जेपा इमा वा-ल्‍वाकमिम नुङ ओराम खाजेमडाम सिजेममिम होम्‍साका दोपामिम होप्‍माम माम्‍चु़नीकु डु़ल्‍चो़ कोङङा सो़। माम्‍चु़नीलाई सेव साडा।”

रेम्‍बेट्‌मिडिम ल्‍वा 6:11

मेम्‍मा मेर्मिम खोत्‍लेलाई माम्‍चु़नीका बुबुयाम ब्‍लाङमा ग्‍वाम्‍डी, मा माम्‍चु़नीकु खारी बेपामिम वो मेर्मिम होम्‍साका मु़चु़मिमका सेसाका ङार्सीडा मेलिथु़मसम्‍म आथावो लन्‍थाट्‍नी र्‍वाक्‍साका मेर्मिमलाई र्‍वाम्‍डी।