२ थेसलोनिकी 1:5 - थुलुङ राई

⁵ माम्‍चु़नीका जो़होमका निया बोमी मा उनीमा किब्‍दीकाम लागि गानी घ्रेट्‌पा दु़म्‍निम बु र्‍वाक्‍पा इनीमा दु़खाका रेम्‍बु़।

२ थेसलोनिकी 1:5 Iomraidhean Croise

लूका 20:35

लावो सिमुलामका बक्‍साका पाह्रीथो़ लमु घ्रेट्‌पा मु़चु़मिम ने मेम्‍साका लालीकुन्‍दा मेबोमी मा मेबोम्‍सामी वो।

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

रोमी 2:5

लावो इनीमा न-गो लुङ होप्‍माम बेन्‍निमा गुमीथो़ ख्‍लोसिमु न मेबेनिवा। मेम्‍मिमका माम्‍चु़नीकु निया रेम्‍बेसिक्‍पा मेराम छोक्‍चोकाम नेम गानी छो़म डोक्‍पु देन्‍दे ल्‍वानी।

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

एफिसी 4:1

मेम्मिमका ङाचो़ येशू ख्रीष्‍टकु खारी बेउतोमका झ्‍यालखानडा चसिक्‍पा गो पावलका गानीलाई छो़म र्‍वाङु, माम्‍चु़नीका गानीलाई उनीमा हेप्‍माम मु़चु़ दु़म्‍मुकाम लागि येट्‌निम बु मेराम होम्‍साका दोनी बानी।

फिलिप्‍पी 1:28

मा इनीमा कोर्थो़लाम बक्‍पामिमडाम हाङकोवो मेङिनी र्‍वाक्‍पा ल्वा थो़मु आमा न बु। इनीमा हेलो लोवो मेङिपा ल्वा ने कोर्थो़लाम बक्‍पामिमकाम लागि पुयु़लुक्‍पाकु छेखोप दु़म, लावो इनीमा लागि ने सेल्‍सिमुकु छेखोप सो़, मा मेराम सेल्सिमु ने माम्चु़नीलाम सो़।

कलस्‍सी 1:12

भ्रसिक्‍साका पापलाई आलासो़ ग्‍वाक्‍नी। हेङालोने गुमीका ओलकु किब्दीडा उनीमा मु़चु़मिमका ल्वापा ल्वा गानीलाई वो ल्वामु घ्रेट्‍पा दु़म्बेट्‌निम बु।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।

२ तिमोथी 2:12

गुइ इम्‍डी माला, गुमीनुङङा साखाम थो़डी, गुइ गुमीलाई रमु मेबिसिडिवा माला गुमीका वो गुइलाई रमु मेबिम्‍सिमी।

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

रेम्‍बेट्‌मिडिम ल्‍वा 16:7

मेम्‍मा सासेन्‍खोपलाममिम लो़लामका आरे र्‍वाक्‍ताम गो थो़उतो: “मेमङा सो़, मिप्रङमा माम्‍चु़नी खोत्‍लेडलाम यु़मनुङमा, इनीमा निया आच्‍छाङाकाम नुङ जो़पा बु।”

रेम्‍बेट्‌मिडिम ल्‍वा 19:2

हेङालोने उनीमा निया आच्‍छाङाकाम नुङ जो़पा बु। मे छो़लो़माकु नाम्‍सु़रु़ बेसीका सु़म्‍दिसेरडाम मु़चु़मिमलाई छो़म मेजो़पा बेबेट्‌पा मेरामलाई माम्‍चु़नीका देन्‍दे ग्‍वाम्‍डिम बु। गुमीका उनीमा डु़ल्‍चो़मिमकु सिसिकाम फुलु़ सो़म्‍डिम बु।”

रेम्‍बेट्‌मिडिम ल्‍वा 3:4

लावो सार्डिसडा बाट्‌पा गानीगोडाम कोले-नले मु़चु़का उनीमा ये-सेम घ्रामलु़पा बेम्‍डिम मिबु। मेर्मिम मु़चु़ बुबुयाम ये-सेम फसिक्‍साका गोनुङ लाम्‍दिमी, हेङालोने मेर्मिम गोनुङ लाम्‍दिमुका घ्रेट्‌पा बुमी।